1 Timoti 6:4 - IBAYIBOLO 2024

⁴ Umuntu wesi yuyo akumanyisya ivintu vinivi wamituvyo, sona atamenye nachimochimo. Umoyo wache mubine, akudalinkanadalinkana nizya mazyu, zizyo zikwiza na kabini, ni vyongo, ni ntuko, nukwinong'onelana ivibibi.

Ulufingo Ulupya

⁴ Umuntu wesi yuyo akumanyizya ivintu vinivi wamituvyo, sona atamenye nachimochimo. Umoyo wache mubine, akudalinkana-dalinkana nizya mazyu, zizyo zikwiza na kabini, ni vyongo, ni ntuko, nukwinong'onelana ivibibi.

1 Timoti 6:4 Iomraidhean Croise

Ivyili 13:7

Umuntu yumo akwipimagha pakuba mukabi, napapo ate nako nakamokamo, bo uyunji akwipima pakuba mupina, loli ali nu bukabi nkani.

Ivyili 25:14

Umuntu uwakwituvya ni chabupi chicho atangabika, ayanite bulo ni mpepo na mabingu ghagho ghatakutimizya ivula.

Ivyili 26:12

Umupunganu yuyo abantu bakuti mupunganu uwakufikapo, ali nu lusubilo ukumuchila umuntu yuyo akwipima mwene pakuba wamahala bo ate na mahala.

Yesaya 58:4

Ukutuzya pakulya kwinyu kukumala, nukudalinkana sona ni bwite, mukulwa weka na weka nukukomana ninkumi, ukutuzya uku kukuyana bulo, nakuko muli nako ilelo, nukusubila ukuti izyu lyivwike pamwanya.

Imbombo 15:2

U Pabuli nu Balanabasi bakanda pakudalinkana nabo nkani nizya fundo iyi. Po kukadumuliwa ukuti u Pabuli nu Balanabasi na bamwabo bamo aba mu Antiyokiya babukaye ku Yelusalemu nukunenezannya na batumiwa poka na basongo aba chipanga nizya fundo iyi.

Imbombo 18:15

Loli pakuti ukudalinkana kwinyu ukwa mazyu, na matabwa, sona ni ndaghilo zyinyu, mwenemwe mwebenecho mubaghiye mumalanaye mwebene. Intangalonga inongwa yiniyi!”

Imbombo 8:9

Loli mukaya mulamula mukikalagha umuntu yumo yuyo akaba we Simoni, yuyo kale akabaswighisya nkani abantu aba mu Samaliya na mayele ghache. Umwene akituvyanga ngati we muntu yumo umukulu nkani.

Aba Loma 12:16

Mwivwanaye akiza mwebosi. Mutakituvyanje, loli mwangalaye poka na bantu bulo. Mutakipimaye mwebene ukuti mwe bamahala nkani ukuchila bosi.

Aba Loma 13:13

Zagha tulanjizye inkalo inyiza ukuyana na bantu babo bakwenda mu lukozyo ulwa musanya. Tutakabe bantu bapafu pamo baching'wela, tutakabe bamalaya pamo bapopo, tutakabe balombwa pamo bakabini.

Aba Loma 14:1

Mumupokele akiza umuntu yuyo ulwitiko lwache ludedebazu, loli mutakadalinkanaye nawe pachifukwa icha nyinong'ono zyache mufundo zimo.

Aba Loma 2:8

Loli abantu babo bakwiyighana bene nukukana ukwivwila ubwanaloli, loli nukubomba imbibi, u Chala akwiza pakubakalalila nukubafunda nkani.

1 Aba Kolinti 11:16

Loli nanti yumo akulonda pakususya chinichi, ane nkubabuzya ukuti aswe pamo ivipanga ivya Chala tute nu lwiho nalumolumo ulunji mumwitu.

1 Aba Kolinti 11:18

Ichintu ichakwanda chakuti, nkwivwa ukuti, bo mukukomana poka muchipanga, muli ukugabinkana pakasi papinyu, umwakuti nkusubila ukuti muli ubwanaloli bumo.

1 Aba Kolinti 3:18

Mutakizimbulaye mwebene. Nanti yumo akwipima mwene ukuti wamahala ukuyana na mahala agha muchisu ichapasi, umwene muleke abanje muntu umupunganu, umwakuti abanje muntu wamahala naloli.

1 Aba Kolinti 3:3

Muchili mwe bantu aba muchisu ichapasi, pakuti nanti pakasi papinyu pali akabini sona nukudalinkana, nkimba zinizi zitakusimikizya ukuti amwe mwe bantu ba muchisu ichapasi, babo bakukonka ivintu ivya muchisu ichapasi?

2 Aba Kolinti 11:20

Pakuti mukwennya bulo nanti umuntu akubapima ngati po mwe bazya, pamo pakubafyula ivintu vyinyu, pamo pakubachevya, pamo pakubayivya, pamo pakubakoma kumaso.

Aba Galatiya 5:15

Loli nanti mukulumana nukunyonkolana, po muchebaye ukuti pabumalilo mukwiza pakukavulana.

Aba Galatiya 5:26

Tutakitutumulaye, pamo ukukalalizannya, pamo ukubikilana inkwini.

Aba Galatiya 6:3

Pakuti nanti umuntu yumo akwipima mwene ukuti we muntu naloli, po muntu bulo, akwizimbula bulo mwene.

Aba Filipi 1:15

Momumo abantu bamo bakumulumbilila u Kilisitu pachifukwa ichakuti bali na kabini nane, sona bakulonda ukudalinkana nane. Loli abantu bamo bakulumbilila pachifukwa icha nyinong'ono inyiza.

Aba Filipi 2:14

Bombagha bulo zyosi umwakusita ukwilumbusya pamo ukususya,

Aba Filipi 2:3

Mutakabombaye nachimochimo nu moyo uwakwiyighana pamo uwakwituvya. Loli mubanje bakwiyisya, sona mubapimaye abamwinyu pakuba bapamwanya ukubachila amwe.

Aba Kolosi 2:18

Patakabepo nayumo umuntu uwakubakanizya ukukaba umuvwalo ughu. Umwene ighanite ukwilanjizya pakuba muntu wakwiyisya, bo akwiputa ukubachindika abantumi. Akubika umoyo pavivyo akuvyennya muvisetuka. Akwituvya na pabusita ichifukwa, pakuti akukonka bulo amahala agha bantu.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

1 Timoti 1:4

Ubabuzye ukuti baleke pakubikapo umoyo patupangwi bulo, sona ni mbatiko izya matabwa agha banyenya. Ivi vikwandizya bulo ivyongo, sona vite ni mbombo nayimoyimo pambombo iya Chala, ukwendela mu lwitiko.

1 Timoti 1:7

Bakulonda pakuba bamanyisi aba Ndaghilo loli batavimenye ivintu vivyo bakunena, pamo chicho bakulonda pakusimikizya.

1 Timoti 3:6

Atakabanje muntu yuyo apinduka nukuzileka imbibi lunulu bulo, pakunyila ukuti angituvya nukufundiwa ukuyana namumo u Satana akafundiliwa.

2 Timoti 2:14

Ubakumbusyanje abantu zinizi, sona ubasokaye nkani pamaso pa Chala ukuti batakadalinkanaye pachifukwa icha mazyu. Pakuti ichi chitakubavwa abantu napo panandi, loli chikubanangannya bulo abantu babo bakuchiteghelezya.

2 Timoti 2:23

Ughaleghuke amadali aghamwalwe na ghabupunganu, pakuti uzimenye ukuti ivintu vinivi, ubumalilo bwache vyongo.

2 Timoti 3:4

Batakwiza pakuba basubiliwa, bakwiza pakuba bapopo, na bamituvyo, na bakughana ivyakwihobosya, mubuzilo ubwa kumughana u Chala,

Titi 3:9

Loli leghuka amadali aghabupunganu, nizya mbatiko izya matabwa agha banyenya, ukulwa nukudalinkana nizya Ndaghilo izya Mozesi. Pakuti zinizi zite ni mbombo nayimoyimo.

Yakobo 1:19

Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

2 Pitala 2:12

Loli abantu banaba bali ngati po vinyamana bulo, ivipeliwa vivyo vite na mahala, vivyo vikapapiwa ukuti vilemiwanje nukughoghiwa. Bakuvisamula na vivyo batakuvimanya. Po bakwiza pakuzimila poka ni vinyamana vila

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

Yuda 1:10

Loli abantu banaba bakutuka ni vintu vyosi vivyo batavimenye, ivintu vivyo bavimenye na mahala ghabo vivyo vikubanangannya.

Yuda 1:16

Abantu banaba bamilumbusyo, sona bakubapakazya abanji inongwa. Bakukonka ivinyonywa vyabo ivibibi, na bamituvyo sona bakubapala abantu abanji, umwakuti bachaghe chicho bakulonda.

Ubuvumbuli 3:17

Pakuti ukunena ukuti, ‘Ane ne mukabi, indi navyo vyosi, sona ntakusobelwapo nachimochimo.’ Loli utazimenye ukuti we wantamyo, we mupelachisa, we mupina, we mufwamaso, sona uli nkule.