2 Samuweli 11:8 - IBAYIBOLO 2024

⁸ U Devedi akamubuzya u Uliya akati, “Bukagha kunyumba, pakutuzya.” Po u Uliya yula akepako kunyumba iya bumwene yila, sona u mwene akamutumila u Uliya ichabupi.

2 Samuweli 11:8 Iomraidhean Croise

Ubwandilo 18:4

Leka imbasendele amizi aghakuti musukusule munyayo zyinyu, sona mungatuzya mukazundila pikwi pano.

Ubwandilo 19:2

“Mwee bamwene bane, nalamba, twende kunyumba yane, musukusule munyayo zyinyu nukutuzya ubusiku bunubu. Pandabindabi nkani mungendelela nu bulendo bwinyu.” Bakamula bakati, “Awe, aswe tukwiza pakughona kuzi pamunalo uwa mukaya akakulu nkani kanaka.”

Ubwandilo 43:24

Sona bo umuntu yula abinjizya abantu munyumba iya Yosefu po akabapa amizi ukuti basukusule munyayo zyabo. Bakazipa impunda zyabo ivyakulya.

Ubwandilo 43:34

U Yosefu akabalamula abambombo bache ukuti bamusendele umuntu wesi ichakulya pitebulo lyache, loli ichakulya icha Benjamini chikaba ka fayivi ubukulu ukuchila abamwabo. Po bakalya nukung'wela poka nu Yosefu umwakuhoboka nkani nawe.

Masalimo 12:2

Umuntu wesi akutamanta ku mupalamani wache, sona akumuzimbula na mazyu amanonu.

Masalimo 44:21

nkimba ngali u Chala atakazyaghannya zinizi, pakuti azimenye izya kubusyefu bosi ubwa moyo uwa muntu?

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Yesaya 29:15

Chighune ku bantu babo bakufisa inyinong'ono zyabo, ukuti u Mwene atakazimanye, banabo imbombo zyabo zyamuchisi sona bakwinong'ona ukuti, “Nkimba wewenu yuyo angatwenya? Fwandi wewenu yuyo angazimanya?”

Luka 12:2

Ichintu chosi chicho chivwinkiwe chikwiza pakuvwinkuliwa, sona ichintu chosi chicho chakubusyefu chikwiza pakuboneka pabuzelu.

Luka 7:44

Po u Yesu akaghalabukila ku mukolo yula nukumubuzya u Simoni ukuti, “Nkimba ukumwennya umukolo uyu? Ninjila munyumba yako, loli utampiye amizi aghakusukusula munyayo zyane, loli umwene asukuzya inyayo zyane na masozi nukuzipuputa ni sisi zyache.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.