2 Samuweli 16:5 - IBAYIBOLO 2024

⁵ Bo u mwene u Devedi akupalamila papipi nakaya akakulu aka Bahulimu, umuntu yumo uwa munyumba iya Sabuli akafika. Umuntu yunuyu akaba we Shimeyi, umwana uwa Gela, po akamughuna u Devedi bo akufuma kuzi.

2 Samuweli 16:5 Iomraidhean Croise

2 Samuweli 16:14

U mwene poka na bantu babo bakaba nawe, bakafika ku Yolodani bo balitite nkani. Kulakula akikala pasi nukutuzya.

2 Samuweli 16:4

Po u mwene akamubuzya u Ziba akati, “Ivintu vyosi vivyo vikaba vya Mefibosheti, losi ulu vyaba vyako.” U Ziba akati, “Wee mwene, ane ne wambombo wako. Po nkukulaba ukuti akabalilo kosi umpelelaye ichisa.”

2 Samuweli 16:6

U Shimeyi akamusumba na mabwe u Devedi poka na makambala ghache, napapo abasilikali bosi bakaba ukuti bamuzyunguliye u mwene yula.

2 Samuweli 17:18

Loli umulumendo yumo akabennya nukumubuzya u Abisalomu. U Yonatani nu Ahimazi bakachimbilila kunyumba iya Bahulimu, yuyo akaba ni chiziba pakaya kache, po bosi babili bala bakavwama muchiziba chila.

2 Samuweli 23:31

nu Abi Aliboni uwamu Alabati nu Azimaveti umu Balihumu,

2 Samuweli 3:16

Loli umulume akamukonka umuchi wache mupaka ku Bahulimu, bo akulila. U Abinala akamubuzya akati, “Bwelagha!” Po akabwela.

Esitele 2:5

Pakabalilo kalakala mukaya akakulu nkani aka Susa mukabamo umu Yuda yumo yuyo akaba we Molodikayi, umwana uwa Yayili, umwana uwa Shimeyi sona umwana uwa Kishi uwaluko ulwa Benjamini.

Yobu 30:11

Pakuti u Chala ampela pakuba ne mudedebazu, sona umusita mbombo, po abene bakunena mwalwemwalwe bulo.

Masalimo 102:8

Abalwani bane bakuntuka isiku lyosi, abantu babo bakwiminkana nane, bakulitambula itabwa lyane pakughuna.

Masalimo 109:28

Baleke baghunaye, loli awe ukwiza pakusaya. Abantu abakwiminkana nane bakoziwanje isoni, umubombi wako akwiza pakusekela

Masalimo 69:26

Pakuti babavwimagha abantu babo wabafunda, sona bakughanena amayimba agha bantu babo wabavulazya.

Ukufuma 22:27

pachifukwa ichakuti umwenda ghunugho gho mwenda wene uwakuvwinka. Nkimba akwiza pakuvwinka ichoni? Nanti akundilila, nkwiza pakumwivwa, pakuti ne wachisa.

Ukufuma 22:28

“Mutakamusamulaye u Chala, sona mutakamughunaye umulongozi uwa bantu bako.

Ivyili 26:2

Ichighune pa muntu yuyo ate ninongwa chitangamuvulazya, viyanite bulo ni viyuni vivyo vikubuluka mumwanya loli vitamenye nukuwa pasi.

Umulumbilili 10:20

Utakamusamulaye u mwene namo munyinong'ono zyako, pamo ukumughuna umukabi bo uli kuchipinda chako. Pakuti utuyuni tungaghasenda amazyu ghako, pamo ichakubuluka chimo chingabuka pakumubuzya amazyu ghagho wanena.

Yesaya 8:21

Bakwiza pakwendakwendagha muchisu chosi bo bali nizala nukuwa amaka, bakwiza pakwennya kumwanya nukumughuna u mwene wabo nu Chala wabo.

1 Samuweli 17:43

Akamulalusya u Devedi akati, “Fwandi ne mbwa, ukuti unyizile ni ndisa?” Po umu Filisiti yula akamughuna u Devedi pakutambula amatabwa agha bachala bache.