2 Samuweli 13:4 - IBAYIBOLO 2024

⁴ Po akamulalusya u Amunoni akati, “Wee mwana uwa mwene, nkimba choni chicho ukuba we musulumannye isiku ni siku? Choni chatamya?” U Amunoni akamubuzya akati, “Imughanite nkani u Tamala, umuyemba uwa wamwitu u Abisalomu.”

2 Samuweli 13:4 Iomraidhean Croise

2 Samuweli 13:3

Loli u Amunoni akaba nu mumanyani wache u Yonadabu, umwana uwa Shimeya, uwamwabo uwa Devedi. U Yonadabu akaba muchevu nkani.

2 Samuweli 13:5

U Yonadabu akamubuzya akati, “Bukagha pakulambalala pachitala nukuba ngati po ubinite. Nanti uwise iza pakukwennya umubuzye uti, ‘Nalondagha nkani umuyemba wane u Tamala ngali iza nukumpa ichakulya chimo ukuti indye. Ampiyile bo nkumwennya, umwakuti indyele ichakulya chila munyobe zyache.’ ”

1 Abamwene 21:5

Umuchi wache u Yezibeli akiza nukumulalusya ukuti, “Nkimba choni chicho usulumanizye, sona ukukana pakulya?”

1 Abamwene 21:7

Po umuchi wache u Yezibeli akati, “Awe we mwene uwa Izilayeli. Nyamuka ulye, sona utakapasyanje. Nkwiza pakukusendela umughunda uwa mampesya uwa Naboti umu Yezileli.”

Yesaya 3:9

Akabonekele aka vyeni vyabo kakubasusya, bakananga pabuzelu ngati mumo bakabombela abantu aba mu Sodomu, batakafisa nachimo. Chighune kukwabo! Bipalaghulila intamyo.

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Aba Levi 18:9

Utakaghonaye nu muyemba wako, pamo uwa mwa nyoko uyunji, manyi apapiwe nawe poka manyi apapiwe ku bunji.

Aba Levi 20:17

“ ‘Nanti umwanavuli akusenda umuyemba wache, pamo umuyemba wache uwa mwa nyina uyunji, kokuti babomba ivyamasiku, bosi babili bepusiwanje pakasi pabantu babo. Pachifukwa chakuti bapalaghula inongwa.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Luka 12:32

“Amwe mwe kamudimo akanandi aka ng'ozi, mutakanyilaye pakuti chikamuhobosya Ughuso pakubapa Ubumwene bwache.