2 Samuweli 16:11 - IBAYIBOLO 2024

¹¹ Po u Devedi akamubuzya u Abishayi poka na makambala ghache ghosi akati, “Nanti umwana wane nu wane akulonda pakungogha. Po umu Benjamini uyu angaleka bulibuli pakunguna? Muleke bulo, angune pakuti we Mwene yuyo amubuzya ukuti abombe bunubu.

2 Samuweli 16:11 Iomraidhean Croise

Ubwandilo 15:4

Po u Mwene akamubuzya akati, “Umuzya uyu atakwiza pakuba wampyana yako, loli umwana uwako nu wako weyuyo akwiza pakuba wampyana yako.”

Ubwandilo 45:5

Loli mutakayimbaye mumoyo ghinyu pamo pakuba ni chitima, pachifukwa ichakuti mukangulizya muno, pakuti u Chala akantuma kuntazi kukwinyu umwakuti imbapoke.

2 Samuweli 20:1

Pakabalilo kalakala kukabako umuntu yumo uwa mwalwemwalwe yuyo akaba we Sheba umwana uwa Bikili, umu Benjamini. U Sheba akalizya ipati nukukolomoka ukuti, “Aswe tute ni chigaba nachimochimo mwa Devedi, sona tute ni mpyana mu mwana uwa Yese. Mwee ba Izilayeli umuntu wesi abwelaye ku chisakasa chache.”

2 Samuweli 7:2

Po akamubuzya umulaghuzi u Natani akati, “Ane nkwikala munyumba iya bumwene, yiyo yizengiwe na makwi agha mwale, loli Ibokosi ilya Lufingo ilya Chala lili muchisakasa.”

2 Abamwene 19:37

Isiku limo bo akwiputa munyumba iya chala wache u Nisiloki, abana bache abalumendo, u Adilameleki nu Shalazeli bakamughogha nupanga, po bakachimbilila kuchisu icha Alalati. Umwana wache u Esalihadoni akamupyana pakuba we mwene.

2 Imbili 32:21

U Mwene akamutuma uwantumi wache nukubazimizya abalwabwite bosi na balongozi sona na basongo aba basilikali muvisakasa ivya mwene uwamu Asiliya. Po akanyokela kukaya kache bo isoni zimulemite. Bo injila munyumba iya chala wache, abana bache abalumendo bakamughogha nupanga.

Masalimo 109:28

Baleke baghunaye, loli awe ukwiza pakusaya. Abantu abakwiminkana nane bakoziwanje isoni, umubombi wako akwiza pakusekela

Ezekiyeli 14:9

“ ‘Sona nanti umulaghuzi azimbuliwa ukuti alaghule zimo, ane ne Mwene nene namuzimbula umulaghuzi yulayula, po nkwiza pakulwana nawe nukumughoghela pakasi pabantu bane aba Izilayeli.

Ezekiyeli 20:25

Ukonjelezyapo nkabapa indaghilo zizyo zitakaba nyiza na malamulo ghagho ghatangabapa ubumi.

Matayi 10:21

“Abantu bakwiza pakubabika abawamwabo ukuti baghoghiwe, sona na bawise bope bakwiza pakubabombela bunubu abana babo. Abana bakwiza pakubasambukila abapapi babo ukuti baghoghiwe.

1 Samuweli 26:19

Wee mwene wane teghelezya amazyu agha mubombi wako. Nanti we Mwene yuyo akulonda ukuti unsambukile, po apokele ichakwiyipa ichakupepesezya imbibi. Loli nanti bantu bachibomba bunubu, u Mwene abaghune. Ilelo banyefyamo mumpyana iya Mwene sona bakuti, ‘Bukagha pakubabombela abachala abanji.’