1 Timoti 4:7 - IBAYIBOLO 2024

⁷ Loli utuleghuke utupangwi utwamwalwe, tuto abakolo abaghosi bakupanga. Loli wiyizubizyanje wemwene pakuba nubumi ubwakumuchindika u Chala.

Ulufingo Ulupya

⁷ Loli utuleghuke utupangwi utwamwalwe, tuto abakolo abaghosi bakupanga. Loli wiyizubizyanje wemwene pakuba nubumi ubwakumuchindika u Chala.

1 Timoti 4:7 Iomraidhean Croise

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

1 Timoti 1:4

Ubabuzye ukuti baleke pakubikapo umoyo patupangwi bulo, sona ni mbatiko izya matabwa agha banyenya. Ivi vikwandizya bulo ivyongo, sona vite ni mbombo nayimoyimo pambombo iya Chala, ukwendela mu lwitiko.

1 Timoti 1:9

Tubaghiye twivwisye ukuti indaghilo zitakapinyiwa pachifukwa icha bantu abagholosu, awe. Loli pachifukwa icha bantu abananga ndaghilo, na basita kwivwila. Zikapinyiwa pachifukwa icha bantu babo batamumenye u Chala, sona na bantu abambibi; pachifukwa icha abantu ababibi, na babo bakumukana u Chala; abantu babo bakughogha abawise, pamo abanyina pamo, abaghoghi,

1 Timoti 2:10

Loli bilanjizyanje bene ni mbombo inyiza zizyo bakubomba, pakuti abakolo babo bakumwiputa u Chala babombaye bunubu.

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.

1 Timoti 6:11

Loli awe, we mubombi uwa Chala uvileghuke ivintu vyosi vinivi. Ubanje nu moyo uwakubulondelezya ubugholosu, nukumunyila u Chala nu lwitiko nu lughano nu bufisalyoyo, sona nu bololo.

1 Timoti 6:20

Wee Timoti, usunge akiza vivyo ukapeghiwa ukuti usunge. Ughaleghuke amazyu amasita mbombo, sona nukudalinkana ukwa bupunganu, vivyo abantu abamyasi bakuti gho mahala.

1 Timoti 6:3

Nanti umuntu yumo akumanyisya ichimanyisyo ichakulekana ni vintu ivi, sona atakwivwana na mazyu aghanaloli agha Mwene, u Yesu Kilisitu ni vimanyilo ivya chiputo chitu.

1 Timoti 6:5

Abantu banaba bakudalinkana na bantu babo inyinong'ono zyabo nyonganu, sona babo batabumenye ubwanaloli. Bakwinong'ona ukuti ukwiputa kwa Chala yo zila yimo iyakukabilapo indalama.

2 Timoti 2:16

Loli ughaleghuke amazyu aghamwalwe ghagho ghatakumuchindika u Chala, pakuti abantu babo bakubomba bunubu bakwiza pakwendelela pakuba kubutali nu Chala.

2 Timoti 2:23

Ughaleghuke amadali aghamwalwe na ghabupunganu, pakuti uzimenye ukuti ivintu vinivi, ubumalilo bwache vyongo.

2 Timoti 3:12

Umuntu wesi yuyo akulonda pakuba nubumi ubwakumwiputa u Chala pakumamatilana poka nu Kilisitu u Yesu, naloli akwiza pakuvwimiwa.

2 Timoti 3:5

napapo bakuboneka ngati po bakumwiputa u Chala, loli bakughakana amaka ghache. Ubaleghuke abantu banaba.

2 Timoti 4:4

Bakwiza pakusindila amakutu ghabo ukuti batakivwanje ubwanaloli nukuteghelezya utupangwi utwa bulo.

Titi 1:14

sona nukuti batakimilile mu tupangwi utwa Chiyuda, pamo pa malamulo agha bantu babo bakubusula ubwanaloli.

Titi 2:12

Ichisa ichi chikutumanyisya ukuti tuleke pakuba ni nkalo iyakusita ukumunyila u Chala, sona nukuti tuleke ivinyonywa ivya muchisu ichapasi. Chikutumanyisya sona ukuti tubanje bantu abakwilema, na bagholosu, sona na bakumuchindika u Chala mubumi bwitu ubwa muchisu ichapasi,

Titi 3:9

Loli leghuka amadali aghabupunganu, nizya mbatiko izya matabwa agha banyenya, ukulwa nukudalinkana nizya Ndaghilo izya Mozesi. Pakuti zinizi zite ni mbombo nayimoyimo.

Aba Hebeli 5:14

Loli ichakulya ichikafu cho cha bantu abasongo, babo ukwendela mukumanyila bamenye ukulesannya pakasi pachintu chicho chiza ni chintu chicho chibibi.