2 Samuweli 1:11 - IBAYIBOLO 2024

¹¹ U Devedi akazepulannya amenda ghache pachifukwa icha chitima, sona bope abantu bache bakabomba bunubu.

2 Samuweli 1:11 Iomraidhean Croise

Ubwandilo 37:29

Bo u Lubeni apyanila kuchiliba chila nukwennya ukuti u Yosefu atalimo, akazepulannya amenda ghache pachifukwa icha chitima.

Ubwandilo 37:34

Po u Yakobo akazepulannya amenda ghache, akavwala amasaka nukulila ubufwe ubwa mwana wache amasiku aminji.

Ubwandilo 44:13

Po abawamwabo bala bakazepulannya amenda ghabo, pachifukwa ichakuti ichitima chikabalema, umuntu wesi akakwezya ukatundu wache pampunda nukunyokela kukaya akakulu nkani.

2 Samuweli 13:19

U Tamala akinyafila itoyi kumutu nukuzepula inkazo yache pachifukwa icha chitima. Akalema inyobe zyache kunkonto nukubuka, bo akulila nkani.

2 Samuweli 13:31

U mwene akimilila, nukuzepula amenda ghache, po akalambalala pasi, sona abambombo bosi, babo bakimilila papipi bope bakazepula amenda ghabo pachifukwa icha chitima.

2 Samuweli 3:31

Po u Devedi akamubuzya u Yowabu poka na bantu bache akati, “Zepulannya amenda ghinyu, nukuvwala amasaka, sona mumulile u Abinala.” U mwene u Devedi akakonkagha kwisinda ukwa bantu babo bakanyamula umuvimba uwa Abinala.

2 Abamwene 5:7

Bo u mwene uwamu Izilayeli abelenga ukalata yula, akazepula amenda ghache pachifukwa icha bogha nukuti, “Fwandi ane ne Chala yuyo angaghogha nukupa ubumi? Nkimba choni chicho antumila umuntu uyu ukuti imupozye amambombo ghache? Ichi chili pabuzelu ukuti akulonda andane nane bulo.”

2 Imbili 34:27

Pachifukwa ichakuti wapinduka nukwiyisya we mwene pamaso pa Chala, bo wivwa amazyu aghakususannya nakaya akakulu nkani kanaka, poka na bantu bache sona nukuti wiyisya pamaso papane pakuzepula inkazo yako nukulila pamaso papane, nane nivwa ulwiputo lwako. Ane ne Mwene nene nanena.

Ezila 9:3

Bo nivwa zinizi, nkazepula amenda ni nkazo yane pachifukwa icha chitima. Nkanyunkula isisi ni ndevu zyane sona nkikala pasi bo insulumanizye.

Esitele 4:1

Bo u Molodikayi azyaghannya zizyo zikabombiwa, akazepula amenda ghache sona akavwala amasaka nukwinyafila itoyi kumutu pachifukwa icha chitima, po akinjila mukasi nkani mukaya akakulu nkani kala, bo akukolomoka nkani pachifukwa icha chitima.

Yelemiya 36:24

U mwene na babombi bache babo bakivwa amazyu ghanagha, batakaba nubogha nabumobumo, pamo ukuzepulannya amenda ghabo.

Yoweli 2:13

Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Imbombo 14:14

Bo u Balanabasi nu Pabuli bivwa zizyo bakalondagha ukuti babombe, bakazepula amenda ghabo nukuchimbilila pakasi pachilundilo, bakakolomoka nkani bakati,

Aba Loma 12:15

Hobokagha poka na babo bahobokite, lilagha poka na babo bakulila.

Yoshwa 7:6

Bo u Yoshwa ivwa zinizi, akazepulannya amenda ghache nukukupama pantazi pa Bokosi ilya Lufingo ilya Mwene mupaka pachamabwila. Bope na balongozi aba ba Izilayeli bakabomba bunubu, bo binyafiye ulufumbi pamitu pachifukwa icha chitima.