2 Samuweli 14:19 - IBAYIBOLO 2024

¹⁹ U mwene akamulalusya akati, “Nkimba te we Yowabu yuyo akubuzizye zyosi zinizi?” Umukolo yula akamula akati, “Nkulapa pamaso pa mwene wane. Nayumoyumo umuntu angamuvinda u mwene wane pazizyo anena. Momumo, uwambombo wako u Yowabu weyuyo akambuzya amazyu ghosi ghanagha.”

2 Samuweli 14:19 Iomraidhean Croise

2 Samuweli 11:11

U Uliya akamubuzya u Devedi akati, “Ibokosi ilya Lufingo, naba Izilayeli, sona naba Yuda bali muvisakasa, sona usongo wane u Yowabu, na basilikali abamwene wane bakughona kuzi. Nkimba ningabuka bulibuli kunyumba pakulya nukung'wela, sona nukughona nu muchi wane? Naloli ntangabomba ichintu ichibibi chinichi.”

2 Samuweli 14:18

Po u mwene akamubuzya umukolo yula akati, “Utakanvindaye ichintu nachimochimo nanti nkukulalusya.” Umukolo yula akati, “Wee mwene wane, ane ntangakuvinda ichintu nachimochimo.”

2 Samuweli 14:3

Ubuke kwa mwene nukumubuzya amazyu ghanagha.” U Yowabu akamubuzya umukolo yula amazyu aghakuti anene.

2 Samuweli 18:13

“Nanti nkaghasulagha amazyu agha mwene pakumughogha umwana wache, pope bulo ngali azimanya, pakuti nachimochimo chicho chifisiwe pamaso pa mwene, sona awe ngali ukimilila ku butali nane.”

2 Samuweli 3:27

Bo u Abinala anyokela ku Hebuloni, u Yowabu akamusendela papipi nu mulyango uwa kaya kala ngati po akulonda pakunenezannya nawe kubusyefu. Po kulakula akamughogha ukutanizya ubufwe ubwa wamwabo u Asaheli. U Yowabu akamulasa palwanda, po akafwa.

2 Samuweli 3:29

Ibanda lyache libanje pamutu uwa Yowabu, na pabamunyumba yosi iya wise. U Chala abafunde nkani abamunyumba yache ni nkonko, na mambombo, sona nu bulemazu. Abamunyumba yache baghoghiwanje na bapanga, sona babanje basita chakulya.”

2 Samuweli 3:34

Inyobe zyako zitakapinyiwa, sona inyayo zyako zitakapinyiwa ni minyololo. Loli wafwa ngati mumo umuntu akufwila munyobe izya muntu umubibi.” Po abantu bosi bakamulila sona u Abinala.

2 Abamwene 2:2

U Eliya akamubuzya u Elisha akati, “Weya we, syala pano. U Mwene antuma ku Beteli.” Loli u Elisha akamula akati, “Nkulapa pamaso pa Mwene umumi na pamaso papako ukuti ntakwiza pakukuleka napo panandi.” Po bosi bakabuka ku Beteli.

Ukufuma 4:15

Nena nawe nukumubuzya amazyu aghakuti anene. Nkwiza pakubavwa pakunena na mwebosi babili, sona nkwiza pakubabuzya izyakubomba.

Ivyili 25:2

Ubuchindamu ubwa Chala bwimiliye pakufisa ivintu, bo ubuchindamu ubwa bamwene bwimiliye pakuvilondelezya ivintu vila.

Ivyili 4:27

Utakapaghukilaye kundilo pamo kumongo, utakendayemo muzila inyonganu.

Ukubelengiwa 20:17

Twalamba, twitikizye ukuti tudumusannye muchisu chako. Tutakwiza pakudumusannya mumaghunda ghinyu, pamo mumaghunda ghinyu agha mampesya pamo pakung'welamo muviziba vyinyu, awe. Tukwiza pakwenda bulo mumusebo umukulu, sona tutakwiza pakupaghukila kundilo pamo kumongo mupaka tudumusannye muchisu chako.”

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Ukukumbusya Amalamulo 28:14

Polelo mutakapaghukayeko ku mazyu ghagho nkubalamula ilelo manyi ko kunyobe indilo manyi ko kunyobe iyamongo pakubiputa abachala abanji nukubabombela.

Ukukumbusya Amalamulo 5:32

Mwee ba Izilayeli, mwenelezye ukuti mukukonka zizyo u Mwene u Chala winyu abalamuliye. Mutakapaghukilaye kundilo pamo kumongo.

Yoshwa 1:7

Ubanje bulo nu lweke, sona ujimbaye. Wenelezye nkani ukuti ukughakonka amalamulo ghosi ghagho umubombi wane u Mozesi akakupa. Utakachele pakupaghukila kundilo pamo kumongo, umwakuti vyosi vikwendelaye akiza kosi kuko ukubuka.

1 Samuweli 1:26

sona u Hana akamubuzya u Eli akati, “Wee mwene wane, naloli ane ne mukolo yuyo nkimilila pamaso papako nukwiputa kwa Mwene.

1 Samuweli 17:55

Bo u Sabuli akumwennya u Devedi akubuka pakulwa nu mu Filisiti yula, akamulalusya u Abinala, usongo uwa basilikali bache akati, “Nkimba umulumendo uyu mwana wawenu?” U Abinala akamwamula akati, “Wee mwene, nkulapa mwitabwa lyako ukuti ntamumenye.”

1 Samuweli 20:3

Loli u Devedi akalapa akati, “Ughuso azimenye akiza nkani ukuti awe unganite, po akati, ‘U Yonatani atakazimanye zinizi, lumo angaba ni chitima.’ Loli nkulapa pamaso pa Mwene umumi, sona na pamaso papako ukuti ubufwe buli pampuno.”

1 Samuweli 25:26

“Pakuti we Mwene yuyo akukanizya ukuti utakamughoghe umuntu nayumoyumo pakutanizya ububibi bubo akakubombela, losi ulu nkulapa pamaso pa Mwene umumi, sona na mwitabwa lyako ukuti abalwani bako na bosi babo bakulonda pakukubombela ichibibi bafundiwanje ngati we Nabali.