2 Samuweli 18:2 - IBAYIBOLO 2024

² U Devedi akabatuma abasilikali babo bakaba mutubukatila tutatu, u Yowabu akaba we songo uwa kabukatila koka, u Abishayi umwana uwa Zeluya umuzuna uwa Yowabu, akaba we songo uwa kabukatila akabubili, sona u Itayi umu Giti akaba we songo uwa kabukatila akabutatu. U mwene akababuzya abasilikali bala akati, “Nane nkwiza pakubuka poka namwe.”

2 Samuweli 18:2 Iomraidhean Croise

2 Samuweli 17:11

“Po ifundo yiyo ningakubuzya yo iyi: Aba Izilayeli bosi aba mu Dani naba mu Belisheba, babo binji nkani ngati musesenga uwa mulubazu ulwa nyanja, babungane poka kuno, sona awe ubalongolelaye pakubuka kubwite.

2 Samuweli 21:17

Loli u Abishayi umwana uwa Zeluya akamupoka u Devedi, akalwa ubwite nu mu Filisiti nukumughogha. Po abantu aba Devedi bakalapa kwa Devedi bakati, “Utakwiza pakubuka sona naswe kubwite, lumo inyale iya Izilayeli yingazima.”

2 Samuweli 23:18

U Abishayi uwamwabo uwa Yowabu, umwana uwa Zeluya akaba mulongozi uwa bantu 30. Akabaghogha abantu 300 ni mpalala yache, po akaba muntu mumanyikwe nkani ngati bantu batatu bala.

2 Samuweli 8:16

U Yowabu umwana uwa Zeluya akaba we songo uwa basilikali. U Yehoshafati umwana uwa Ahiludi akaba musimbi uwa mabuku agha mbili.

1 Abamwene 2:28

Bo u Yowabu, yuyo akaba kulubazu ulwa Adoniya, napapo atakaba kulubazu ulwa Abisalomu, ivwa zinizi akachimbilila ku Chisakasa icha Mwene pakulema impembe izya chighemo.

Masalimo 3:6

Ntakwiza pakubanyila abalwani napapo bangaba binji nkani, napapo banganzyungulila kumbazu zyosi.

Abalongi 7:16

U Gidiyoni akabagaba abantu 300 bala mutubukatila tutatu, nukumupa umuntu wesi ipati ni sonta, yiyo yikaba ni chikoka mukasi.

Abalongi 7:19

Po u Gidiyoni poka na bantu 100 babo akaba nabo bakafika kubumalilo ubwa visakasa pakasikasi pabusiku, bo abalindilili bapokelana bulo. Po bakalizya amapati ghabo nukuzifwantannya isonta zizyo bakanyamula munyobe zyabo.

Abalongi 9:43

U Abimeleki akabagaba abantu bache mutubukatila tutatu nukuvwamilila mumaghunda. Bo u Abimeleki abennya abantu bala bakwepamo mukaya akakulu nkani, u mwene poka na bantu bache bakavundumuka mubuzilo bubo bakavwamagha ukuti babaghoghe.

1 Samuweli 11:11

Indabi yache u Sabuli akabagaba abantu bache mutubukatila tutatu, po kubuche bakinjila muvisakasa ivya ba Amoni nukubaghogha mupaka pamusanya. Abantu babo bakapona bakanyampana, umuntu wesi akachimbilagha pamwene.