2 Samuweli 14:7 - IBAYIBOLO 2024

⁷ Losi ulu, uluko losi lwansambukila ane ne wambombo wako, sona bakuti, ‘Mubike munyobe zyitu umwana wako yuyo akamughogha uwamwabo, umwakuti wepe tumughoghe, pachifukwa icha wamwabo yula. Bunubu tukwiza pakumughogha uwampyana yula.’ Abantu banaba bakwiza pakumughogha umwana wane yuyo asyalako. Po itabwa ilya mulume wane likwiza pakuzimila, sona atakwiza pakuba nu mwizukulu nayumoyumo pachisu ichapasi.”

2 Samuweli 14:7 Iomraidhean Croise

Ubwandilo 27:45

nukuluvya zyosi zizyo ukamubombela. Po nkwiza pakutuma umuntu yumo pakukwitizya. Nkimba choni chicho intaghe abana bane bosi babili pisiku lyoka?”

Ubwandilo 4:14

Ilelo ukunchimbizyamo muchisu ichi sona ukunyefya pamaso papako. Nkwiza pakuba muntu uwakwendakwenda bulo, sona nu musita kwikalana pachisu ichapasi. Umuntu wesi yuyo akunyagha, akwiza pakungogha.”

2 Samuweli 12:17

Amakambala ghache ghakimilila mulubazu lwache ukuti ghamunyamusye, loli u Devedi akakana, sona atakalya nachimochimo ichakulya poka na bantu bala.

2 Samuweli 14:6

Ane ne wambombo wako nkaba na bana abalumendo babili. Abana bala bakalwanga mumughunda, sona patakabapo nayumo umuntu uwa kubalesannya, umwakuti yumo akamukoma uwamwabo, po akafwa.

2 Samuweli 14:8

U mwene akamubuzya umukolo yula akati, “Bwelagha, nkwiza pakubombapo zimo.”

Ukubelengiwa 35:19

Uwamwabo uwa muntu umufwe yula atanizyanje pachifukwa icha bufwe bula. Nanti akomana bulo nu muntu umughoghi yula, wepe amughoghe.

Matayi 21:38

“Loli bo abalimi bala bamwennya umwana yula, bakanda pakunenezannya ukuti, ‘Yunuyu mwana wache, yuyo akwiza pakupyana ichilingo icha wise. Zagha tumughoghe umwakuti ichilingo chibanje chitu.’

Ukukumbusya Amalamulo 25:6

Umwana umulumendo uwakwanda uwa mukolo umufwilwe yula asende itabwa ilya wise umuyazi, umwakuti itabwa lyache litakazimile mu Izilayeli.