2 Samuweli 11:15 - IBAYIBOLO 2024

¹⁵ Mwakalata yula akasimbamo ukuti, “Umubike u Uliya mumuzele uwa kuntazi, kuko kuli ubwite ubwakoghofya nkani. Po umuleke mwene ukuti aghoghiwe.”

2 Samuweli 11:15 Iomraidhean Croise

2 Samuweli 11:16

Bo u Yowabu akazyungulila akaya akakulu nkani kala, akamubika u Uliya pabuzilo bubo akamanya ukuti pakaba abalwani abamaka nkani.

2 Samuweli 11:17

Bo abasilikali aba mukaya kala bafuma kuzi pakulwa ubwite nu Yowabu, abasilikali bamo aba Devedi bakaghoghiwa, po wepe u Uliya umu Hiti yula akaghoghiwa.

2 Samuweli 12:9

Nkimba choni chicho waghasamula amazyu agha Mwene pakubomba ichintu ichibibi pamaso papache? Wamughogha nupanga u Uliya umu Hiti yula, nukumusenda umuchi wache pakuba muchi wako. Ukamughogha pakubombezya upanga uwa ba Amoni.

1 Abamwene 15:5

Pakuti u Devedi akabomba ingolosu pamaso pa Mwene, sona akaghakonka amalamulo agha Mwene pakabalilo kosi aka bumi bwache, loli inongwa yene iya Uliya umu Hiti.

Masalimo 51:14

Wee Chala Umupoki wane, umpokaye munyobe izya bantu abaghoghi, po nkwiza pakukwimbila pachifukwa ichakuti we mugholosu.

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Umulumbilili 8:11

Nanti bakukaba pakudumula inongwa iya bughoghi, amoyo agha bantu ghakubatika pakubomba ububibi.

Yelemiya 17:9

U moyo uwa muntu chintu ichizimbuli ukuchila ivintu vyosi. Nkimba wenu yuyo angawivwisya?

Yelemiya 20:13

Mumwimbilaye u Mwene! Mumupalaye u Mwene! Akubapoka abantu babo bakuyiviwa, ukufuma kumaka agha bantu ababibi.

1 Samuweli 18:17

Po u Sabuli akamubuzya u Devedi akati, “Nakupa u Melabu, umwana wane usongo uyu ukuti abanje muchi wako. Loli umbombelaye nu bujivu pakulwa ubwite ubwa Mwene.” Pakuti u Sabuli akinong'onagha akati, “Ntakwiza pakumughogha ni nyobe iyane ni yane, loli baleke aba Filisiti bamughoghe.”

1 Samuweli 18:21

U Sabuli akati, “Nkwiza pakumupa u Mikali ukuti abanje chipingo, umwakuti aba Filisiti bamughoghe.” Po u Sabuli akamubuzya u Devedi akabubili akati, “Losi ulu ukwiza pakuba we mukwalima wane.”

1 Samuweli 18:25

u Sabuli akamula akati, “Mumubuzye u Devedi muti, ‘Umwene atakulonda ubwimazu nabumobumo, loli twene utukwela utwakuntazi kunkule izya banavuli 100 aba ba Filisiti, ukuti imbatanizizye abalwani bane.’ ” U Sabuli akabatika ukuti aba Filisiti bamughoghe u Devedi.