2 Samuweli 12:7 - IBAYIBOLO 2024

⁷ Po u Natani akamubuzya u Devedi akati, u Mwene u Chala uwa ba Izilayeli, ati, “Umuntu yunuyu wewe! Ane nkakupakazya amafuta pakuba we mwene uwa ba Izilayeli, sona nkakupoka munyobe izya Sabuli.

2 Samuweli 12:7 Iomraidhean Croise

2 Samuweli 14:13

Umukolo yula akalalusya akati, “Nkimba choni chicho winong'ona pakubabombela bunubu abantu aba Chala? Pakubomba bunubu nkimba kokuti awe wemwene ukwipalaghulila inongwa, pakuti utakulonda ukuti umwana wako yuyo akachimbila anyokele sona?”

2 Samuweli 22:1

U Devedi akamwimbila u Mwene ulwimbo pisiku lilyo u Mwene akamupoka munyobe izya Sabuli, sona na munyobe izya balwani bache ulwakuti,

2 Samuweli 22:49

nukumpoka munyobe izya balwani bane. Ukankwezya pamwanya pa balwani bane, ukampoka munyobe izya bantu babo bakansambukila.

2 Samuweli 7:8

“Losi ulu umubuzye umubombi wane u Devedi uti, ‘U Mwene Uwamaka Ghosi akuti: Nkakwefyako kuludimo kuko ukadimagha ing'ozi ukuti ubanje we mulaghili uwa bantu bane aba Izilayeli.

1 Abamwene 14:7

Buka umubuzye u Yelobowamu ukuti u Mwene u Chala uwa ba Izilayeli ati, ‘Nkakusala pakasi pabantu, sona nkakupakazya ukuti ubanje we mulongozi uwa bantu bane aba Izilayeli.

1 Abamwene 18:18

U Eliya akamula akati, “Ane ntakupela intamyo mu Izilayeli. Loli awe na bamunyumba yako mukupela intamyo mu Izilayeli. Pakuti mwaghasula amalamulo agha Mwene nukumukonka u Baala.

1 Abamwene 20:40

Loli bo nikolanizye ni mbombo, umukayidi yula akazyebeluka!” U mwene yula akamula akati, “Ubaghiye ufwanje. Wadumula wemwene inongwa yako.”

1 Abamwene 20:42

Po umulaghuzi akamubuzya u mwene akati, “U Mwene ati, ‘Pachifukwa ichakuti wamuleka bulo ukuti achimbile umuntu yuyo nkatinji aghoghiwe, po awe ukwiza pakufwa mubuzilo bwache, sona abantu bako bakwiza pakufwa mubuzilo ubwa bantu bache.’ ”

Masalimo 18:1

Wee Mwene, we maka ghane nkughanite nkani.

Yelemiya 34:6

Po u Yelemiya umulaghuzi yula akamubuzya u Zedekiya u mwene uwa ba Yuda, mu Yelusalemu zyosi zinizi,

Daniyeli 4:22

Wee mwene, ikwi lila wewe. Awe waba we mukulu sona wamaka nkani, ubukulu bwako bwafika mupaka kumwanya, sona ubulaghili bwako bwasata pachisu chosi ichapasi.

Matayi 14:14

U Yesu akika mubwato, sona bo ennya ichilundilo ichikulu icha bantu, ichililizi chikamulema, po akabapozya bosi babo bakaba babine.

1 Samuweli 13:13

U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.

1 Samuweli 15:17

U Samuweli akati, “Napapo kale ukipimagha wemwene pakuba we mwana umunandi nkani, nkimba te we mulongozi uwa inko izya Izilayeli? U Mwene akakupakazya amafuta ukuti ubanje we mwene uwa ba Izilayeli.

1 Samuweli 16:13

U Samuweli akasenda amafuta nukumupakazya u Devedi pamaso pa bawamwabo bala. Po ukwandila pisiku lilalila umuzimu uwa Mwene akamwinjila u Devedi na maka. Pisinda pache u Samuweli akabwela ku Lama.

1 Samuweli 18:11

po akayisumba nukwinong'ona ukuti, “Nkwiza pakumulasa u Devedi mupaka nukumukomela kulubumba.” Loli u Devedi akayileghuka kabili kosi.

1 Samuweli 18:21

U Sabuli akati, “Nkwiza pakumupa u Mikali ukuti abanje chipingo, umwakuti aba Filisiti bamughoghe.” Po u Sabuli akamubuzya u Devedi akabubili akati, “Losi ulu ukwiza pakuba we mukwalima wane.”

1 Samuweli 23:14

U Devedi akavwamagha mumaghamba na munkolongo iya Zifi. Isiku ni siku u Sabuli akamulondelezya u Devedi, loli u Chala atakamubika u Devedi munyobe zyache.

1 Samuweli 23:7

Bo u Sabuli ivwa ukuti u Devedi achimbilila ku Keyila akati, “U Chala amubika munyobe zyane. U Devedi ipinya mwene pakwinjila mukaya akakulu kako kali ni nyiyi izya chela.”