2 Samuweli 12:20 - IBAYIBOLO 2024

²⁰ Po u Devedi akanyamuka pasi papo akalambalala, akogha, nukupakala amafuta, sona akavwala amenda aghanji. Akinjila mu Nyumba iya Mwene pakumwiputa. Pisinda pache akabwela kunyumba yache, abambombo bache bakamupa ichakulya, po akalya.

2 Samuweli 12:20 Iomraidhean Croise

2 Samuweli 12:19

U Devedi akazyaghannya ukuti abambombo bache bakuteketelana, sona akazyaghannya ukuti umwana yula afuye. Po akalalusya akati, “Nkimba umwana afuye?” Bakamwamula bakati, “Momumo afuye.”

2 Samuweli 12:21

Abambombo bache bakamulalusya u Devedi bakati, “Nkimba choni chicho ukubomba bunubu? Bo umwana yula achili mumi, awe ukatuzya pakulya nukulila, loli ilelo bo umwana afuye, awe ukanyamuka nukulya ichakulya.”

2 Samuweli 14:2

Po u Yowabu akamutuma umuntu ku Tekowa pakumusenda umukolo yumo uwamahala kulakula. Akamubuzya akati, “Ubanje ngati po uli pachililo nukuvwala amenda agha pachililo. Utakapakalaye amafuta. Loli ubanje ngati po mukolo yuyo ikala amasiku aminji nkani ukumulila umuyazi.

2 Samuweli 19:24

Pakabalilo kalakala u Mefibosheti umwizukulu uwa Sabuli wepe akabuka pakukomana nu mwene. U Mefibosheti atakasukusulagha munyayo zyache, pamo ukumwa indevu, pamo ukuchapa amenda ghache ukwandila pisiku lilyo u mwene akepelaghamo mukaya akakulu nkani kala mupaka papo akanyokelagha.

2 Samuweli 6:17

Bakiza nalyo Ibokosi ilya Lufingo ilya Mwene lila nukulibika pabuzilo bwache muchisakasa chicho u Devedi akalizengela, po u Devedi akabika ivyakwiyipa ivyakocha ni vyakwiyipa ivyabupoka kwa Mwene.

2 Samuweli 7:18

U mwene u Devedi akinjila muchisakasa nukwikala pamaso pa Mwene, po akiputa akati, “Wee Mwene Uwamaka Ghosi, nkimba ane ne wenu, sona abamunyumba yane bo bawenu, ukuti unfisye mupaka po indi pano ilelo?

Yobu 1:20

Bo u Yobu ivwa zinizi akimilila, nukuzepula inkazo yache sona akamwa isisi zyache pachifukwa icha chitima. Po akawa pasi nukumwiputa u Chala

Yobu 2:10

U Yobu akamwamula akati, “Utakanenaye ngati po we mukolo umupunganu. Nanti u Chala akutupa ivintu ivyiza, tukuvipokela. Nkimba choni chicho tukwilumbusya nanti akutuwisizya intamyo?” Napapo zikaba bunubu, u Yobu atakanenapo amazyu amabibi.

Masalimo 103:1

Wee moyo wane, umupalaye u Mwene. Sona navyosi vivyo vili mumo vilipalaye itabwa lyache izelu.

Masalimo 103:8

U Mwene wachililizi sona wachisa, atakukalala mwalwemwalwe, sona ulughano lwache lutakupotwangapo nalumo.

Masalimo 39:9

Nkaba bulo myee, intakalondagha na pakunenapo chimo, pakuti wewe wazibomba zinizi.

Masalimo 95:6

Zagha tumulambilaye nukumwiputa, zagha tumufughamililaye u Mwene Umupeli witu.

Ivyili 3:7

Utakipimaye ngati po we wamahala, umuchindikaye u Mwene, nukuvikana ivintu ivibibi.

Umulumbilili 9:8

Akabalilo kosi uvwalaye amenda amaswepu, sona wipakazyanje na mafuta kumutu wako.

Matayi 6:17

Loli nanti mukutuzya pakulya, sukusula ku maso nukupesa isisi zyinyu kumutu

Luka 7:46

Utakampakazya na mafuta kumutu wane, loli umukolo uyu apakazya inyayo zyane na mafuta.

Luti 3:3

Ogha nukupakala amafuta aghakununkila, sona uvwale amenda amiza nkani nukubuka kubuzilo ubwakukomelapo inyinulo. Loli atakazimanye ukuti uli kulakula mupaka amale pakulya nukung'wela.

1 Samuweli 15:25

Losi ulu nalamba, uhobokele imbibi yane, sona unyokele poka nane, umwakuti imwipute u Mwene.”

1 Samuweli 15:31

U Samuweli akanyokela poka nawe, po u Sabuli akamwiputa u Mwene.