2 Samuweli 10:19 - IBAYIBOLO 2024

¹⁹ Bo abamwene bosi, babo bakaba pasi pabulaghili ubwa Hadadezeli bennya ukuti aba Izilayeli babapota, bakivwana nizya mutende naba Izilayeli. Umwakuti bakaba pasi pabulaghili bwache. Po aba Siliya bakanyilagha nkani pakubavwa sona aba Amoni bala.

2 Samuweli 10:19 Iomraidhean Croise

2 Samuweli 8:3

U Devedi akamupota sona u Hadadezeli umwana uwa Lehobu, yuyo akaba we mwene uwamu Zoba, bo u Hadadezeli akubuka mulubazu ulwa lusoko ulwa Yufuleti pakubwikazya ubumwene bwache.

2 Samuweli 8:6

U Devedi akazenga ubuzilo ubwa bwite muchigaba icha Siliya mu Damasika, po aba Siliya bakaba pasi pabulaghili bwache nukusonka umusonko kukwache. U Mwene akamupa u Devedi ubupoti kosi kuko akabukagha.

1 Abamwene 20:1

U mwene u Beni Hadadi uwamu Siliya akababunganika abasilikali bache bosi. Po akabuka poka na bamwene abanji 32 poka ni falasi zyabo, sona ni ngolo zyabo pakulwa ubwite mukaya akakulu nkani aka Samaliya.

1 Imbili 19:19

Bo abamwene babo bakaba pasi pabulaghili ubwa Hadadezeli bennya ukuti aba Izilayeli babapota, bakivwana nizya mutende nu Devedi, umwakuti bakaba pasi pabulaghili bwache. Po aba Siliya bakanyilagha nkani pakubavwa sona aba Amoni bala.

Yesaya 26:11

Wee Mwene, wakwezya inyobe yako, loli abene batakuyennya. Abantu banaba bakoziwanje isoni, ubalanjizyanje namumo ubaghaniye, leka bennye ulweke lwako, numoto ghugho ubasungiye abalwani bako, ghubalunguluzye.

Daniyeli 2:37

Awe we mukulu nkani pakasi pa bamwene bosi, po u Chala uwakumwanya akupiye ubumwene, na maka nu bulaghili, sona nu buchindamu.

Yoshwa 11:10

Pisinda pache u Yoshwa akanyokela nukukafyula akaya akakulu nkani aka Hazoli nukumughogha u mwene uwa mukaya kala. Akaya aka Hazoli kakaba ko kaya akamaka nkani ukubuchila ubumwene bosi bula.

Ubuvumbuli 18:10

Bakwiza pakwimilila pabutalipo pachifukwa ichabogha nintamyo zyache. Bakwiza pakunena ukuti, ‘Intamyo mwee! Intamyo mwee! Intamyo wee akaya akakulu nkani aka Babiloni, akaya akamanyikwe, sona akamaka! Awe wafundiwa mwa awala weka bulo.’

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.