2 Samuweli 15:25 - IBAYIBOLO 2024

²⁵ U mwene akamubuzya umuputi u Zadoki akati, “Nyamula Ibokosi ilya Lufingo ulwa Chala nukunyokela mukaya akakulu nkani. Nanti u Mwene angampelela ichisa, akwiza pakunyosya, po nkwiza pakwikala sona mulamula.

2 Samuweli 15:25 Iomraidhean Croise

2 Samuweli 6:17

Bakiza nalyo Ibokosi ilya Lufingo ilya Mwene lila nukulibika pabuzilo bwache muchisakasa chicho u Devedi akalizengela, po u Devedi akabika ivyakwiyipa ivyakocha ni vyakwiyipa ivyabupoka kwa Mwene.

2 Samuweli 7:2

Po akamubuzya umulaghuzi u Natani akati, “Ane nkwikala munyumba iya bumwene, yiyo yizengiwe na makwi agha mwale, loli Ibokosi ilya Lufingo ilya Chala lili muchisakasa.”

Masalimo 122:1

Nkahoboka bo bambuzya ukuti, “Twende tubukaye ku Nyumba iya Mwene.”

Masalimo 122:9

Pachifukwa icha Nyumba iya Mwene u Chala witu, nkwiputa ukuti ivintu vimwendelaye akiza.

Masalimo 26:8

Wee Mwene injighanite inyumba yiyo ukwikalaghamo, mumo muli ubuchindamu bwako.

Masalimo 84:10

Ukuba palubinjilo lwako isiku lyoka, chizapo ukuti ane imbanje mulubinjilo lwako ukuchila pakubapo amasiku amasabuzani kosi na kosi. Chingaba chizapo ukuti imbanje ne mulindilili uwa pamulyango uwa Nyumba iya Chala, ukuchila ukuti imbanje muchisakasa icha bantu ababibi.

Ukufuma 15:13

“Mulughano lwako lulo lutakupotwangapo nalumolumo, ukabalongolela abantu bako babo ukabatabula. Na maka ghako amakulu, ukabalongozezya kubuzilo bwako ubuzelu.

Ukufuma 33:12

U Mozesi akamubuzya u Mwene akati, “Wambuzya ukuti, ‘Ubalongolele abantu aba ukubuka nabo kuchisu chila,’ loli utambuzizye umuntu yuyo ukwiza pakumutuma nane. Loli wanena ukuti, ‘Ummenye akiza nkani, sona uhobokite nane.’

Ukufuma 33:13

Nanti uhobokite nane, nalamba undanjizye izila zyako umwakuti ningakumanya nukwendelela pakukuhobosya. Ukumbuke sona ukuti uluko ulusaliwa ulu lo luko lwako nu lwako.”

Yesaya 38:22

U Hezekiya akalalusya akati, “Nkimba chikwiza pakuba chimanyilo choni ukuti nkwiza pakubuka ku Nyumba iya Mwene?”

Yelemiya 25:30

“Yelemiya, buka kabalaghulile ukuti, ‘U Mwene akwiza pakubuluma kumwanya, sona akwiza pakupaya mubuzilo bwache ubuzelu ubwakwikalamo, nukuchibungulizizya nkani pachisu chache. Akwiza pakukolomoka ngati bantu babo bakukanyanka amampesya, nukubakolomokela babo bakwikala muchisu.

Yelemiya 7:4

Mutakaghasubilaye amazyu agha bumyasi ghagho ghakuti, “Iyi yo Nyumba iya Mwene, Inyumba iya Mwene, Inyumba iya Mwene!”