1 Timoti 6:2 - IBAYIBOLO 2024

² Abazya babo abamwene babo bitiki, batakabapepulaye, pachifukwa ichakuti bakamu babo mwa Yesu. Loli bababombelaye akiza nkani, pakuti bo bitiki, babo bakukabapo ni mbombo yabo, sona babaghanite. Ubaghiye umanyisye nukulumbilila ivintu ivi.

Ulufingo Ulupya

² Abazya babo abamwene babo bitiki, batakabapepulaye, pachifukwa chakuti bakamu babo mwa Yesu. Loli bababombelaye akiza nkani, pakuti bo bitiki, babo bakukabapo ni mbombo yabo, sona babaghanite. Ubaghiye umanyizye nukulumbilila ivintu ivi.

1 Timoti 6:2 Iomraidhean Croise

Yoweli 2:28

“Pisinda pache nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Ukubelengiwa 16:3

Bakabungana poka pamaso pa Mozesi nu Aloni nukuti, “Mwee mwachilapo pakwituvya! Umuntu wesi muchilundilo ichi muzelu, sona u Mwene wepe ali nabo. Po nkimba choni chicho mukwipima pakuba bapamwanya ukuchila ichilundilo icha Mwene?”

Matayi 23:8

Uleke ukwitiziwa ukuti, Mumanyisi, Pakuti mwebosi mwe ba nyumba yoka, sona muli nu Mumanyisi weka.

Matayi 25:40

U Mwene akwiza pakwamula ukuti, ‘Naloli nkubabuzya ukuti akabalilo kosi kako ukamubombela ichiza umuntu weka uwa bakamu bane yuyo munandi nkani, ukambombela nene!’

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.

Imbombo 1:15

Bo ghachilapo amasiku manandi kukaba ulukomano ulwa bitiki. Palapala pakabapo abantu pipipipi 120 bosi poka, po u Pitala akimilila nukuti,

Aba Loma 11:17

Nanti isamba zimo izya musyunguti zyapalantiwa, sona ulusamba ulwa musyunguti ulwa muzi lwamamatiziwa kwikwi lilalila. Amwe mwe bantu babo bate ba Yuda muli ngati lyo likwi ilya musyunguti ilya mwisote, sona mukugabana ubumi ubwa buzimu ubwa ba Yuda.

Aba Loma 8:29

Pakuti abantu babo u Chala akabasala kale, akabapaghula pakuba ngati we Mwana wache, umwakuti u Mwana wache abanje ngati we katote mu bakamu abinji.

Aba Galatiya 5:6

Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.

Aba Efeso 1:1

Ane ne Pabuli, umutumiwa uwa Kilisitu u Yesu ukuyana nu bwighane ubwa Chala. Nkubasimbila amwe mwe bantu abazelu aba Chala babo bali mu Efeso, sona babo basubiliwa mwa Kilisitu u Yesu.

Aba Efeso 1:15

Pachifukwa ichi, bo nivwa nizya lwitiko lwinyu mwa Mwene u Yesu, sona nu lughano lwinyu pabantu bosi abazelu aba Chala,

Aba Efeso 3:6

Izyakubusyefu zinizi zyakuti ukwendela mu Mazyu Amiza, abantu babo bate ba Yuda bope bapokelaye ulusayo ulwa Chala poka naba Yuda. Poka sona naba Yuda bali vigaba ivya mubili ghoka, sona mwa Kilisitu u Yesu bakupokela ilayizyo ilya Chala.

Aba Kolosi 1:2

Tukubasimbila amwe mwe bakamu bitu abazelu, sona mwe basubiliwa mwa Kilisitu, amwe mwe mukwikala mu Kolosi. Ichisa nu mutende ivyakufuma kwa Chala u Tata witu vibanje namwe.

Aba Kolosi 1:4

Pakuti twivuye mumo mukusubilila mwa Kilisitu u Yesu, sona namumo mukubaghanila abantu bosi abazelu aba Chala.

Aba Kolosi 4:1

Mwe bamwene, mubapanje abazya binyu chicho chiza, sona ichenecho. Kumbuka ukuti namwe bulo muli nu Mwene winyu kumwanya.

2 Aba Tesalonika 1:3

Bakamu bitu, tubaghiye pakumupalizya u Chala akabalilo kosi pachifukwa icha mwemwe. Chitubaghiliye sona pakubomba bunubu, pachifukwa ichakuti ulwitiko lwinyu lukukula nkani, sona nukuti mughananite nkani mwebosi.

1 Timoti 4:11

Ubalamulaye nukubamanyisya ivintu vinivi.

1 Timoti 5:1

Utakamuchemelaye umuntu usongo, loli unenaye nawe ngati po we ghuso. Abalumendo wikalaye nabo ngati po bazuna bako.

Titi 2:1

Loli awe ubaghiye umanyizyanje ukuyana ni chimanyisyo ichenecho.

Titi 2:15

Ivi vyo vintu vivyo ubaghiye umanyisyanje. Lanjizya ubulaghili bwako bosi, bo ukubakazya nukubachemela abantu babo bakukuteghelezya. Atakabepo nayumo umuntu uwakukusula.

Titi 3:8

Amazyu agha masubiliwa. Nkulonda ukuti udidimizyepo pavintu vinivi, umwakuti abantu babo bakumusubila u Chala babanje bakwikolezannya pakubomba imbombo inyiza, zizyo nyiza, sona zikubavwa abantu bosi.

Aba Hebeli 3:1

Mwee bakamu bane, u Chala abasalite amwe ukuti mubanje bantu bache abazelu. Polelo mwinong'onaye nizya Yesu, yuyo akatumiwa nu Chala ukuti abanje muputi usongo uwa lwitiko lulo tukwitika.

Aba Hebeli 3:14

Pakuti twebosi tuli ni chigaba muvintu vivyo u Kilisitu akupa nanti twimite nkani mupaka pabumalilo palusubilo lulo tukaba nalo pakwanda.

1 Pitala 5:1

Ane ne songo uwa chipanga, sona nu kaboni uwa mayimba agha Kilisitu, ne nkulindilila pakupokela nabo ubuchindamu bubo bukwiza pakuvumbuliwa. Nkubalaba abasongo aba chipanga babo bali pakasi papinyu

2 Pitala 2:10

Nkaninkani akwiza pakubafunda abantu babo bakukonka ivinyonywa ivibibi ivya mubili nukubusamula ubulaghili ubwa Chala. Abamanyisi abamyasi banaba bate nubogha, bamituvyo, loli bakubasamula abachindamu aba kumwanya.

Yuda 1:8

Umwakuyana bulo, bope abantu banaba bakughanyazya amabili ghabo pakukonka ivisetuka vyabo. Bakubusamula ubulaghili ubwa Chala nukubutuka ubuchindamu ubwa vipeliwa ivya kumwanya.