2 Samuweli 16:10 - IBAYIBOLO 2024

¹⁰ Loli u mwene akamwamula u Abishayi nu wamwabo u Yowabu akati, “Vinivi vitakubapalamasya. Nanti akunguna kokuti u Mwene weyuyo amutumite ukuti, ‘Mughune u Devedi,’ sona yuyo ali na maka aghakumulalusya ukuti, ‘Nkimba choni chicho wabomba bunubu?’ ”

2 Samuweli 16:10 Iomraidhean Croise

Ubwandilo 50:20

Mukabatika ukuti mumbombele ububibi, loli u Chala akabatika ubwiza, ukuti bupoke ubumi ubwa bantu abinji, babo bumi ilelo pachifukwa icha zizyo zikaboneka.

2 Samuweli 19:22

U Devedi akamula akati, “Nkimba zikubapalamasya bulibuli amwe mwe bana aba Zeluya ukuti ilelo mubanje mwe balwani bane? Nkimba ilelo umuntu yumo abaghiye pakughoghiwa mu Izilayeli muno? Fwandi intazimenye ukuti ilelo ne mwene uwa ba Izilayeli?”

2 Samuweli 19:23

U mwene akamubuzya u Shimeyi akati, “Nkulapa ukuti utakwiza pakufwa.”

2 Samuweli 3:39

Ilelo inte na maka sona, napapo ne mwene umupakiwa, sona abana aba Zeluya bamaka nkani ukunchila. U Mwene amutanizye umuntu umubibi yunuyu ukuyana nu bubibi bwache.”

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

1 Abamwene 2:5

“Utakaluvyanje zizyo u Yowabu umwana uwa Zeluya akambombela, sona na zizyo akamubombela u Abinala umwana uwa Neli nu Amasa umwana uwa Yeteli, babo bakaba basongo babili aba basilikali aba Izilayeli. Akabaghogha pakabalilo akamutende ngati po pakabalilo aka bwite. Po ukunanga kwabo kulakula kuli pamutu papane, sona nkunyamula imbibi yache nukwipalaghulila inongwa pachifukwa icha libanda lilyo lite ni mbibi nayimoyimo.

2 Abamwene 18:25

Nkimba mutazimenye ukuti ane ntumiwe kuno nu bwighane ubwa Mwene pakuchinangannya ichisu ichi? U Mwene umwenecho akambuzya ane ukuti indwane nacho nukuchinangannya ichisu.’ ”

Yobu 9:12

Nanti akufyula, nkimba wewenu yuyo angamukanizya? Nkimba wewenu yuyo angamulalusya ukuti, ‘Ukubomba choni?’

Masalimo 39:9

Nkaba bulo myee, intakalondagha na pakunenapo chimo, pakuti wewe wazibomba zinizi.

Umulumbilili 8:4

Pakuti u mwene akunena nu bulaghili, nkimba wewenu yuyo angamulalusya ukuti, “Nkimba ukubomba ichoni?”

Nkuto 3:37

Nkimba wewenu angalamula ukuti ichi pamo chila chibombiwanje, nanti u Mwene atitikizizye?

Daniyeli 4:35

Abantu bosi aba muchisu ichapasi, bantu bulo pamaso papache. Akubomba vivyo vikumuhobosya, na maka agha kumwanya, sona nagha bantu aba pachisu ichapasi. Atalipo nayumoyumo yuyo angayikanizya inyobe yache, pamo pakumulalusya ukuti, “Nkimba ukubomba ichoni?”

Matayi 16:23

U Yesu akaghalabukila kwa Pitala nukumuchemela ukuti, “Epapo, we Satana! Awe uyanite bulo ni chizinka muzila yane. Inyinong'ono zyako zitakufuma kwa Chala, loli nyinong'ono bulo izya bantu.”

Matayi 8:29

Abantu bala bakakolomoka nkani bakati, “Nkimba ukulonda ichoni naswe we Mwana uwa Chala? Nkimba wiza pakutufunda, bo na kabalilo kache katafikiye?”

Yohani 18:11

U Yesu akamubuzya u Pitala akati, “Nyosezya upanga wako mubuzilo bwache. Nkimba ukwinong'ona ukuti ntakwiza pakung'wela ulubako ulwa ntamyo lulo Utata ampiye?”

Aba Loma 9:20

Loli awe we muntu bulo, nkimba wewenu awe ukuti umwamule u Chala? Nkimba isonta yikumulalusyapo umumatasonta ukuti, “Choni chicho ukamata bunubu?”

1 Pitala 2:23

Bo bakumutuka, atakatanizyapo ni ntuko. Bo akuyimba atakanenapo nalimolimo izyu ilyakoghofya. Loli akavibika vyosi munyobe izya Chala, yuyo we mulongi umugholosu.

1 Samuweli 26:19

Wee mwene wane teghelezya amazyu agha mubombi wako. Nanti we Mwene yuyo akulonda ukuti unsambukile, po apokele ichakwiyipa ichakupepesezya imbibi. Loli nanti bantu bachibomba bunubu, u Mwene abaghune. Ilelo banyefyamo mumpyana iya Mwene sona bakuti, ‘Bukagha pakubabombela abachala abanji.’