2 Samuweli 15:10 - IBAYIBOLO 2024

¹⁰ U Abisalomu akabatuma abatendezi ku inko zyosi izya ba Izilayeli nukuti, “Nanti mwivwa bulo amapati, po mutinji, ‘U Abisalomu we mwene uwamu Hebuloni.’ ”

2 Samuweli 15:10 Iomraidhean Croise

2 Samuweli 13:28

U Abisalomu akabalamula abantu bache akati, “Ivwa kuno! Nanti u Amunoni akolwa nkani nu vinyo, sona nanti nababuzya ukuti, ‘Mukome u Amunoni,’ po mumughoghe. Mutakanyilaye pachifukwa ichakuti nene nabalamula. Mujimbaye sona mutakazyelaye.”

2 Samuweli 14:30

Po u Abisalomu akababuzya abambombo bache akati, “Umughunda uwa Yowabu ghupalamanite nu wane, sona muli amapemba. Bukagha kulakula mughoche.” Abambombo aba Abisalomu bakocha umughunda uwa Yowabu ghula.

2 Samuweli 15:9

U mwene akamubuzya akati, “Wende akiza.” Po u Abisalomu akabuka ku Hebuloni.

2 Samuweli 19:10

U Abisalomu yuyo tukamupakazya amafuta ukuti abanje we mwene witu, afuye kubwite. Po nkimba choni chicho mutakunenapo nizya kumusenda u mwene u Devedi ukuti anyokele?”

2 Samuweli 2:1

Bo pachilapo akabalilo, u Devedi akamubuzikizya u Mwene akati, “Nkimba ningabuka pakwikala mukaya akakulu nkani kamo aka mu Yuda?” U Mwene akamubuzya akati, “Bukagha.” Po u Devedi akamulalusya u Mwene akati, “Imbuke kwiyi?” U Mwene akamwamula akati, “Bukagha ku Hebuloni.”

2 Samuweli 2:11

U Devedi akaba we mwene uwa luko ulwa Yuda mu Hebuloni amaka seveni na mezi sikisi.

2 Samuweli 5:5

U Devedi akalaghila mu Yuda amaka seveni na mezi sikisi, bo ali mu Hebuloni, sona akalaghila mu Izilayeli, na mu Yuda amaka 33, bo ali mu Yelusalemu.

1 Abamwene 1:11

Po u Natani akamulalusya u Batisheba, unyina uwa Solomoni akati, “Nkimba utivuye ukuti u Adoniya yuyo unyina we Hagiti iyimika pakuba we mwene, ukusita u mwene witu u Devedi ukuzimanya?

1 Abamwene 1:34

Kulakula umuputi u Zadoki nu mulaghuzi u Natani bamupakazye amafuta ukuti abanje we mwene uwa chisu icha Izilayeli. Mulizye amapati nukukolomoka ukuti, ‘Wee mwene u Solomoni tukukulondela ubumi ubutali.’

2 Abamwene 9:13

Umwalubilolubilo bakasenda ivyakuvwinka vyabo nukuvitenga pasi papipi ni nyayo zyache ukuti u Yehu akanyepo. Po bakalizya ipati, sona bakakolomoka bakati, “U Yehu we mwene!”

1 Imbili 11:3

Bo abalongozi bosi aba Izilayeli biza kwa mwene u Devedi mu Hebuloni, akafingana nabo ulufingo. Po bakamupakazya amafuta pakuba we mwene uwa ba Izilayeli, ukuyana namumo u Mwene akamubuzizya u Samuweli.

1 Imbili 12:23

Ubwinji ubwa basilikali babo bakiza ku Hebuloni pakumwavwa u Devedi, pakumufyula ubumwene u Sabuli nukumwimika u Devedi pakuba we mwene, ukuyana namumo u Mwene akanenela bo ubu:

1 Imbili 12:38

Abantu bosi banaba bakaba basilikali, babo bakiyipa bulo pakulwa ubwite. Bakabuka ku Hebuloni nu lweke pakumwimika u Devedi pakuba we mwene uwa Izilayeli. Aba Izilayeli abanji bosi bakivwana ukuti u Devedi abanje we mwene.