2 Samuweli 13:22 - IBAYIBOLO 2024

²² U Abisalomu atakanenapo nachimochimo ichintu ichiza pamo ichibibi kwa Amunoni. Loli akamubenga nkani u Amunoni pachifukwa icha zizyo akamubombela umuyemba wache u Tamala.

2 Samuweli 13:22 Iomraidhean Croise

Ubwandilo 24:50

Po u Labani nu Betuweli bakamula bakati, “Zinizi zikufuma kwa Mwene, po naswe bulo tutanganenapo nachimochimo.

Ubwandilo 31:24

Loli ubusiku bulabula u Chala akamubonekela muchilota u Labani umu Alamu nukumusoka ukuti, “Uchebaye nkani ukuti utakamubombele u Yakobo ichintu chimo ichibibi.”

Ubwandilo 31:29

Indi na maka ghosi aghakubombela ichintu ichibibi, loli mubusiku ubwa mabwila u Chala uwa ghuso akansoka muchilota akati, ‘Uchebaye nkani ukuti utakamubombele u Yakobo ichintu chimo ichibibi.’

2 Samuweli 13:21

Bo u mwene u Devedi ivwa zyosi zinizi, akakalala nkani.

Ivyili 10:18

Umuntu yuyo akufisa ulubengo mumyasi, sona wesi yuyo akuyebagha mupunganu.

Ivyili 25:9

Nanti uli ninongwa nu mupalamani wako, wikalaye nawe pasi munenezannye, utakavumbulaye ivyakubusyefu ivya muntu uyunji.

Ivyili 26:24

Umuntu uwa lubengo akufumya amazyu amiza pamulomo wache, bo mukasi mumoyo wache mwizuye ulubengo.

Ivyili 26:26

Napapo angafisa ulubengo umwabuchevu. Loli ububibi bwache bukubonekela pabuzelu pakasi pabantu.

Umulumbilili 7:9

Utakakalalaye lubilolubilo, pakuti ukukalala kwa bapunganu.

Matayi 18:15

“Nanti umukamu wako akunangila, bukagha kukwache nukumulanjizya chicho ananga. Loli ubombaye izi kubusyefu, pakasi pa mwe babili. Nanti akwivwila, panapo wamunyosya umukamu wako.

Aba Efeso 4:26

Nanti wakalala, utakawilaye mumbibi, sona utakakalalaye mupaka izuba lyinjile.

Aba Efeso 4:31

Mwefezye zila ulubengo mumwinyu nu bukali, sona nukukalala. Kutakabeko sona ivyongo pamo iyebo, sona nukwinong'onelana ivibibi.

1 Yohani 2:11

Loli nanti umuntu amubengite umukamu wache, kokuti achili ali muchisi. Akwenda muchisi sona atakumanya na kuko akubuka, pachifukwa ichakuti ichisi chamupela pakuba mufwamaso.

1 Yohani 2:9

Umuntu wesi yuyo akwinena mwene ukuti ali mulukozyo, loli amubengite umukamu wache, kokuti achili ali muchisi.

1 Yohani 3:10

Umu momumo Abana aba Chala na bana aba Satana balekaniye: Umuntu wesi yuyo atakubomba chicho chigholosu, pamo umuntu yuyo atamughanite umukamu wache, ate mwana uwa Chala.

1 Yohani 3:12

Tutakabe ngati we Kayini yuyo mwana uwa Mubibi, sona yuyo akamughogha umuzuna wache. Nkimba choni chicho akamughogha? Pachifukwa ichakuti ivintu vivyo akabombagha vikaba vibibi, loli ivintu vivyo umuzuna wache akabombagha vikaba vigholosu.

1 Yohani 3:15

Umuntu wesi yuyo amubengite umukamu wache, kokuti mughoghi, sona muzimenye ukuti umughoghi ate nubumi ubwa bwila na bwila.