2 Samuweli 18:17 - IBAYIBOLO 2024

¹⁷ Abasilikali bala bakasenda umuvimba uwa Abisalomu nukughusumbila muchiliba ichitali nkani mumusitu mula, sona bakalundikapo ichibunga icha mabwe. Pakabalilo kalakala aba Izilayeli bosi bakachimbilila mutwaya twabo.

2 Samuweli 18:17 Iomraidhean Croise

2 Samuweli 19:5

Po u Yowabu akinjila munyumba mumo mukaba u mwene nukuti, “Ilelo wabakozya isoni abasilikali bako bosi babo bakupoka awe na bana bako abalumendo na balindu na bachi bako sona na bachi bako abazya.

2 Samuweli 19:8

Po u mwene akanyamuka nukwikala pachitengo chache pamulyango uwa kaya. Bo abantu bivwa ukuti, “U mwene ikaye pamulyango,” bosi bakiza pamaso papache. Pakabalilo kalakala aba Izilayeli bakachimbilila mutwaya twabo.

2 Samuweli 19:9

Aba Izilayeli bosi bakadalinkanagha benebene bakati, “U Devedi akatupoka munyobe izya balwani bitu. U mwene weyuyo akatupoka munyobe izya ba Filisiti. Loli ilelo achimbilamo muchisu pachifukwa icha Abisalomu,

2 Samuweli 20:1

Pakabalilo kalakala kukabako umuntu yumo uwa mwalwemwalwe yuyo akaba we Sheba umwana uwa Bikili, umu Benjamini. U Sheba akalizya ipati nukukolomoka ukuti, “Aswe tute ni chigaba nachimochimo mwa Devedi, sona tute ni mpyana mu mwana uwa Yese. Mwee ba Izilayeli umuntu wesi abwelaye ku chisakasa chache.”

2 Samuweli 20:22

Pakubombezya amahala ghache, umukolo yula akabuka ku bantu bosi pakubabuzya zinizi. Po bakamudumula umutu u Sheba umwana uwa Bikili nukumusumbila u Yowabu. U Yowabu akalizya ipati, po abantu bosi bakafumamo mukaya kala, sona umuntu wesi akabwela kunyumba yache. U Yowabu akanyokela kwa mwene mu Yelusalemu.

2 Abamwene 14:12

Aba Izilayeli bakabapota abantu aba mu Yuda, po umusilikali wesi akachimbilila kukaya kache.

2 Abamwene 8:21

Po u Yeholamu akabuka ku Zayili, poka ni ngolo zyache zyosi izya bwite. Aba Edomu bakamuzyungulila, poka na basongo ababendezya ngolo zyache izya bwite, loli akalamusya pabusiku nukuchimbila. Abasilikali bache bope bakachimbila nukubwela.

Ivyili 10:7

Umuntu umugholosu akukumbukiwanga ngati lusayo, loli itabwa ilya muntu umubibi likwiza pakuba ngati chintu ichibozu.

Ukukumbusya Amalamulo 21:20

Abapapi bache bababuzye abasongo bala ukuti, “Umwana witu uyu ali nu moyo umukafu nkani, sona wamadinko. Atakutwivwila nalumo, umwakuti mupafu, sona we ching'wela.”

Ukukumbusya Amalamulo 21:21

Po abanavuli bosi aba mukaya mula bamughoghe na mabwe. Bunubu mukwiza pakwefya ububibi pakasi papinyu. Aba Izilayeli bosi bakwiza pakwivwa zinizi nukuba nubogha.

Yoshwa 10:27

Bo izuba likwinjila u Yoshwa akalamula ukuti imivimba yila yisiwepo pamakwi pala nukuyisumbila mumpako mumo bakavwamaghamo. Pamulyango uwa mpako bakabunguluzizyapo amabwe amakulu nkani, ghagho ghachili ghalipo nilelo.

Yoshwa 7:26

Bakalundika amabwe aminji nkani pipumpa ilya Akani, ghagho ghachili ghalipo mupaka nilelo bulo. Bunubu ubukali ubwa Mwene bukatozoka. Ichi cho chifukwa mupaka nilelo bulo ubuzilo bula bukwitiziwanga ukuti, “Ikombe ilya Ntamyo.”

Yoshwa 8:29

U mwene uwa mukaya kala akapayikiwa pikwi nukumuleka palapala mupaka pachamabwila. Bo izuba likwinjila, u Yoshwa akabalamula abantu ukuti bisye umuvimba ghula pikwi pala nukughusumbila pamulyango uwa kaya akakulu nkani kala. Po bakalundikapo amabwe, ghagho ghachili ghalipo mupaka nilelo bulo.

1 Samuweli 4:10

Po aba Filisiti bakalwa ubwite nukubapota aba Izilayeli bosi, sona umuntu wesi akachimbilila ku chisakasa chache. Abantu abinji bakaghoghiwa kubwite, umwakuti abasilikali 30,000 aba ba Izilayeli abakwenda pasi bakafwa.