2 Samuweli 13:1 - IBAYIBOLO 2024

¹ U Abisalomu umwana uwa Devedi akaba nu muyemba uwakuboneka akiza nkani yuyo akaba we Tamala. Po u Amunoni umwana uwa Devedi akamughana nkani u Tamala yula.

2 Samuweli 13:1 Iomraidhean Croise

Ubwandilo 29:18

U Yakobo akamughana nkani u Lakelo, po akati, “Nkwiza pakukubombela amaka seveni nanti unganyitikizya pakumusenda u Lakelo.”

Ubwandilo 29:20

Po u Yakobo akamubombela amaka seveni pachifukwa icha Lakelo. Loli amaka seveni ghala ghakaboneka ngati masiku manandi nkani pachifukwa ichakuti akamughana nkani u Lakelo.

Ubwandilo 34:3

Umoyo uwa Shekemu ghukamughana nkani u Dina umwana uwa Yakobo yula, umwakuti akayezya nkani pakumudeba.

Ubwandilo 6:2

Abana abalumendo aba Chala bakennya ukuti abana abalindu aba bantu bakabonekagha akiza, po bakanda pakubasenda babo bakabaghana.

2 Samuweli 11:2

Isiku limo pachamabwila, u Devedi akanyamuka pachitala chache, nukwanda pakugholola ivinama muchipinda ichapamwanya icha nyumba yache iya bumwene. Bo ali palapala akamwennya umukolo yumo ali pakogha. Umukolo yula akabonekagha akiza nkani,

2 Samuweli 13:15

Pisinda pache u Amunoni akamubenga nkani u Tamala ukuchila namumo akamughanila pakwanda pala. U Amunoni akamubuzya u Tamala akati, “Epamo muno.”

2 Samuweli 13:2

U Amunoni atakaghonagha utulo, umwakuti akabinagha pachifukwa icha muyemba wache u Tamala yula, pakuti akaba mulindu yuyo atakaghonanapo nu mwanavuli, sona chikaba chipala nkani ukuti u Amunoni abombe nawe zimo.

2 Samuweli 14:27

U Abisalomu akaba na bana abalumendo batatu nu mwana umulindu weka. Umwana umulindu yula akaba we Tamala, sona akaba wakuboneka akiza nkani.

1 Abamwene 11:1

U Solomoni akabaghana abakolo abinji abayeni ukonjelezyapo nu mwana umulindu uwa Falabo. Akasenda sona abakolo aba mu Mowabu naba mu Amoni naba mu Edomu naba mu Sidoni sona naba mu Hiti.

1 Imbili 3:2

Umwana wache uwabutatu akaba we Abisalomu, yuyo unyina akaba we Maaka umwana uwa mwene u Talimayi uwamu Geshuli. Umwana wache uwafolo akaba we Adoniya, yuyo unyina akaba we Hagiti.

1 Imbili 3:9

Bosi banaba bakaba bana aba Devedi ukusita ukubelengelako abana babo akapapa na bachi bache abazya. Umuyemba wabo akaba we Tamala.

Ivyili 31:30

Akabonekele akiza kangamuzimbula umuntu, loli umukolo yuyo akumuchindika u Mwene apaliwanje.

Ivyili 6:25

Umoyo wako ghutakanyonywanje akabonekele kache akiza, pamo ukukutegha na kasinikizye aka maso ghache.