2 Samuweli 16:23 - IBAYIBOLO 2024

²³ Mumasiku ghalaghala amahala ghagho akamupa u Ahitofeli ghakaba ngati po mazyu aghakufuma kwa Chala. Po u Devedi nu Abisalomu akaghachindika nkani amahala ghosi agha Ahitofeli.

2 Samuweli 16:23 Iomraidhean Croise

2 Samuweli 15:12

Bo u Abisalomu ali pakubika ivyakwiyipa, akamwitizya u Ahitofeli uwa mukaya aka Giloni, yuyo akamulingannyanga amahala u Devedi. Po ukusambuka kunuku kukaba kwa maka nkani, sona abantu babo bakamukonka u Abisalomu bakaba binji nkani.

2 Samuweli 15:31

U Devedi akabuziwa ukuti, “U Ahitofeli ali pakasi pabantu abakusambukila bala poka nu Abisalomu.” Po u Devedi akiputa akati, “Wee Mwene ughapele amahala agha Ahitofeli ukuti ghabe mapunganu.”

2 Samuweli 17:1

U Ahitofeli akamubuzya u Abisalomu akati, “Unyitikizye ukuti insale abantu 12,000 nukubuka pabusiku pakumulondelezya u Devedi.

2 Samuweli 17:14

U Abisalomu poka naba Izilayeli bosi bakati, “Ifundo iya Hushayi umu Alikiti nyizapo ukuchila ifundo iya Ahitofeli.” Pakuti u Mwene akalondagha pakuyivulungannya ifundo inyiza iya Ahitofeli, umwakuti amuwisizye intamyo u Abisalomu.

2 Samuweli 17:23

Bo u Ahitofeli ennya ukuti abantu bakitinkana ni fundo yiyo akababuzya, akakwela impunda yache nukubwela. Akakayannya akiza bulo akaya kache nukwipinyilila. Po akafwa nukusyiliwa mwipumpa ilya wise.

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Yobu 5:12

Akuzivulungannya inyinong'ono izya bachevu, umwakuti atakakabe ichintu nachimochimo.

Masalimo 19:7

Ululaghilo ulwa Mwene lwakufikapo, lukutupa sona ubumi ubupya. Amalamulo agha Mwene masubiliwa, ghagho ghakubapa amahala abantu babo bate nagho.

Masalimo 28:2

Unteghelezyanje bo nkulila ukuti umpelele ichisa sona bo nkulila, nkulaba ubwavwilizi. Unteghelezyanje bo nagholosezya inyobe zyane ku Buzilo bwako Ubuzelu Nkani.

Umulumbilili 10:1

Imbwele imfwe zikughapela amafuta aghakununkila pakuba nu munusi umubibi, umwakuyana bulo ubupunganu ubunandi bulo bungaghanangannya amahala nu muchizi.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 8:9

Abamahala bakwiza pakukoziwa isoni, amahala ghakwiza pakubamalila sona bakwiza pakulemiwa. Pakuti balikana izyu ilya Mwene, nkimba bali na mahala ghoni?

Ukubelengiwa 27:21

Imilile pamaso pa muputi u Eleyazala, yuyo akwiza pakubumanya ubwighane ubwa Mwene pakubombezya u Ulimu nu Tumimu. Umu momumo akwiza pakuchilongozezya ichilundilo chosi, nukumulamula u Yoshwa, poka ni chilundilo chosi icha ba Izilayeli.”

Matayi 11:25

Pakabalilo kalakala u Yesu akati, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi.

Luka 16:8

Polelo u mwene uwa kapitawa yula akamupalizya uwambombo umusitakusubiliwa yula, pachifukwa icha busitakusubiliwa kwache. Pakuti abantu aba muchisu ichapasi bachevu pakwendezya ivintu vyabo ukuchila abantu babo bali mu lukozyo.”

Aba Loma 1:22

Bakwinena bene ukuti bantu bamahala, loli bapunganu.

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.

1 Samuweli 30:8

U Devedi akamubuzikizya u Mwene akati, “Nkimba ningakakonka akabukatila aka mavyondongo? Nkimba nkwiza pakubagha nukubapoka abantu babo babalemite?” U Mwene akamwamula akati, “Bakonke, ukwiza pakubagha, sona ukwiza pakubapoka abantu babo babalemite.”