2 Samuweli 11:2 - IBAYIBOLO 2024

² Isiku limo pachamabwila, u Devedi akanyamuka pachitala chache, nukwanda pakugholola ivinama muchipinda ichapamwanya icha nyumba yache iya bumwene. Bo ali palapala akamwennya umukolo yumo ali pakogha. Umukolo yula akabonekagha akiza nkani,

2 Samuweli 11:2 Iomraidhean Croise

Ubwandilo 12:11

Bo u Abulamu ali papipi pakuloboka impaka iya chisu icha Ijiputi, akamubuzya umuchi wache u Salayi akati, “Weya we, inzimenye ukuti we mukolo uwakuboneka akiza nkani.

Ubwandilo 3:6

Bo umukolo ennya ivikomwa ivya likwi lila ukuti vikaba vyiza pakulya nukuboneka akiza, sona nukuti vingamupa amahala, akayabamo ivikomwa vimo nukulya. Akamupako vimo umulume wache, po wepe akalya.

Ubwandilo 34:2

Bo u Shekemu umwana uwa Hamoli umu Hivi, yuyo akaba we mwene uwa chigaba chilachila, amwennya, akumulema pamaka nukumusamula.

Ubwandilo 39:6

Po u Potifala akabika ukatundu wache wesi munyobe izya Yosefu, sona atakapalamaziwapo nachimochimo, loli chene ichakulya chicho akalyanga. U Yosefu akaba mulumendo wakuboneka akiza nkani.

Ubwandilo 6:2

Abana abalumendo aba Chala bakennya ukuti abana abalindu aba bantu bakabonekagha akiza, po bakanda pakubasenda babo bakabaghana.

2 Samuweli 13:1

U Abisalomu umwana uwa Devedi akaba nu muyemba uwakuboneka akiza nkani yuyo akaba we Tamala. Po u Amunoni umwana uwa Devedi akamughana nkani u Tamala yula.

2 Samuweli 14:27

U Abisalomu akaba na bana abalumendo batatu nu mwana umulindu weka. Umwana umulindu yula akaba we Tamala, sona akaba wakuboneka akiza nkani.

2 Samuweli 4:5

U Lekabu nu Baana, abana aba Limoni umu Beloti bakabuka kunyumba iya Ishibosheti. Po bakafika kulakula pamusanya, bo u Ishibosheti ali pakutuzya.

2 Samuweli 4:7

Bakinjila munyumba mula bo aghonite pachitala muchipinda chache. Bakamulasa nukumughogha, sona bakamudumula umutu wache. Bakaghusenda nukwenda busiku bosi na mumusebo uwaku Alaba.

Yobu 31:1

Nkafinga ulufingo na maso ghane, ukuti ntakwiza pakumunyonywapo umulindu.

Masalimo 119:37

Ughapelaye amaso ghane, ukuti ghatakanyonywanje ivintu vivyo vite ni mbombo. Umpe ubumi ukuyana nizila zyako.

Ivyili 19:15

Ubukata bukumughoneka umuntu utulo utwa bufwe sona umukata akutamiwanga nizala.

Ivyili 31:30

Akabonekele akiza kangamuzimbula umuntu, loli umukolo yuyo akumuchindika u Mwene apaliwanje.

Ivyili 6:25

Umoyo wako ghutakanyonywanje akabonekele kache akiza, pamo ukukutegha na kasinikizye aka maso ghache.

Ivyili 7:8

Akendagha papipi ni nyumba iya mukolo yulayula, akabukagha kunyumba iya mukolo yula,

Yelemiya 19:13

Inyumba izya mu Yelusalemu nizya bamwene aba mu Yuda zikwiza pakunyaziwa ngati nyumba izya ku Tofeti, pachifukwa ichakuti pa visonje ivya nyumba zinizi po papo bakochelaghapo utwakununkila ku bachala aba mumwanya sona bakupungulilapo ichakwiyipa icha vinyo ku bachala abanji.’ ”

Matayi 10:27

Zyosi zizyo nkubabuzya kubusyefu mukwiza pakuzinena pabuzelu, sona zyosi zizyo mwivwa pakuteketa mukwiza pakufumusya pachisonje.

Matayi 24:17

Umuntu yuyo ali pachisonje icha nyumba yache atakikaye nukusenda ivintu vyache munyumba.

Matayi 5:28

Loli ilelo nkubabuzya ukuti: Umuntu wesi yuyo akumwenelezya umukolo nukumunyonywa, alowa nawe kale mumoyo wache.

Imbombo 10:9

Indabi yache, bo bali muzila, sona bo bakupalamila mu Yopa, u Pitala akakwela pachisonje ukuti ipute bo izuba lili pamutu.

Ukukumbusya Amalamulo 22:8

Bo ukuzenga inyumba, wenelezye ukuti wazenga ulupaso ukuzyungulila mulubazu ulwa chisonje. Po utakwiza pakuba ninongwa nanti umuntu yumo awila pasi nukufwa.

Ukukumbusya Amalamulo 5:21

“Utakayinyonywanje inyumba iya mupalamani wako pamo umughunda wache. Utakamunyonywanje umuchi uwa mupalamani wako pamo uwambombo wache umwanavuli pamo umukolo pamo ing'ombe zyache pamo impunda zyache pamo ichintu chosi chicho ali nacho.”

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

1 Yohani 2:16

Vilipo ivintu ivyinji ivya muchisu ichapasi vivyo vyo ivi: Ivinyonywa ivibibi ivya buntu, ivintu vivyo amaso ghakuvyennya nukuvinyonywa, ukwitutumula nu bukabi bubo tuli nabo. Ivintu vyosi vinivi vitafumite kwa Tata, loli vintu bulo ivya muchisu ichapasi.

1 Samuweli 9:25

Bo bikako kubuzilo ubwakwiputila bula, nukwinjila mukaya akakulu, u Samuweli akamuyanizizya u Sabuli apakughonapo muchipinda icha pamwanya icha nyumba yache.