2 Samuweli 11:17 - IBAYIBOLO 2024

¹⁷ Bo abasilikali aba mukaya kala bafuma kuzi pakulwa ubwite nu Yowabu, abasilikali bamo aba Devedi bakaghoghiwa, po wepe u Uliya umu Hiti yula akaghoghiwa.

2 Samuweli 11:17 Iomraidhean Croise

2 Samuweli 11:16

Bo u Yowabu akazyungulila akaya akakulu nkani kala, akamubika u Uliya pabuzilo bubo akamanya ukuti pakaba abalwani abamaka nkani.

2 Samuweli 11:18

U Yowabu akamutumila u Devedi ipangwi lyosi ilya bwite.

2 Samuweli 11:21

Nkimba wewenu yuyo akamughogha u Abimeleki umwana uwa Yelubi Besheti? Fwandi atakaba mukolo, yuyo akasumba ulwala ukufuma palubumba, umwakuti akafwila mu Thebezi? Nkimba choni chicho mukapalamila kuvibumba?’ Nanti akukulalusya bunubu, umubuzye uti, ‘Wepe uwambombo wako u Uliya umu Hiti yula, aghoghiwa.’ ”

2 Samuweli 12:9

Nkimba choni chicho waghasamula amazyu agha Mwene pakubomba ichintu ichibibi pamaso papache? Wamughogha nupanga u Uliya umu Hiti yula, nukumusenda umuchi wache pakuba muchi wako. Ukamughogha pakubombezya upanga uwa ba Amoni.

Masalimo 51:14

Wee Chala Umupoki wane, umpokaye munyobe izya bantu abaghoghi, po nkwiza pakukwimbila pachifukwa ichakuti we mugholosu.