1 Timoti 5:6 - IBAYIBOLO 2024

⁶ Loli umukolo umufwilwe yuyo akwihobosya mwene ni vintu ivya muchisu ichapasi, afuye kale, napapo mumi.

Ulufingo Ulupya

⁶ Loli umukolo umufwilwe yuyo akwihobosya mwene ni vintu ivya muchisu ichapasi, afuye kale, napapo mumi.

1 Timoti 5:6 Iomraidhean Croise

Ubwandilo 2:17

Loli utakalyanje ivikomwa ivya mwikwi ilyakumanyila ubwiza nu bubibi. Pakuti nanti walyamo bulo, naloli ukwiza pakufwa.”

Ivyili 29:21

Umuntu yuyo akumunanga uwambombo wache ukwanda ko kubwana bwache, pabumalilo pache akumupelela ichitima.

Yesaya 22:13

Loli ennya, kuli ulusekelo nu buhobosu, baghogha ing'ombe nukubola ing'ozi, ukulya inyama nukung'wela uvinyo! Nukunena ukuti, “Leka tulyanje nukung'wela uvinyo, pachifukwa ichakuti indabi tukwiza pakufwa!”

Yesaya 47:1

U Mwene akuti, “Wee kaya akakulu nkani aka Babiloni, epapo pachitengo nukwikala palufumbi, awe we Kaladeya we kaya kane, kako katamumenye nalumo umwanavuli, ikapo pachitengo icha bumwene, utakwiza pakwitiziwa ukuti we mulindu umwiza loli we muzya.

Yelemiya 6:2

Nkwiza pakukanangannya akaya akakulu nkani aka Ziyoni, akaya akiza nkani sona akakuboneka akiza.

Nkuto 4:5

Abantu babo bakalyanga ivinonu, ilelo bakusebaseba bulo mumisebo. Abantu babo bakavwalagha amenda aghamutengo ilelo bali pachintuntululu pakulonda ichakulya.

Matayi 8:22

U Yesu akamula akati, “Nkonka. Baleke abafwe basyilane abafwe benebene.”

Luka 12:19

Po nkwiza pakughubuzya umoyo wane ukuti we walusako. Uli ni vyuma ivyinji vivyo vikwiza pakukusunga amaka aminji. Bupepule bulo, lyanga, sona ung'welaye nukuhoboka wemwene!’

Luka 15:13

Bo ghachilapo amasiku amanandi, umwana umunandi yula akaghulizya ichigaba chimo icha chuma chache nukwepapo panyumba ni ndalama zyache. Akabuka kuchisu icha kubutali, kuko akataghila indalama zyache mubumi ubwakusita ukwipasikizya.

Luka 15:24

Pakuti umwana wane uyu akafwa, loli ilelo mumi. Akasobela, loli ilelo aghiwa.’ Po ulusekelo lukanda.

Luka 15:32

Loli zagha tusekelaye pakuti umuzuna wako akafwa, loli ilelo mumi. Akasobela, loli ilelo aghiwa.’ ”

Luka 16:19

“Kukabako umuntu yumo yuyo akavwalagha amenda agha pamwanya nukwikala mubumi ubwakwihobosya amasiku ghosi.

Luka 7:25

Nkimba mukabuka pakwennya ichoni? Nkimba umuntu yuyo avwalite amenda amiza nkani? Awe, abantu babo bakuvwala amenda aghamutengo nukwilagha, bakwikala munyumba izya bumwene!

Aba Efeso 2:1

Kale mukaba mwe bantu abafwe pachifukwa icha kunyongana kwinyu, sona ni chifukwa icha mbibi zyinyu.

Aba Efeso 2:5

napapo tukaba twe bantu abafwe pachifukwa icha kunyongana kwitu, akatupa ubumi mwa Kilisitu. U Chala akabapoka ukwendela muchisa chache.

Aba Efeso 5:14

pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti, “Nyamuka awe we ughonite utulo, zyuka kubufwe, po u Kilisitu akwiza pakukulamila.”

Ukukumbusya Amalamulo 28:54

Nayumoyumo umuntu pakasi papinyu, manyi muntu umumanyikwe manyi wamahala yuyo akwiza pakumupelela ichisa uwamwabo pamo umuchi wache yuyo umughanite pamo abana bache babo basyalapo,

Ukukumbusya Amalamulo 28:56

Napapo angaba mukolo umumanyikwe, manyi wakuboneka akiza nkani umwakuti atangakanya na pasi, akwiza pakumwima umulume wache, yuyo umughanite, na bana bache bosi

Aba Kolosi 2:13

Amwe kale mukaba mwe bantu abafwe pachifukwa icha mbibi zyinyu, sona pachifukwa ichakuti mukaba abasita kusilimuliwa mumoyo ghinyu. Loli ilelo u Chala abapiye ubumi poka nu Kilisitu. U Chala akatuhobokela imbibi zyitu zyosi.

2 Timoti 3:6

Bamo aba bantu banaba bakwinjila munyumba izya bantu nukubazimbula abakolo babo badedebaye, babo bang'wamilwe nu katundu uwa mbibi. Abakolo banaba bakuwesiwa ni vinyonywa ivyakulekanalekana,

Yakobo 5:5

Mwizuzya ubumi bwinyu pachisu ichapasi ni vyakubahobosya. Mwiyinisya mwebene ngati yo ng'ombe yiyo bakabuka nayo pakuyibola.

Ubuvumbuli 18:7

Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’

Ubuvumbuli 3:1

“Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.

1 Samuweli 15:32

Po u Samuweli akamubuzya u Sabuli akati, “Zagha nawe kuno u Agagi, u mwene uwa Amaleki yula.” U Agagi akiza kwa Samuweli, bo ahobokite nkani, pakuti akinong'onagha akati, “Naloli intamyo zyamala, sona napona!”

1 Samuweli 25:6

Mumubuzye muti u mwene u Devedi akukulamuka akuti, ‘Umutende ubanje nawe, poka na bamunyumba yako bosi, sona ni vintu vyosi vivyo uli navyo.