2 Samuweli 1:18 - IBAYIBOLO 2024

¹⁸ Akabalamula abantu aba mu Yuda ukuti bamanyile ulwimbo lunulu, lulo lukwitiziwa Ulwimbo ulwa Bwele lulo lusimbiwe mwibuku ilya Yashala ulwakuti:

2 Samuweli 1:18 Iomraidhean Croise

Ubwandilo 49:8

“Wee Yuda, abakamu bako bakwiza pakukupala awe, sona amaka ghako ghakwiza pakubalambika abalwani bako. Abana aba ghuso bakwiza pakufughamila pamaso papako.

2 Samuweli 1:19

“Wee Izilayeli, ubuchindamu bwako bwamalila mumaghamba. Abantu abamaka nkani batuleka.

Ukukumbusya Amalamulo 4:10

Mubabuzye nkaninkani nizya isiku lilyo mukimilila pamaso pa Mwene u Chala winyu pighamba ilya Sinayi. Kulakula akambuzya akati, “Ubabungannye abantu. Nkulonda ukuti bivwe amazyu ghagho nkwiza pakunena, umwakuti banganyila pakabalilo kosi aka bumi bwabo, sona nukuti bangabamanyisya na bana babo bulo.”

Yoshwa 10:13

Po izuba likima bulabula, sona ghope nu mwezi ghutakenda mupaka aba Izilayeli bakabapota abalwani babo bosi. Zinizi zisimbiwe Mwibuku ilya Jashala. Izuba likima bulo, sona likakaba pakwinjila pisiku lilalila.