2 Samuweli 15:30 - IBAYIBOLO 2024

³⁰ Loli u Devedi akendelela nu bulendo bwache ubwa kwi Ghamba ilya Misyunguti, bo akulila. Akivwinka kumutu, sona atakavwala inkwato. Abantu bosi babo bakaba nawe bope bakivwinka kumitu, sona bakalilagha, bo bakubuka.

2 Samuweli 15:30 Iomraidhean Croise

2 Samuweli 15:29

Po u Zadoki nu Abiyatala bakanyamula Ibokosi ilya Lufingo lila nukunyokela mu Yelusalemu nukwikala mulamula.

2 Samuweli 19:4

U mwene akavwinka icheni chache nukulila nkani ukuti, “Wee, mwana wane Abisalomu! Wee, Abisalomu. Wee mwana wane!”

2 Samuweli 19:5

Po u Yowabu akinjila munyumba mumo mukaba u mwene nukuti, “Ilelo wabakozya isoni abasilikali bako bosi babo bakupoka awe na bana bako abalumendo na balindu na bachi bako sona na bachi bako abazya.

Esitele 6:12

Pisinda pache u Molodikayi akanyokela kumulyango uwa nyumba iya mwene. Loli u Hamani akabwela lubilolubilo, bo asulumanizye,

Masalimo 42:3

Nkulila pamusanya na pabusiku bulo, sona amasozi gho chakulya chane. Akabalilo kosi abalwani bane bakundalusya bakuti, “Nkimba u Chala wako ali ko kwiyi?”

Masalimo 43:5

Wee muzimu wane, nkimba choni chicho uli ni chitima? Nkimba choni chicho mukasi mumwane mukutamiwa? Umulindililaye u Chala, pakuti nkwiza pakumupala, yuyo Mupoki wane sona nu Chala wane.

Ezekiyeli 24:17

Koloma umwachimyemye, utakamulile umufwe. Vwala ichisote chako ni nkwato zyako kunyayo, utakavwinke icheni chako pamo pakulya ichakulya icha bantu babo bali pachililo.”

Ezekiyeli 24:23

Ukwiza pakuvwala ivisote kumutu ni nkwato kunyayo zyako. Utakwiza pakulilapo, loli ukwiza pakughanda pachifukwa icha mbibi zyako bo umuntu wesi ali pakukoloma pakasi papinyu.

Zekaliya 14:4

Pisiku lilalila akwiza pakwimilila Pighamba ilya Misyunguti kubwinjililo bwizuba ubwa Yelusalemu, po ighamba lilalila likwiza pakugabiwa pabili, lyoka kubufumilo bwizuba ilinji kubwinjililo bwizuba. Likwiza pakupela ikombe ikulu nkani, u hafu uwa chigaba choka akwiza pakubuzila kuchigaba icha kumitu sona u hafu uwa chigaba ichinji akwiza pakubuzila kuchigaba icha kuntende.

Matayi 5:4

Basayiwa babo bakulila akabalilo aka, pakuti u Chala akwiza pakubapumizya;

Luka 19:29

Bo apalamila kutwaya utwa Betifage nu Betaniya papipi ni Ghamba ilya Misyunguti, akabatuma abamanyili bache babili.

Luka 19:37

Bo apalamila ku Yelusalemu, pabuzilo bubo umusebo ghukikilagha kwi Ghamba ilya Misyunguti, abamanyili bache abinji bakanda pakumupalizya u Chala na mazyu agha pamwanya pachifukwa icha vintu ivikulu vivyo bakavyennya ukuti,

Luka 19:41

U Yesu akapalamila kukaya akakulu kalakala, po akakalilila, bo akennya,

Luka 21:37

Isiku ni siku u Yesu akamanyisyanga mu Nyumba iya Chala, loli pabusiku akafumaghamo nukubuka kwi Ghamba ilya Misyunguti.

Luka 22:39

U Yesu akafumamo mukaya akakulu nkani kala nukubuka Pighamba ilya Misyunguti ukuyana namumo akizubilila. Po abamanyili bache bakabuka poka nawe.

Imbombo 1:12

Po abatumiwa bakanyokela ku Yelusalemu ukufuma kwi Ghamba ilya Misyunguti. Ubutali bwache bukaba amamita 1,000 ukufuma mu Yelusalemu.

Aba Loma 12:15

Hobokagha poka na babo bahobokite, lilagha poka na babo bakulila.

1 Aba Kolinti 12:26

Nanti ichigaba choka chikwivwa ukubaba, ivigaba vyosi vikwivwila poka ukubaba nacho. Nanti ichigaba choka chikuchindikiwa, ivigaba vyosi vikuhobokela poka nacho.