2 Samuweli 14:32 - IBAYIBOLO 2024

³² Abisalomu akamubuzya u Yowabu akati, “Nkakutumila amazyu aghakuti, Zagha kuno ukuti nkutume kwa mwene pakumulalusya ukuti, Nkimba choni chicho nanyokako ku Geshuli? Chikaba chiza ukuti ngali nikala bulo kulakula. Nkulonda pakubuka pamaso pa mwene, nanti nananga ichintu chimo, u mwene angoghe.”

2 Samuweli 14:32 Iomraidhean Croise

Ubwandilo 3:12

U Adamu akamula akati, “Umukolo yuyo ukampa ukuti abanje nane, weyuyo akampa ichikomwa, po nkalya.”

2 Samuweli 13:37

U Abisalomu akachimbilila kwa Talimayi, umwana uwa Amihudi, yuyo akaba we mwene uwamu Geshuli. Loli u mwene u Devedi akamulila umwana wache isiku ni siku.

2 Samuweli 14:31

Po u Yowabu akabuka kunyumba iya Abisalomu nukumulalusya ukuti, “Nkimba choni chicho abambombo bako bakocha umughunda wane?”

2 Samuweli 3:3

Umwana wache uwabubili akaba we Kileyabu, yuyo unyina akaba we Abigelo, umufwilwe uwa Nabali uwamu Kalimeli. Umwana wache uwabutatu akaba we Abisalomu, yuyo unyina akaba we Maaka umwana uwa mwene u Talimayi uwamu Geshuli.

Masalimo 36:2

Pakuti akwizimbula mwene mumoyo wache umwakuti atangazyaghannya imbibi zyache nukuzibenga.

Ukufuma 14:12

Bo tuchili tuli muchisu icha Ijiputi, nkimba tutakababuzyapo ukuti, ‘Tuleke bulo, nukuti tubanje bazya aba ba Ijiputi? Chikaba chizapo pakubabombela aba Ijiputi nukuchila pakufwila munkolongo muno!’ ”

Ukufuma 16:3

nukuti, “Chikaba chizapo ngali u Mwene akatughoghelagha muchisu icha Ijiputi. Kulakula inyama yikalindagha musonta, sona tukalyanga ivyakulya vyosi vivyo tukalondagha. Loli amwe mwiza naswe munkolongo muno ukuti mutughoghe twebosi nizala.”

Ukufuma 17:3

Loli abantu bala bakaba ni nyota nkani, po bakilumbusyanga kwa Mozesi bakati, “Nkimba choni chicho ukatwefyamo muchisu icha Ijiputi? Fwandi ukulonda pakutughogha ni nyota aswe na bana bitu, sona ni vitekwa vyitu?”

Ivyili 28:13

Umuntu yuyo akufisa imbibi zyache ivintu vitakumwendelagha akiza, loli yuyo akwilata imbimbi zyache nukuzileka akupokela ichisa.

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Matayi 25:44

“Po bakwiza pakwamula ukuti, ‘Mwene, nkimba tukakwennyapo liyi uli nizala pamo uli ni nyota, pamo we muyeni, pamo uli nkule, pamo we mubine, pamo uli mujele nukukana pakukwavwa?’

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.

1 Samuweli 15:13

Bo u Samuweli amwagha u Sabuli, u Sabuli akamubuzya akati, “U Mwene akusaye! Nabomba zyosi zizyo u Mwene akandamula.”

1 Samuweli 20:8

Loli awe, umpelele ichisa ne wambombo wako, pakuti tukafingana ulufingo pamaso pa Mwene. Nanti nananga, po ungoghe wewe nukuchila ukuti umbike munyobe izya ghuso.”