1 Timoti 6:12 - IBAYIBOLO 2024

¹² Lwanga ubwite ubwiza ubwa lwitiko, mupaka upokele ubumi ubwa bwila na bwila, bubo ukitiziwako, bo witika ulwitiko lwako pamaso pa bakaboni abinji.

Ulufingo Ulupya

¹² Lwanga inkondo inyiza iya lwitiko, mupaka upokele ubumi ubwa bwila na bwila, bubo ukitiziwako, bo witika ulwitiko lwako pamaso pa bakaboni abinji.

1 Timoti 6:12 Iomraidhean Croise

Masalimo 63:8

Umoyo wane ghukukakatiye, sona inyobe yako indilo yikunsungilila.

Ivyili 3:18

Amahala lyo likwi ilipela bumi ilya babo bakughafukatila, babo bakughakakatila bakuba basayiwa.

Inyimbo izya Solomoni 3:4

Bo nabachila bulo abalindilili bala, po nkamwagha yuyo umoyo wane ghumughanite. Nkamulema sona intakamulekezya, mupaka nkiza nawe munyumba iya mayi nukumwinjizya muchipinda icha yuyo akampapa.

Yesaya 44:5

Umuntu yumo akwiza pakunenagha ukuti, ‘Ane ne wa Mwene,’ uyunji akwiza pakwiyita itabwa ilya Yakobo, uwamwabo akwiza pakusimba panyobe ukuti, ‘Wa Mwene,’ nukwiyita itabwa ilya Izilayeli.”

Zekaliya 10:5

Bosi poka bakwiza pakuba ngati bantu abamaka, abakubakanyankila mumatope abalwani babo. Bakwiza pakulwa nkani, pachifukwa ichakuti u Mwene ali nabo, bakwiza pakubapota abakukwela pafalasi.

2 Aba Kolinti 6:7

na mazyu ghitu aghanaloli, sona na maka agha Chala. Twalanjizya ni vilwilo ivigholosu kunyobe indilo, sona na kumongo.

2 Aba Kolinti 9:13

Pachifukwa icha kusimikizya kwinyu pambombo iyi, abantu bakwiza pakumupala u Chala pachifukwa icha kwivwila kwinyu pakwitika Amazyu Amiza agha Kilisitu, sona nukwendela pakugabana nabo kwinyu umwakusita ukumamilizya, sona nu muntu wesi bulo vivyo muli navyo.

Ukukumbusya Amalamulo 26:3

nukumubuzya umuputi yuyo ali pambombo pakabalilo kalakala ukuti, “Ilelo tuzimenye ukuti u Mwene, u Chala witu, atwinjizya muchisu chicho akabalayizya abanyenya bitu ukuti akwiza pakutupa aswe.”

Aba Filipi 1:30

Namwe bulo mukulwa ubwite bulabula bubo mukanyennya nkulwa, sona bo bubo mukivwa ukuti inchili nkulwa mupaka nilelo bulo.

Aba Kolosi 3:15

Umutende uwakufuma kwa Kilisitu ghubalongozye mumoyo ghinyu, ghugho u Chala akabitizizya ukuti mubanje nu mutende ghunughu, pakuti mwe vigaba ivya mubili ghoka. Mubanje mwe bantu bakupalizya.

1 Aba Tesalonika 2:12

Tukabakazya umoyo nukubapumizya, sona tukendelela pakubalaba ukuti mwikalaye nubumi ubwa kumuhobosya u Chala, yuyo akubitizya amwe ukuti mugabane nawe Ubumwene, sona nu buchindamu bwache.

2 Aba Tesalonika 2:14

U Chala akabitizya amwe ukwendela mu Mazyu Amiza ghagho tukalumbilila kukwinyu ukuti mugabane nabo ubuchindamu ubwa Mwene witu u Yesu Kilisitu.

1 Timoti 1:18

Wee mwana wane Timoti, nkukupa ilamulo ili ukuyana na mazyu ghagho abalaghuzi bakalaghula. Leka amazyu agha ghabanje vilwilo vyako ukuti ungalwa ubwite ubwiza.

1 Timoti 1:19

Sungilila ulwitiko lwako nu mabyebye umwiza. Abantu bamo batakamwivwila umabyebye wabo, po ulwitiko lwabo lwananganika.

1 Timoti 4:14

Utakachisulaye ichabupi chako ichabuzimu chicho, ukapeghiwa ukwendela mu mazyu agha basongo, bo abasongo aba chipanga babika inyobe papako.

1 Timoti 6:13

Pantazi pa Chala, yuyo akupa ubumi ivintu vyosi, sona na pamaso pa Kilisitu u Yesu, yuyo akitika ulwitiko pamaso pa Pontiyo Pilati, nkukulamula ukuti

1 Timoti 6:19

Pakubomba bunubu bakwiza pakwilundikila bene ubukabi bubo bukwiza pakuba lwalo ulukafu nkani, sona nu lusita ukumala, lulo lukwiza pakubavwa muntazi ukuti bapokele ubumi ubwenecho.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

2 Timoti 2:2

Ukanyivwa nkulumbilila ivintu vinivi pamaso pa bakaboni abinji. Polelo ubamanyisye ivintu vinivi abantu abasubiliwa, babo bope babamanyisye abantu abanji.

2 Timoti 4:7

Nalwa ubwite ubwiza, namalizya inyangalo iyakuchimbila, sona nasungilila ulwitiko.

Aba Hebeli 13:23

Nkulonda mumanye ukuti umukamu witu u Timoti afuma mujele. Nanti angiza lubilolubilo, nkwiza nawe poka pakubennya.

Aba Hebeli 3:14

Pakuti twebosi tuli ni chigaba muvintu vivyo u Kilisitu akupa nanti twimite nkani mupaka pabumalilo palusubilo lulo tukaba nalo pakwanda.

Aba Hebeli 6:18

Pali ivintu vibili, vivyo vitanganduka, sona muvivyo u Chala atangatamanta. Po aswe twe twabwagha ubupoki na yuyo, twakaziwa nkani umoyo pakulemezya ulusubilo, lulo atubikiye pantazi papitu.

1 Pitala 3:9

Mutakatanizannyanje ububibi pabubibi, pamo intuko pantuko, awe. Loli mutanizannyanje nu lusayo, pakuti u Chala akabitizya ukuti mupokele ulusayo lunulu.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.

1 Yohani 2:25

Chicho akatulayizya aswe bo bumi ubwa bwila na bwila.

Yuda 1:3

Mwee bamanyani bane abaghaniwa, nkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani ubwite pakulwimila ulwitiko lulo u Chala abapiye abantu bache.

Ubuvumbuli 3:3

Po ukumbuke zizyo ukamanyisiwa, sona na zizyo ukivwa. Uzyivwile, upinduke nukuzileka imbibi zyako. Nanti utakulamusya, nkwiza pakukwizila ngati ne mwiba, sona utakwiza pakukamanya akabalilo kako nkwiza pakukwizila.

Abalongi 3:2

U Mwene akabomba bunubu ukuti abamanyisye inkalo abaluko ulwa Izilayeli, babo batakabumanyapo nalumo ubwite.