2 Samuweli 18:23 - IBAYIBOLO 2024

²³ Umu Etiyopiya yula akati, “Napapo vingatamya, nkulonda imbuke.” Po u Yowabu akamubuzya akati, “Bukagha!” U Ahimazi akanda pakuchimbila nukudumusannya mumusebo uwa mwikombe nukumuchila umu Etiyopiya yula.

2 Samuweli 18:23 Iomraidhean Croise

2 Samuweli 18:21

Po Yowabu akamubuzya umu Etiyopiya akati, “Bukagha pakumupangila u mwene zizyo wazyennya.” Umu Etiyopiya yula akafughama pamaso pa Yowabu nukwanda pakuchimbila.

2 Samuweli 18:22

U Ahimazi umwana uwa Zadoki akamubuzya sona u Yowabu akati, “Napapo vingatamya, nalamba unyitikizye ukuti nane bulo inchimbile pakumupangila u mwene poka nu mu Etiyopiya yula.” Loli u Yowabu akamula akati, “Wee mwana wane, nkimba choni chicho ukulonda pakubuka, bo uzimenye ukuti utakwiza pakupokelapo umuvwalo naghumoghumo?”

2 Samuweli 18:24

Bo u Devedi ikaye pakasi pamulyango uwa mukasi nuwa kuzi, umulindilili akakwela palubumba nukwimilila pachisonje icha mulyango uwa kaya kala. Bo atalankannya, akamwennya umuntu ali pakuchimbila.

Yohani 20:4

Bosi babili bakachimbilagha loli umumanyili uyunji yula akachimbila nkani ukuchila u Pitala. Akaba wakwanda ukufika kwipumpa.