2 Samuweli 17:17 - IBAYIBOLO 2024

¹⁷ U Yonatani nu Ahimazi bakalindililagha pambwibwi mu Eni Logeli. Uwambombo umulindu weyuyo akabukagha pakubamanyisya ivintu, po bope bakabuka pakumubuzya u mwene u Devedi, pachifukwa ichakuti batakalondagha ukuti abantu babennye bo bakwinjila mukaya akakulu nkani kala.

2 Samuweli 17:17 Iomraidhean Croise

2 Samuweli 15:27

U mwene akamubuzya sona umuputi u Zadoki akati, “Nkimba awe te we mwenelezyi? Nyokela mukaya akakulu nkani mumutende, poka nu mwana wako u Ahimazi nu Yonatani umwana uwa Abiyatala.

2 Samuweli 15:35

Nkimba umuputi u Zadoki nu Abiyatala batakwiza pakuba kulakula poka nawe? Ubabuzye abaputi bala zyosi zizyo ukwivwa munyumba iya mwene.

2 Samuweli 15:36

Abana babo babili, u Ahimazi umwana uwa Zadoki, sona nu Yonatani umwana uwa Abiyatala bope bali kulakula poka nabo. Po untumile zyosi zizyo ukwivwa ukwendela mubantu banaba.”

1 Abamwene 1:42

Bo achili akunena, u Yonatani umwana uwa muputi u Abiyatala akafika. Po u Adoniya akati, “Injila, awe we muntu umwiza nkani, lumo wiza ni pangwi ilyiza.”

1 Abamwene 1:9

Isiku limo u Adoniya akabikagha ichakwiyipa icha ng'ozi ni ng'ombe, sona ni ngwata inyine pibwe ilya Zoheleti papipi nakaya akakulu aka Eni Logeli. Akabitizya abawamwabo bosi, babo bakaba bana abamwene, poka na makambala ghosi agha mwene mu Yuda.

Yoshwa 15:7

Po impaka yila yikenda mupaka ku Debili ukufuma kwikombe ilya Ntamyo, mupaka ku Giligali kumitu, umwakwenannya ni chikwela icha Adumimu kuntende kwikombe lila. Impaka yila yikendelela mupaka ku mizi agha Eni Shemeshi mupaka ku Eni Logeli.

Yoshwa 18:16

Impaka yikika mupaka muntende mwighamba lilyo likenannya ni Kombe ilya Beni Hinomu, kumitu kwikombe ilya Lefayimu nukwikila kwi Kombe ilya Beni Hinomu mupaka kukaya akakulu nkani aka ba Yebusi nukufika ku Eni Logeli.