2 Samuweli 12:9 - IBAYIBOLO 2024

⁹ Nkimba choni chicho waghasamula amazyu agha Mwene pakubomba ichintu ichibibi pamaso papache? Wamughogha nupanga u Uliya umu Hiti yula, nukumusenda umuchi wache pakuba muchi wako. Ukamughogha pakubombezya upanga uwa ba Amoni.

2 Samuweli 12:9 Iomraidhean Croise

2 Samuweli 11:4

U Devedi akatuma intumi pakumusenda umukolo yula. Akiza nawe kwa Devedi, po u Devedi akaghonana nawe. Pakabalilo kalakala umukolo yula akaba ukuti aswefiwa bulo ichakumwezi, po umukolo yula akabwela.

2 Samuweli 12:10

Po ubwite butakwiza pakuleka nalumo munyumba yako, pachifukwa ichakuti wansamula, nukumusenda umuchi uwa Uliya umu Hiti yula pakuba muchi wako.”

2 Samuweli 16:7

Bo akumughuna, u Shimeyi akati, “Epapo pano, we mughoghi, wee muntu wamwalwemwalwe.

1 Abamwene 15:5

Pakuti u Devedi akabomba ingolosu pamaso pa Mwene, sona akaghakonka amalamulo agha Mwene pakabalilo kosi aka bumi bwache, loli inongwa yene iya Uliya umu Hiti.

1 Abamwene 21:19

Umubuzye uti, U Mwene ati, ‘Nkimba utamughoghite umuntu nukumufyula umughunda wache?’ Umubuzye sona ukuti, ‘U Mwene ati: Pabuzilo bubo imbwa zikamyanta ibanda ilya Naboti, po papo zikwiza pakumyanta ni banda lyako bulo!’ ”

2 Imbili 33:6

Akabocha abana bache pakuba chakwiyipa mwi Kombe ilya Beni Hinomu. Akabombagha amayele, akalaghulagha nu bulozi nukubuzikizya kumizimu. Akamunangila u Mwene umwakuti akamukalalizya nkani.

Masalimo 51:14

Wee Chala Umupoki wane, umpokaye munyobe izya bantu abaghoghi, po nkwiza pakukwimbila pachifukwa ichakuti we mugholosu.

Masalimo 51:16

Utakuhoboka ni vyakwiyipa, lumo ngali nkwiza navyo, sona utakahoboka ni vyakwiyipa ivyakocha.

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Masalimo 90:8

Wazivumbula imbibi zyitu pamaso papako, zyope imbibi izya kubusyefu wazivumbula pabuzelu

Ivyili 14:2

Umuntu yuyo akwenda muzila ingolosu akumuchindika u Mwene loli yuyo akwenda muzila inyonganu akumusamula u Mwene.

Yesaya 5:24

Polelo, ngati mumo akampesese aka moto kakochela amapembezannya sona ngati mumo isote ilyimizu likupyela mumoto, po amagululuzi ghache ghakwiza pakubola, sona ubwezya bwache bukwiza pakubuluka ngati lufumbi, pakuti bakana ululaghilo ulwa Mwene Uwamaka Ghosi, nukukana izyu ilya Muzelu uwa Izilayeli.

Yelemiya 18:10

sona nanti uluko lula lukwendelela pakubomba ububibi pamaso ghane sona lutakunyivwila, po ntakwiza pakulubombela inyiza zizyo nalondagha pakulubombela.

Amosi 2:4

U Mwene akuti, “Pakuti abantu aba mu Yuda bakunanga kabilikabili, po ane ntakwiza pakubwisya ubukali bwane. Pachifukwa ichakuti balukana ululaghilo ulwa Mwene sona baghasulannya amalamulo ghache. Pakuti abachala abamyasi babasobezizye, abachala babo abanyenya bakabiputagha.

1 Samuweli 15:19

Nkimba choni chicho utakamwivwila u Mwene? Nkimba choni chicho ukachimbilila pa vyakufyula nukubomba vivyo vitakumuhobosya u Mwene?”

1 Samuweli 15:23

Pakuti ukumusambukila u Mwene, kuyanite bulo na mayele. Ukwituvya yo mbibi, yiyo yiyanite bulo nukwiputa ivifwani. Pachifukwa ichakuti waghakana amazyu agha Mwene, wepe akukana ukuti utakabanje sona we mwene.”

1 Samuweli 15:26

Loli u Samuweli akamubuzya akati, “Ntangabuka poka nawe, pakuti ukaghakana amalamulo agha Mwene, po wepe akukana ukuti utakabanje we mwene uwa ba Izilayeli.”