1 Timoti 6:11 - IBAYIBOLO 2024

¹¹ Loli awe, we mubombi uwa Chala uvileghuke ivintu vyosi vinivi. Ubanje nu moyo uwakubulondelezya ubugholosu, nukumunyila u Chala nu lwitiko nu lughano nu bufisalyoyo, sona nu bololo.

Ulufingo Ulupya

¹¹ Loli awe, we mubombi uwa Chala uvileghuke ivintu vyosi vinivi. Ubanje nu moyo uwakubulondelezya ubugholosu, nukumunyila u Chala, nu lwitiko, nu lughano, nu bufisalyoyo, sona nu bololo.

1 Timoti 6:11 Iomraidhean Croise

1 Abamwene 13:1

U Mwene akamulamula umulaghuzi uwamu Yuda ukuti abuke ku Beteli, po akafika kulakula bo u Yelobowamu imiliye pa palubazu ulwa chighemo akubika ichakwiyipa.

1 Abamwene 13:26

Bo umulaghuzi umughosi yula ivwa zinizi, akati, “Mulaghuzi yuyo atakaghivwila amazyu agha Mwene. U Mwene amutumiye inkalamu ukuti yimughoghe, ukuyana namumo u Mwene akamusokela.”

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

1 Abamwene 17:24

Po umukolo yula akamubuzya u Eliya akati, “Ilelo nazimanya ukuti naloli we muntu uwa Chala, sona nukuti u Mwene akunenagha nawe.”

1 Abamwene 20:28

Po umulaghuzi akiza nukumubuzya u mwene uwa Izilayeli ukuti, “U Mwene ati, ‘Pachifukwa ichakuti aba Siliya bakwinong'ona ukuti ane ne Mwene ne chala uwa mumaghamba, sona nukuti te ne chala uwa mumakombe, po nkwiza pakuchibika munyobe zyako ichilundilo ichikulu ichi, sona mukwiza pakumanya ukuti ane ne Mwene.’ ”

2 Abamwene 1:13

U mwene yula akamutuma sona ukapitawa uwabutatu poka na basilikali bache 50. Ukapitawa uwabutatu yula akakwela pighamba nukufughama pamaso pa Eliya, po akamulambilizya akati, “Wee muntu uwa Chala, nalamba poka ubumi bwane nubwa basilikali bane 50 aba.

2 Abamwene 1:9

Po u mwene akamutumila u Eliya ukapitawa poka na basilikali bache 50. Ukapitawa yula akabuka kwa Eliya, po akamwagha ikaye pamwanya pighamba nukumubuzya ukuti, “Wee muntu uwa Chala, u mwene ati, Ika.”

2 Abamwene 23:17

U mwene akalalusya akati, “Nkimba ipumpa lilyo nkulyennya lya wenu?” Abantu aba mukaya akakulu kala bakamubuzya bakati, “Linili lyo lipumpa ilya mulaghuzi uwa Chala uwaku Yuda yuyo akanenela zila nizya zizyo wabomba pachighemo icha Beteli.”

2 Abamwene 5:20

u Gehazi uwambombo uwa Elisha akinong'ona akati, “U mwene wane amuleka bulo u Naamani umu Siliya yula ukuti abukaye ukusita ukulipilapo chimo ngali apokelagha ichabupi chicho akiza nacho. Nkulapa pamaso pa Mwene ukuti nkwiza pakumukonka nukusendako vimo.”

1 Imbili 23:14

Abana aba Mozesi umubombi uwa Chala, bakabelengiwa pakuba bamo abaluko ulwa ba Levi.

2 Imbili 8:14

Uwise u Devedi akamulamula u Solomoni pakubagabila abaputi naba Levi imbombo muvigaba ukuti balongozyanje inyimbo izyakupalizikizya nukubavwa abaputi ukuyana ni mbombo iya isiku ni siku. Akabasala sona abalindilili ukuyana nu tubukatila twabo ukuti balindililaye pamilyango iyakulekanalekana pachifukwa ichakuti ivi vikaba bulo ukuyana namumo u Devedi umubombi uwa Chala akalamulilagha.

Nehemiya 12:24

Abalongozi aba Levi bakaba bo aba: U Hashabiya nu Shelebiya nu Yeshuwa umwana uwa Kadimiyeli poka na bamwabo, babo bakimilila umwakwenannya nabo, umwakuti bamupalaye nukumupalizya u Chala, umwakupokelana, ukuyana namumo akalamulila u Devedi umubombi uwa Chala.

Nehemiya 12:36

poka na bamwabo, kokuti u Shemaya nu Azaleli nu Milalayi nu Gilalayi nu Maayi nu Netaneli nu Yuda sona nu Hanani, babo bakaba ni vyakwimbila ukuyana namumo akalamulila u Devedi umubombi uwa Chala. Umusimbi u Ezila akaba weyuyo akabalongozyanga.

Masalimo 34:14

Uzileghukaye imbibi, nukubomba zizyo nyiza, ubanje nu lweke pakughulonda umutende nukughukonka.

Masalimo 38:20

Abakuntanizya ububibi pabwiza, bakunsusya bo nkubomba inyiza.

Ivyili 15:9

U Mwene azibengite imbombo izya muntu umubibi, loli amughanite yuyo akubomba ubwanaloli.

Yesaya 51:1

Teghelezya kukwane, amwe mukubukonkezya ubugholosu nukumulondelezya u Mwene, lyennye ilyalabwe lilyo mukabiziwako, ni chiliba chicho mukakumbiwako,

Yelemiya 35:4

Nkabasendela mu Nyumba iya Mwene muchipinda icha bana aba Hanani umwana uwa Igidaliya umuntu uwa Chala. Yikaba kupipi ni chipinda chicho chikaba pamwanya pachipinda icha Maseya umwana uwa Shalumu umulindilili uwa pamulyango.

Aba Loma 14:19

Polelo zagha tuyezye nkani pakubomba ivintu vivyo vya mutende, umwakuti tukazannye.

1 Aba Kolinti 10:14

Polelo baghaniwa bane, muvileghuke ivifwani.

1 Aba Kolinti 14:1

Yezya nkani pakuba nu lughano. Bika umoyo winyu pa vyabupi ivya Muzimu Umuzelu, nkaninkani ichabupi icha bulaghuzi.

1 Aba Kolinti 6:18

Mubuleghuke ubwamalaya. Imbibi izinji zyosi zizyo umuntu akubomba zitakupalamasya umubili wache, loli nanti umuntu akubomba ubwamalaya akughunangila umubili wache.

Ukukumbusya Amalamulo 16:20

Mukonkaye bulo ubwanaloli bwene, umwakuti mupokele nukwikala muchisu chicho u Mwene u Chala winyu akubapa.

Ukukumbusya Amalamulo 33:1

Bo u Mozesi, umuntu uwa Chala achili pakufwa akabasaya aba Izilayeli.

1 Timoti 1:14

U Mwene akampungulila ichisa ichikulu nkani nukumpa ulwitiko nu lughano vivyo tuli navyo pakumamatilana poka nu Kilisitu u Yesu.

1 Timoti 4:12

Patakabepo umuntu uwakukusula pachifukwa ichakuti we mulumendo, loli ubanje we chifwanikizyo icha bitiki mukanenele, na munkalo, na mulughano, na mulwitiko, sona na mubumi ubwiza.

1 Timoti 5:10

Abanje wakuti imbombo zyache nyiza. Abanje mukolo wakuti asungitepo akiza abana bache, apokelelagha akiza abayeni, yuyo akasukuzya inyayo izya bantu abazelu aba Chala, akubavwa abantu babo bali muntamyo, sona nukwiyipa mwene pakubomba zyosi imbombo inyiza.

1 Timoti 6:20

Wee Timoti, usunge akiza vivyo ukapeghiwa ukuti usunge. Ughaleghuke amazyu amasita mbombo, sona nukudalinkana ukwa bupunganu, vivyo abantu abamyasi bakuti gho mahala.

2 Timoti 2:21

Nanti umuntu iswefya mwene ivintu vivyo nanena, akwiza pakuba chibombelo chicho chipaghuliwe, sona nukuba chambombo kumwenecho uwa nyumba, yuyo iyanizye pakuchibombezya imbombo yosi inyiza.

2 Timoti 2:22

Leghukako kuvinyonywa ivya chilumendo, sona ubukonkaye ubugholosu nu lwitiko nu lughano nu mutende, poka na bantu babo bakumuchindika u Mwene nu moyo umuzelu.

2 Timoti 3:10

Loli wakonka ichimanyisyo chane, inkalo yane, na chicho nalondagha mubumi bwane nu lwitiko lwane nu bufisalyoyo bwane nu lughano lwane nu bujivu bwane,

2 Timoti 3:17

umwakuti umubombi uwa Chala abanje wakufikapo, sona wakwiyannya pakubomba imbombo zyosi inyiza izyakulekanalekana.

Aba Hebeli 12:14

Yezya nkani ukwikala mumutende na bantu bosi, sona mubanje bazelu. Pakuti ukusita ubuzelu nayumo umuntu yuyo akwiza pakumwennya u Mwene.

1 Pitala 3:11

Azileghuke imbibi, sona abombaye ubwiza, sona aghulondelondaye umutende nu moyo wache ghosi.

1 Samuweli 2:27

Isiku limo umubombi uwa Chala akiza kwa Eli nukumubuzya ukuti, “U Mwene ati, ‘Nkimba ane ntakivumbula nemwene ku munyenya wako u Aloni, poka na bamunyumba yache, pakabalilo kako bakaba bazya aba Falabo mu Ijiputi?

1 Samuweli 9:6

Loli uwambombo yula akamwamula akati, “Mukaya akakulu aka muli umuntu yumo uwa Chala umuchindikiwa nkani, pachifukwa ichakuti zyosi zizyo akunena zikukuba zyanaloli. Twende tubuke kulakula, lumo angatubuzya kuko tungazyagha impunda zila.”