2 Samuweli 13:29 - IBAYIBOLO 2024

²⁹ Po abantu aba Abisalomu bakamubombela u Amunoni vivyo u Abisalomu akabalamula. Abana bosi abamwene bakavundumuka nukukwela abana aba mpunda, po bakachimbila.

2 Samuweli 13:29 Iomraidhean Croise

Ubwandilo 36:24

Abana aba Zibeyoni bakaba bo aba: U Ayiya nu Ana. U Ana weyuyo akazyagha imbwibwi izya mizi amapye munkolongo, bo akudima impunda izya wise u Zibeyoni.

2 Samuweli 12:10

Po ubwite butakwiza pakuleka nalumo munyumba yako, pachifukwa ichakuti wansamula, nukumusenda umuchi uwa Uliya umu Hiti yula pakuba muchi wako.”

2 Samuweli 13:30

Bo bali pakuchimbila, u Devedi akivwa ukuti, u Abisalomu abaghogha abana bosi abamwene, nayumoyumo uwakupona.

2 Samuweli 14:6

Ane ne wambombo wako nkaba na bana abalumendo babili. Abana bala bakalwanga mumughunda, sona patakabapo nayumo umuntu uwa kubalesannya, umwakuti yumo akamukoma uwamwabo, po akafwa.

2 Samuweli 18:9

Umwakuchenusya bulo u Abisalomu akakomana na bantu aba Devedi. U Abisalomu yula akakwela pampunda yache, sona bo impunda yache yikudumusannya muntende mwikwi ilya mupandapanda, umutu wache ghukalemiwa mutusamba utwa mwikwi. Po akalelembagha palapala, bo impunda yache yikubuka.

1 Abamwene 1:33

po u mwene akababuzya akati, “Mubasende abambombo bane nukumukwezya umwana wane u Solomoni pampunda yane, po mubuke nawe ku Gihoni.

1 Abamwene 1:38

Po umuputi u Zadoki nu mulaghuzi u Natani, sona nu Benaya umwana uwa Yehoyada, poka naba Keleti, naba Peleti bakamukwezya u Solomoni pampunda iya mwene u Devedi nukumusindikila ku Gihoni

Ivyili 29:12

Nanti umulongozi akwivwila ubumyasi, amakambala ghache ghakuba mabibi.

Aba Levi 19:19

“ ‘Ughakonkaye amalamulo ghane. Utakendezyanje ivitekwa vyako ivyaluko loka ni vyaluko ulunji. “ ‘Utakapesaye imbeyu zibili mumughunda ghoka. “ ‘Utakavwalaye umwenda uwakupangiwa na menda aghakulekanalekana.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.