2 Samuweli 17:14 - IBAYIBOLO 2024

¹⁴ U Abisalomu poka naba Izilayeli bosi bakati, “Ifundo iya Hushayi umu Alikiti nyizapo ukuchila ifundo iya Ahitofeli.” Pakuti u Mwene akalondagha pakuyivulungannya ifundo inyiza iya Ahitofeli, umwakuti amuwisizye intamyo u Abisalomu.

2 Samuweli 17:14 Iomraidhean Croise

Ubwandilo 32:28

Umuntu yula akati, “Ukwanda ilelo itabwa lyako litakwiza pakuba sona we Yakobo. Watoba nu Chala, sona na bantu nukubapota. Polelo itabwa lyako likwiza pakuba we Izilayeli.”

2 Samuweli 15:31

U Devedi akabuziwa ukuti, “U Ahitofeli ali pakasi pabantu abakusambukila bala poka nu Abisalomu.” Po u Devedi akiputa akati, “Wee Mwene ughapele amahala agha Ahitofeli ukuti ghabe mapunganu.”

2 Samuweli 15:34

Loli nanti ukunyokela mukaya akakulu nkani nukumubuzya u Abisalomu ukuti, ‘Wee mwene, ane nkwiza pakuba ne wambombo wako. Kale ane nkaba ne wambombo uwa wise, loli ilelo nkwiza pakuba ne wambombo wako,’ ukwiza pakunyavwa pakumuvulungannya u Ahitofeli.

2 Samuweli 16:23

Mumasiku ghalaghala amahala ghagho akamupa u Ahitofeli ghakaba ngati po mazyu aghakufuma kwa Chala. Po u Devedi nu Abisalomu akaghachindika nkani amahala ghosi agha Ahitofeli.

2 Imbili 10:15

Po u mwene yula atakabateghelezya abantu bala, pakuti u Chala weyuyo akaziyanizizya zila ukuti zibanje bunubu, umwakuti amazyu agha Mwene ghagho akamubuzya u Yelobowamu umwana uwa Nebati ukwendela mwa Ahiya waku Shilo ghakwanilisiwe.

2 Imbili 10:8

Loli u Lehobowamu akazisulannya zizyo bakamubuzya abasongo bala, nukubabuzikizya abalumendo abantanka yache, sona babo bakamubombelagha pakabalilo kalakala.

2 Imbili 25:16

Bo umulaghuzi yula achili ali pakunena, u mwene akamulalusya akati, “Nkimba sweswe tukakusala ukuti ubanje we wakumanyisya u mwene amahala? Utakandizye sona! Nkimba choni chicho ukulonda pakufwa?” Umulaghuzi yula akaleka loli akati, “Inzimenye ukuti u Chala akulonda pakukughogha, pachifukwa ichakuti wabomba zinizi sona nukuti ukazisulannya zizyo nkakubuzya.”

2 Imbili 25:20

Loli u Amaziya atakateghelezyanga, pakuti u Chala akabomba bunubu umwakuti ababike munyobe izya Yehowashi, pachifukwa ichakuti bakabuzikizyanga abachala aba mu Edomu.

Nehemiya 4:15

Bo abalwani bitu bivwa ukuti twazyaghannya zizyo bakabatika pakutubombela, sona nukuti u Chala akabavulungannya, twebosi tukanyokela pakuzenga sona ulupaso lula.

Yobu 12:17

Abamahala akubafyula amahala ghabo, sona akubapungannya abalongi.

Masalimo 9:15

Abantu aba inko izinji bawila muchiliba chicho bikumbiye bene, sona inyayo zyabo zilemiwe muchilepa chicho bakategha.

Masalimo 9:16

U Mwene ivumbuye mwene pachifukwa icha bwanaloli bwache, sona ababibi balemiwe muchipingo icha mbombo zyabo.

Ukufuma 9:16

Loli imbalekite bumi ukuti indanjizye amaka ghane amakulu, umwakuti itabwa lyane limanyikwe pachisu chosi ichapasi.

Ivyili 19:21

Umuntu angabatika inyinji nkani mumoyo wache, loli ubwighane ubwa Mwene bo bubo bukukwanilisiwanga.

Ivyili 21:30

Ghataliko amahala, pamo ukwivwisya ivintu, pamo imbatiko, zizyo zingamuchila u Mwene.

Yesaya 8:10

Munene zyosi zizyo mukulonda pakunena, loli zikwiza pakuba zyabulo sakizya imbatiko zyinyu, loli zitakwiza pakubomba pakuti u Chala ali naswe.

Nkuto 3:37

Nkimba wewenu angalamula ukuti ichi pamo chila chibombiwanje, nanti u Mwene atitikizizye?

Amosi 9:3

Napapo bangavwama pamwanya pighamba ilya Kalimeli, nkwiza pakubalonda nukubalema. Napapo banganvwama pasi panyanja, nkwiza pakuyilamula injoka ukuti yibalume.

Luka 16:8

Polelo u mwene uwa kapitawa yula akamupalizya uwambombo umusitakusubiliwa yula, pachifukwa icha busitakusubiliwa kwache. Pakuti abantu aba muchisu ichapasi bachevu pakwendezya ivintu vyabo ukuchila abantu babo bali mu lukozyo.”

1 Aba Kolinti 3:19

Pakuti amahala agha bantu aba muchisu ichapasi, bo bupunganu pamaso pa Chala. Pakuti Amasimbo ghakuti, “U chala akubategha abamahala mubuchevu bwabo.”

Ukukumbusya Amalamulo 2:30

Loli u Sihoni atakatwitikizya ukuti tudumusannye muchisu chache. U Mwene u Chala winyu akaghupela umoyo wache pakuba mukafu, umwakuti amubike munyobe zyinyu ngati mumo zibeleye pakabalilo aka.

Yoshwa 11:20

Pakuti akaba we Mwene yuyo akaghapela amoyo ghabo pakuba makafu nkani, umwakuti balwe ubwite naba Izilayeli. U Mwene akabomba bunubu ukuti abazimizye bosi umwakusita kubapelela ichisa, ukuyana namumo u Mwene akamulamulila u Mozesi.