1 Timoti 5:10 - IBAYIBOLO 2024

¹⁰ Abanje wakuti imbombo zyache nyiza. Abanje mukolo wakuti asungitepo akiza abana bache, apokelelagha akiza abayeni, yuyo akasukuzya inyayo izya bantu abazelu aba Chala, akubavwa abantu babo bali muntamyo, sona nukwiyipa mwene pakubomba zyosi imbombo inyiza.

Ulufingo Ulupya

¹⁰ Abanje wakuti imbombo zyache nyiza. Abanje mukolo wakuti asungitepo akiza abana bache, apokelelagha akiza abayeni, yuyo akasukuzya inyayo izya bantu abazelu aba Chala, akubavwa abantu babo bali muntamyo, sona nukwiyipa mwene pakubomba zyosi imbombo inyiza.

1 Timoti 5:10 Iomraidhean Croise

Ubwandilo 18:4

Leka imbasendele amizi aghakuti musukusule munyayo zyinyu, sona mungatuzya mukazundila pikwi pano.

Ubwandilo 19:2

“Mwee bamwene bane, nalamba, twende kunyumba yane, musukusule munyayo zyinyu nukutuzya ubusiku bunubu. Pandabindabi nkani mungendelela nu bulendo bwinyu.” Bakamula bakati, “Awe, aswe tukwiza pakughona kuzi pamunalo uwa mukaya akakulu nkani kanaka.”

Ubwandilo 24:32

Umuntu yula akinjila munyumba, sona u Labani akisya ukatundu pangamila zila nukuzipa ingamila ichakulya. Akasemba amizi ukuti uwambombo uwa Abulahamu na bantu bache basukusule munyayo zyabo.

Ubwandilo 43:24

Sona bo umuntu yula abinjizya abantu munyumba iya Yosefu po akabapa amizi ukuti basukusule munyayo zyabo. Bakazipa impunda zyabo ivyakulya.

Masalimo 119:4

Ukatupa indaghilo zyako umwakuti tuzikonkaye mubusubiliwa.

Yesaya 1:17

Mumanyilaye pakubomba imbombo ingolosu, mubombelaye mubwanaloli, sona mubakazyanje abantu babo bakuyivyiwa. Mubasungililaye abana abalanda sona mubimilaye abakolo abafwilwe pa nongwa zyabo.”

Aba Levi 25:35

“Nanti umu Izilayeli uwamwinyu aba mupina sona atangisunga mwene, amwe mumwavwanje ukuyana namumo mungamwavwilizizya umuyeni pamo umwendazila, umwakuti endelele pakwikala namwe.

Matayi 25:17

Bunubu sona uwambombo yuyo akapokela isalabazya 2,000, akakabilapo 2,000 izinji.

Matayi 5:16

Momumo namwe ulukozyo lwinyu lulamaye pabantu, ukuti bennyanje imbombo zyinyu inyiza nukumupala Utata winyu uwakumwanya.

Luka 7:38

nukwima kwisinda kunyayo izya Yesu, akalila nukunyesya inyayo izya Yesu na masozi ghache. Po akapuputa amasozi munyayo izya Yesu ni sisi zyache, akazifyofyonta, nukuzipungulila amafuta.

Luka 7:44

Po u Yesu akaghalabukila ku mukolo yula nukumubuzya u Simoni ukuti, “Nkimba ukumwennya umukolo uyu? Ninjila munyumba yako, loli utampiye amizi aghakusukusula munyayo zyane, loli umwene asukuzya inyayo zyane na masozi nukuzipuputa ni sisi zyache.

Imbombo 10:22

Bakamula bakati, “Usongo u Kolineliya atutuma. Umwene muntu mugholosu, yuyo akumwiputa u Chala, sona achindikiwe nkani naba Yuda bosi. Uwantumi uwakumwanya uwa Chala akamubuzya ukuti akwitizye awe ukuti ubuke kunyumba yache, ukuti ivwe zizyo ukulonda pakunena.”

Imbombo 22:12

“Mukaya akakulu nkani mula mukabamo umuntu yumo yuyo akaba we Ananiya, umuntu uwakumwiputa u Chala, yuyo akakonka Indaghilo zyitu, sona akachindikiwa nkani naba Yuda bosi babo bakikalagha mulamula.

Imbombo 6:3

Polelo bakamu bitu, musale abantu seveni mumwinyu, babo bizuye nu Muzimu Umuzelu na mahala, sona aswe tukwiza pakubapa imbombo yiniyi.

Imbombo 9:36

Mu Yopa mukaba umumanyili umukolo yumo yuyo akaba we Tabita. (Itabwa lyache ilya mu Chigiliki bakuti Dolika, chicho chikung'anamula ukuti, “Imbabala.”) Akabalilo kosi akabombagha inyiza nukwavwa abapina.

Imbombo 9:39

Po u Pitala akanyamuka nukubuka nabo. Bo afika, bakabuka nawe muchipinda chilachila mumo abafwilwe bosi bakamubunganila, ukulila nukumulanjizya inkazo na menda ghagho u Dolika akasona bo achili mumi.

Aba Loma 12:13

Vivyo muli navyo mugabanaye na bakilisitu abamwinyu babo bakusobelwa. Mubapokelaye abayeni munyumba zyinyu.

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

Aba Kolosi 1:10

Pene po mukwiza pakwikalagha ukuyana namumo u Mwene akulondela, sona akabalilo kosi mukwiza pakubombagha chicho chikumuhobosya nkani. Ubumi bwinyu bukwiza pakupa ivikomwa ivyiza, sona amahala ghinyu aghakumumanyila u Chala ghakwiza pakonjelelakonjela.

1 Timoti 2:10

Loli bilanjizyanje bene ni mbombo inyiza zizyo bakubomba, pakuti abakolo babo bakumwiputa u Chala babombaye bunubu.

1 Timoti 3:2

Umulongozi uwa chipanga abanje ni nkalo inyiza, abanje nu muchi weka, atakakolwanje, abanje wakwilema nu mololo nu wamuchizi nu wakupokela abayeni, uwakumanya pakumanyisya.

1 Timoti 3:7

Abanje muntu yuyo akuchindikiwa na bantu kuzi ukwa chipanga, pakunyila ukuti angakoziwa isoni nukuwila muchipingo icha Satana.

1 Timoti 5:16

Loli nanti umukolo yuyo mwitiki ali na bakolo abafwilwe munyumba yache, abavwanje, umwakuti atakachipelelaye ichipanga intamyo iya kubavwilizya abakolo abafwilwe banaba, babo bafwililwe naloli.

1 Timoti 5:25

Umwakuyana bulo, imbombo inyiza zikubonekela pabuzelu bulo, loli nayimoyimo yiyo yitangafisiwa.

1 Timoti 6:18

Ubabuzye ukuti babombaye imbombo inyiza, nukuba bakabi mumbombo inyiza, nukusita pakuba bamama, sona nukwiyannya pakugabana ivintu vyabo na bantu abanji.

2 Timoti 1:5

Nkukumbuka sona nizya lwitiko ulwenecho lulo uli nalo, ulwitiko lulo unyokokulu u Loyisi, sona wepe nu nyoko u Yuniki akaba nalo. Indi nu lusubilo ukuti nawe bulo uli nalo.

2 Timoti 2:21

Nanti umuntu iswefya mwene ivintu vivyo nanena, akwiza pakuba chibombelo chicho chipaghuliwe, sona nukuba chambombo kumwenecho uwa nyumba, yuyo iyanizye pakuchibombezya imbombo yosi inyiza.

2 Timoti 3:15

Uzimenye sona ukuti ukwandila ko kubwana bwako, waghamanya Amasimbo Amazelu ghagho ghangakupa amahala ukuti impokiwe ukwendela mu lwitiko mwa Kilisitu Yesu.

2 Timoti 3:17

umwakuti umubombi uwa Chala abanje wakufikapo, sona wakwiyannya pakubomba imbombo zyosi inyiza izyakulekanalekana.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Titi 2:7

Muvintu vyosi, awe ubanje we chifwanikizyo icha nkalo inyiza. Bo ukumanyisya, umanyisyanje nu moyo uwanaloli, sona nu muchizi.

Titi 3:1

Ubakumbusyanje abantu ukuti bivwilaye abalongozi na balaghili, sona nukwiyannya pakubomba imbombo zyosi inyiza.

Titi 3:14

Abantu bitu bamanyilaye ukwiyula pakubomba imbombo inyiza, umwakuti bangabavwa babo bakusobelwa, sona nukuti batakabanje nubumi ubusita ivikomwa.

Titi 3:8

Amazyu agha masubiliwa. Nkulonda ukuti udidimizyepo pavintu vinivi, umwakuti abantu babo bakumusubila u Chala babanje bakwikolezannya pakubomba imbombo inyiza, zizyo nyiza, sona zikubavwa abantu bosi.

Aba Hebeli 10:24

Zagha twinong'onelanaye namumo tungakazanizannya, pakughanana sona nukubombelana ubwiza.

Aba Hebeli 13:2

Mupokelaye akiza abayeni munyumba zyinyu. Pakuti pakubomba bunubu abantu bamo bakapokela abantumi aba Chala umwakusita ukuzimanya.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!

1 Pitala 2:12

Inkalo yinyu pakasi pabantu abakuzi yibanje nyiza nkani, umwakuti bo bakubatamantila ukuti mwe bantu ababibi, bazyaghannye imbombo zyinyu inyiza. Po bakwiza pakumuchindika u Chala pisiku ilya kwiza kwache.

1 Pitala 4:9

Mubapokelaye akiza abayeni munyumba zyinyu umwakusita ukwilumbusya.

3 Yohani 1:12

Umuntu wesi akumupala u Demetiliyo. Zizyo akubomba zikumusimikizizya ukuti zizyo abantu bakunena zyanaloli.