2 Samuweli 17:16 - IBAYIBOLO 2024

¹⁶ Losi ulu tuma amazyu kwa Devedi aghakuti, ‘Mutakaghone munkolongo pabusiku, loli mwenelezye ukuti mwafumamo, lumo awe na bantu bosi babo bali poka nawe mukwiza pakughoghiwa.’ ”

2 Samuweli 17:16 Iomraidhean Croise

2 Samuweli 15:14

Po u Devedi akaghabuzya amakambala ghache ghosi ghagho ghakaba mu Yelusalemu akati, “Zagha, tuchimbile, lumo nayumoyumo pakasi papitu yuyo akwiza pakupona. Lubilo, zagha tumuchimbile u Abisalomu, lumo angiza umwalubilolubilo nukulwa naswe ubwite nukutughogha twebosi mukaya akakulu aka.”

2 Samuweli 15:28

Ane nkwiza pakulindilila piloboko munkolongo mupaka mumbuzye namumo ivintu vibeleye.”

2 Samuweli 15:35

Nkimba umuputi u Zadoki nu Abiyatala batakwiza pakuba kulakula poka nawe? Ubabuzye abaputi bala zyosi zizyo ukwivwa munyumba iya mwene.

Masalimo 35:25

Batakinong'onaye ukuti, “Eee twavyagha vivyo twavilondagha” Pamo ukunena ukuti, “Twamumila bulo.”

Masalimo 55:8

Ngali nachimbilila kuko nkwikala, pabutali nkani pakumuchimbila ukankungu ni mpepo iyamaka.”

Masalimo 56:2

Isiku lyosi abakunyobezya bakunchimbizya, sona babo bakulwa nane binji nkani.

Masalimo 57:3

Akutuma ubwavwilizi bwache kumwanya nukumpoka, po akwiza pakubakozya isoni babo bakanjivya. U Chala akwiza pakungana pachifukwa ichakuti musubiliwa.

1 Aba Kolinti 15:54

Bo chicho chibozu chanduliwa pakuba chicho chite chibozu, sona bo ichifwe chanduliwa pakuba chicho chite chifwe, po Amasimbo ghakwiza pakukwanilisiwa ghagho ghakuti, “Ubufwe bwapotiwa zila.

2 Aba Kolinti 5:4

Bo tukwikala muchisakasa icha muchisu ichapasi, tukukoloma, sona tukung'wamilwa, kute kokuti tukulonda pakwinjila muchisakasa chitu icha muchisu ichapasi, awe, loli nkaninkani tukulonda pakuvwala inyumba yitu iyakumwanya yila, umwakuti chicho chifwe chimiliwe nubumi.

1 Samuweli 20:38

Po u Yonatani akakolomoka sona akati, “Lubilo, chimbila. Utakazyelaye!” Umulumendo akaseba akalasilo kala nukunyokela nako kwa Yonatani.