2 Samuweli 14:6 - IBAYIBOLO 2024

⁶ Ane ne wambombo wako nkaba na bana abalumendo babili. Abana bala bakalwanga mumughunda, sona patakabapo nayumo umuntu uwa kubalesannya, umwakuti yumo akamukoma uwamwabo, po akafwa.

2 Samuweli 14:6 Iomraidhean Croise

Ubwandilo 4:8

Po u Kayini akamubuzya umuzuna wache u Abeli akati, “Twende kumughunda.” Bo bali kumughunda, u Kayini akamusambukila umuzuna wache u Abeli nukumughogha.

2 Samuweli 13:28

U Abisalomu akabalamula abantu bache akati, “Ivwa kuno! Nanti u Amunoni akolwa nkani nu vinyo, sona nanti nababuzya ukuti, ‘Mukome u Amunoni,’ po mumughoghe. Mutakanyilaye pachifukwa ichakuti nene nabalamula. Mujimbaye sona mutakazyelaye.”

2 Samuweli 13:29

Po abantu aba Abisalomu bakamubombela u Amunoni vivyo u Abisalomu akabalamula. Abana bosi abamwene bakavundumuka nukukwela abana aba mpunda, po bakachimbila.

2 Samuweli 14:5

U mwene akamulalusya akati, “Choni chatamya?” Umukolo yula akamula akati, “Ane ne mufwilwe. Umulume wane afuye.

2 Samuweli 14:7

Losi ulu, uluko losi lwansambukila ane ne wambombo wako, sona bakuti, ‘Mubike munyobe zyitu umwana wako yuyo akamughogha uwamwabo, umwakuti wepe tumughoghe, pachifukwa icha wamwabo yula. Bunubu tukwiza pakumughogha uwampyana yula.’ Abantu banaba bakwiza pakumughogha umwana wane yuyo asyalako. Po itabwa ilya mulume wane likwiza pakuzimila, sona atakwiza pakuba nu mwizukulu nayumoyumo pachisu ichapasi.”

Ukufuma 2:13

Ilya ndabi akabendela sona nukubennya aba Hebeli babili bakulwa. U Mozesi akamulalusya yuyo akananga akati, “Nkimba choni chicho ukumukoma umu Hebeli uwamwinyu?”