2 Samuweli 12:13 - IBAYIBOLO 2024

¹³ Po u Devedi akamubuzya u Natani akati, “Namunangila u Mwene.” U Natani akamwamula akati, “U Mwene akuhobokela, sona utakwiza pakufwa.

2 Samuweli 12:13 Iomraidhean Croise

Ubwandilo 39:9

Indi nu bulaghili ubukulu nkani munyumba iyi ukumuchila yuyo, sona atanyimitepo nakamo akantu, loli wewe wemwene. Po zingaba bulibuli ukuti indowe ngati bunubu, sona nukunanga kwa Chala?”

2 Samuweli 24:10

Bo u Devedi amala pakubabelenga abantu, akanda pakutamiwa nkani mumoyo wache, po akati, “Nananga nkani pazizyo nabomba. Losi ulu nkukulaba we Mwene wane ukuti unhobokele imbibi yane ne mubombi wako, pachifukwa ichakuti nabomba ichintu ichabupunganu nkani.”

2 Samuweli 24:17

Bo u Devedi amwennya uwantumi yuyo akabakoma abantu bala, akamubuzya u Mwene akati, “Nene nananga, sona nabomba imbibi. Nkimba abantu banaba babomba choni? Unfunde ane na bamunyumba yane.”

1 Abamwene 13:4

Bo u mwene u Yelobowamu ivwa amazyu agha mulaghuzi yula nizya chighemo icha mu Beteli, akagholosezya inyobe yache ku chighemo chila nukuti, “Muleme!” Loli inyobe yache yiyo akamusonta nayo umulaghuzi yula yikuma umwakuti akapotwa pakuyinyosezya.

1 Abamwene 21:20

Bo Ahabu amwennya u Eliya akamubuzya akati, “Wee mulwani wane, fwandi wanyagha?” U Eliya akamula akati, “Eee, nakwagha pachifukwa ichakuti wabomba ichintu ichibibi nkani pamaso pa Mwene.”

1 Abamwene 22:8

U mwene uwa Izilayeli akamwamula u Yehoshafati akati, “Asyalako umulaghuzi weka uwakuti tungabuzikizizyako, itabwa lyache we Mikaya umwana uwa Imula. Loli imubengite pachifukwa ichakuti atandaghuliyepo nalumo ivintu ivyiza, akabalilo kosi akundaghulila ivintu ivibibi vyene.” U Yehoshafati akamwamula akati, “Wee mwene wane, utakanenaye bunubu.”

2 Abamwene 1:9

Po u mwene akamutumila u Eliya ukapitawa poka na basilikali bache 50. Ukapitawa yula akabuka kwa Eliya, po akamwagha ikaye pamwanya pighamba nukumubuzya ukuti, “Wee muntu uwa Chala, u mwene ati, Ika.”

1 Imbili 21:8

U Devedi akamubuzya u Chala akati, “Nananga nkani pazizyo nabomba. Nalamba unhobokele ane ne mubombi wako, pachifukwa ichakuti nabomba ichintu ichabupunganu nkani.”

2 Imbili 16:10

U Asa akamukalalila nkani umulaghuzi yula pachifukwa icha mazyu ghanagha, umwakuti akamwighalila mujele. Pakabalilo kalakala u Asa akabayivya nkani abantu bamo.

2 Imbili 25:16

Bo umulaghuzi yula achili ali pakunena, u mwene akamulalusya akati, “Nkimba sweswe tukakusala ukuti ubanje we wakumanyisya u mwene amahala? Utakandizye sona! Nkimba choni chicho ukulonda pakufwa?” Umulaghuzi yula akaleka loli akati, “Inzimenye ukuti u Chala akulonda pakukughogha, pachifukwa ichakuti wabomba zinizi sona nukuti ukazisulannya zizyo nkakubuzya.”

Yobu 33:27

Po akwiza pamaso pabantu nukuti, “Ane nkananga pakubunyongannya ubugholosu, loli intakapokela chicho nkachilondagha.

Masalimo 103:12

Kubufumilo bwizuba kutali nkani na kubwinjililo bwizuba, umwakuyana bulo efizye imbibi zyitu kubutali nkani naswe.

Masalimo 51:16

Utakuhoboka ni vyakwiyipa, lumo ngali nkwiza navyo, sona utakahoboka ni vyakwiyipa ivyakocha.

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Masalimo 51:6

Loli umoyo uwanaloli gho ghugho ukughulonda, po umanyisyanje amahala mukasi mumwane.

Ukufuma 9:27

Po u Falabo akamwitizya u Mozesi nu Aloni nukubabuzya ukuti, “Naloli akabalilo aka nananga. U Mwene we mugholosu. Loli ane poka na bantu bane twe twananga.

Ivyili 25:12

Ngati impete iya golide pamo ivyakwibonesekezya akiza ivya golide umwenecho, momumo ghabeleye amafundwe agha muntu uwamahala ku muntu yuyo akughateghelezya.

Ivyili 28:13

Umuntu yuyo akufisa imbibi zyache ivintu vitakumwendelagha akiza, loli yuyo akwilata imbimbi zyache nukuzileka akupokela ichisa.

Yesaya 38:17

Ichifukwa chicho nkivwanga ububavu chakuti, nivwanje akiza. Pakuti wampoka kubufwe, nukuhobokela imbibi zyane zyosi.

Yesaya 43:24

Mutanguliyepo utwakununkila, pamo pakunyikutizya na namafuta agha ivyakwiyipa vyinyu. Loli mwang'wamizya ni mbibi zyinyu, nukunditizya ninongwa zyinyu.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Nkuto 3:32

Napapo angabisizya abantu intamyo, loli akubanga ni chililizi, pakuti ulughano lwache lulo lutakupotwangapo nalumolumo lukulu nkani.

Aba Levi 20:10

“ ‘Nanti umuntu akulowa nu muchi uwa mupalamani wache, bosi babili umwanavuli nu mukolo baghoghiwanje.

Aba Levi 24:17

“ ‘Umuntu wesi yuyo akumughogha uwamwabo, wepe aghoghiwanje.

Zekaliya 3:4

Uwantumi akababuzya abantu babo bakimilila pamaso papache akati, “Muvule amenda amanyazu agha.” Po akamubuzya u Yoshwa akati, “Ennya nazyefya imbibi zyako, nakuvwika amenda amiza amapya agha.”

Matayi 14:10

Po akatuma yumo kujele ukuti adumule umutu uwa Yohani.

Luka 15:21

Umwana yula akati, ‘Tata, namunangila u Chala poka nawe bulo. Ntabaghiye nukwitiziwa sona mwana wako.’

Luka 18:13

Loli umusonkezya sonko akimilila pabutalipo, sona atakalonda ukwennya na kumwanya. Loli akikoma pachifuba nukuti, ‘Wee Chala, umpelele ichisa, ane ne wambibi.’ ”

Imbombo 2:37

Bo abantu bivwa zinizi, bakapalamasiwa mumoyo, po bakamulalusya u Pitala na batumiwa abanji bakati, “Bakamu bitu, nkimba tubombe choni?”

Aba Hebeli 9:26

Pakuti nanti chikabanga bunubu, ngali u Kilisitu ayimba akinji bulo ukwandila pakupeliwa ukwa chisu. Awe! Loli ilelo pakabalilo akabumalilo aka aboneka lyoka bulo mpela ukuti efye imbibi pakwiyipa mwene.

1 Yohani 1:7

Loli nanti tukwenda mu lukozyo, ukuyana namumo abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

1 Samuweli 15:20

Po u Sabuli akamwamula akati, “Loli ane nkamwivwila u Mwene, sona nkabomba zyosi zizyo akandamula. Ane nkabazimizya aba Amaleki bosi nukumulema mumi u Agagi u mwene wabo.

1 Samuweli 15:30

Po u Sabuli akamula akati, “Nananga! Loli nalamba, unchindikayeko pamaso pa balongozi aba bantu bane, sona na pamaso paba Izilayeli. Twende unyokele poka nane umwakuti imwipute u Mwene u Chala wako.”