1 Timoti 4:8 - IBAYIBOLO 2024

⁸ Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.

Ulufingo Ulupya

⁸ Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nu ubwa muntazi.

1 Timoti 4:8 Iomraidhean Croise

Yobu 22:2

“Nkimba umuntu angamukabila ichoni u Chala? Nkimba umuntu uwamahala wepe ali ni mbombo yoni kukwache?”

Yobu 36:11

Nanti bakumwivwila nukumubombela, ivintu vikwiza pakubendelagha akiza amasiku ghabo ghosi nukumalizya amaka ghabo mubuhobosu.

Masalimo 145:19

Akubapa vivyo bakulonda babo bakumuchindika akwivwa ukulila kwabo nukubapoka.

Masalimo 37:11

Loli abantu abakwiyisya bakwiza pakupyana ichisu sona bakwiza pakwilagha umutende ghugho ghutakubelengiwa.

Masalimo 37:29

Abagholosu bakwiza pakupyana ichisu, sona bakwiza pakwikalagha mulamula bwila na bwila.

Masalimo 37:9

Pakuti abantu ababibi bakwiza pakunyunkuliwa, loli babo bamusubiye u Mwene bakwiza pakuchipyana ichisu.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Ivyili 19:23

Ukumunyila u Mwene kukumupanga umuntu ubumi, akufwasagha sona ichibibi chitangamupalamasyapo.

Ivyili 22:4

Umuvwalo uwa kwiyisya nukumuchindika u Mwene bo bukabi nu muchizi, sona nubumi ubutali.

Umulumbilili 8:12

Napapo umuntu umubibi anange nkani nukuba nubumi, pope bulo inzimenye ukuti umuntu yuyo akumuchindika u Chala ivintu vikwiza pakumwendelagha akiza.

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

Yesaya 33:16

umuntu yunuyu akwiza pakwikala pamwanya, ubuzilo bwabo ubwakuponelamo, bukwiza pakuba lilinga ilya lighamba, akwiza pakupokela ichakulya, sona atakwiza pakusobelwapo amizi.

Yelemiya 6:20

Nkimba utwakufukizya utwakununkila utwa ku Sheba tuli nimbombo yoni kukwane, pamo ivyakunonanona ivya kuchisu ichakubutali? Ivyakwiyipa vyinyu ivyakocha vitakupokeleliwa, Ivyakwiyipa vyinyu vitakunhobosya.”

Matayi 12:32

Umuntu wesi yuyo akumunenela u Mwana uwa Muntu ivintu ivibibi, akwiza pakuhobokeliwa. Loli umuntu wesi yuyo akumunenela u Muzimu Umuzelu ivintu ivibibi atakwiza pakuhobokeliwa nalumolumo ukwandila pakabalilo aka mupaka pakabalilo kako kakwiza.”

Matayi 19:29

Sona umuntu wesi yuyo ayilekite inyumba pamo abawamwabo, pamo abayemba, pamo uwise pamo unyina, pamo abana, pamo amaghunda, pachifukwa icha nene, akwiza pakupokela ivintu ivyinji ukuchilapo 100, sona akwiza pakupokela ubumi ubwa bwila na bwila.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Maliko 10:30

pakabalilo aka, akwiza pakupokela ivintu ivyinji ukuchilapo 100 ivya nyumba na bawamwabo na bayemba na banyina na bana na maghunda poka nukuvwimiwa bulo. Pakabalilo kako akwiza pakupokela ubumi ubwa bwila na bwila.

Luka 5:38

Loli uvinyo umupya apunguliliwe mutunyambi utupya.

Aba Loma 8:28

Tuzimenye ukuti ivintu vyosi vikubendela akiza abantu babo bamughanite u Chala, babo bitiziwa ukuyana nu bwighane bwache.

1 Aba Kolinti 3:22

manyi we Pabuli, pamo u Apolo, manyi we Pitala, pamo ichisu ichapasi, manyi bumi, pamo ivintu vivyo vilipo ilelo, manyi vintu vivyo vikwiza muntazi—ivintu vyosi ivi vyinyu,

1 Aba Kolinti 8:8

Loli ivyakulya vitakwiza pakutupalamizya kupipi nu Chala. Tutakutaghapo nachimochimo nanti tutakuvilya, sona tutakukabapo nachimochimo nanti tukuvilya.

1 Timoti 4:7

Loli utuleghuke utupangwi utwamwalwe, tuto abakolo abaghosi bakupanga. Loli wiyizubizyanje wemwene pakuba nubumi ubwakumuchindika u Chala.

1 Timoti 6:3

Nanti umuntu yumo akumanyisya ichimanyisyo ichakulekana ni vintu ivi, sona atakwivwana na mazyu aghanaloli agha Mwene, u Yesu Kilisitu ni vimanyilo ivya chiputo chitu.

1 Timoti 6:5

Abantu banaba bakudalinkana na bantu babo inyinong'ono zyabo nyonganu, sona babo batabumenye ubwanaloli. Bakwinong'ona ukuti ukwiputa kwa Chala yo zila yimo iyakukabilapo indalama.

1 Timoti 6:6

Ukwiputa kwa Chala, naloliloli kukumupela umuntu pakuba mukabi, nanti akwikuta na vivyo ali navyo.

2 Timoti 3:5

napapo bakuboneka ngati po bakumwiputa u Chala, loli bakughakana amaka ghache. Ubaleghuke abantu banaba.

Titi 3:8

Amazyu agha masubiliwa. Nkulonda ukuti udidimizyepo pavintu vinivi, umwakuti abantu babo bakumusubila u Chala babanje bakwikolezannya pakubomba imbombo inyiza, zizyo nyiza, sona zikubavwa abantu bosi.

Aba Hebeli 13:9

Mutakitikizyanje ivimanyisyo iviyeni ivyakulekanalekana ukuti vibapuvye. Chizapo ukuti umoyo witu ghukaziwanje ni chisa icha Chala, pate pakukonka indaghilo izya vyakulya zizyo zitabavwizye abantu babo bakazikonkagha.

1 Yohani 2:25

Chicho akatulayizya aswe bo bumi ubwa bwila na bwila.

Ubuvumbuli 3:12

Umuntu yuyo akupota nkwiza pakumupela pakuba mpanda iya Nyumba iya Chala wane, sona atakwiza pakufumapo nalumolumo kuzi. Nkwiza pakusimba itabwa ilya Chala wane papache, sona ni tabwa ilya kaya akakulu nkani aka Chala, u Yelusalemu umupya, yuyo akwiza pakwika kumwanya kwa Chala wane.

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.