2 Samuweli 14:3 - IBAYIBOLO 2024

³ Ubuke kwa mwene nukumubuzya amazyu ghanagha.” U Yowabu akamubuzya umukolo yula amazyu aghakuti anene.

2 Samuweli 14:3 Iomraidhean Croise

2 Samuweli 14:19

U mwene akamulalusya akati, “Nkimba te we Yowabu yuyo akubuzizye zyosi zinizi?” Umukolo yula akamula akati, “Nkulapa pamaso pa mwene wane. Nayumoyumo umuntu angamuvinda u mwene wane pazizyo anena. Momumo, uwambombo wako u Yowabu weyuyo akambuzya amazyu ghosi ghanagha.”

2 Samuweli 14:4

Bo umukolo uwamu Tekowa yula abuka kwa mwene, akafughama bo icheni chache chikotamiye pasi. Po akati, “Wee mwene, nyavwako.”

Ezila 8:17

po nkabatuma kwa Ido, yuyo akaba mulongozi uwamu Kasifiya. Nkababuzya izyakuti bamubuzye u Ido na bamwabo na babombi aba mu Nyumba iya Chala mu Kasifiya, umwakuti batutumile abambombo ku Nyumba iya Chala witu.

Ukufuma 4:15

Nena nawe nukumubuzya amazyu aghakuti anene. Nkwiza pakubavwa pakunena na mwebosi babili, sona nkwiza pakubabuzya izyakubomba.

Yesaya 51:16

Naghabika amazyu ghane mumulomo wako, nukukufisa nu muzyezye uwa nyobe yane. Ane nkabika ichisu icha kumwanya mubuzilo bwache, nkala ulwalo ulwa ichisu ichapasi, yuyo akumubuzya u Ziyoni ukuti, “Mwe bantu bane.”

Yesaya 59:21

U Mwene akuti, “Kukwane, ulu lo lufingo lwane lulo nkufingana nabo. Umuzimu wane, ghugho ghuli papako, sona na mazyu ghane ghagho nabika mumulomo wako ghatakwiza pakwepamo mumilomo yinyu, pamo mu mamolomo agha bana binyu, pamo mumalomo agha baluko lwinyu ukwanda pakabalilo aka mupaka bwila na bwila.”

Yelemiya 1:9

Po u Mwene akagholosezya inyobe yache pa mulomo nukughupalamasya. Po akati, “Ivwa, nkubika amazyu ghane mumulomo wako.

Ukubelengiwa 23:5

U Mwene akamubuzya u Balamu amazyu, nukumutuma ukuti, “Nyokela kwa Balaki umubuzye amazyu ghanagha.”

Ukukumbusya Amalamulo 18:18

Nkwiza pakubatumila umulaghuzi uwakuyana nawe uwakufuma pakasi pabantu babo. Ane nkwiza pakumubuzya amazyu aghakuti anene, po akwiza pakubabuzya abantu zyosi zizyo nkumulamula.