2 Samuweli 14:27 - IBAYIBOLO 2024

²⁷ U Abisalomu akaba na bana abalumendo batatu nu mwana umulindu weka. Umwana umulindu yula akaba we Tamala, sona akaba wakuboneka akiza nkani.

2 Samuweli 14:27 Iomraidhean Croise

2 Samuweli 11:2

Isiku limo pachamabwila, u Devedi akanyamuka pachitala chache, nukwanda pakugholola ivinama muchipinda ichapamwanya icha nyumba yache iya bumwene. Bo ali palapala akamwennya umukolo yumo ali pakogha. Umukolo yula akabonekagha akiza nkani,

2 Samuweli 13:1

U Abisalomu umwana uwa Devedi akaba nu muyemba uwakuboneka akiza nkani yuyo akaba we Tamala. Po u Amunoni umwana uwa Devedi akamughana nkani u Tamala yula.

2 Samuweli 18:18

Bo u Abisalomu achili mumi, akizengela mwene impanda mwikombe ilya mwene pakuba chikumbusyo chache, pakuti akati, “Ane inte nu mwana umulumendo ukuti abanje wampyana yane.” Po akayita impanda yila itabwa lyache, sona yikwitiziwanga ukuti Ichikumbusyo icha Abisalomu mupaka nilelo bulo.

Yesaya 14:22

U Mwene Uwamaka Ghosi akuti, “Nkwiza pakulwa nako ubwite akaya aka Babiloni, nukwefyamo itabwa lyache nabakulekiwa bumi, na bana bache sona na banyenya bache.” UMwene anena.

Yelemiya 22:30

U Mwene akuti, “Mumusimbe umuntu uwa bunubu ngati mughumba, umuntu yuyo atangendelela mubumi bwache pakuti atalipo nayumoyumo uwa luko lwache, yuyo akwiza pakupyanapo ubumwene ubwa Devedi, pamo pakulaghila sona mu Yuda.”