1 Timoti 4:3 - IBAYIBOLO 2024

³ Abantu banaba bakubakanizya abantu pakusendana, sona nukubalamula ukuti batakalyanje ivyakulya vimo. Loli u Chala akavipela ivyakulya vilavila ukuti vilyewanje na bantu babo bakusubila, sona bantu babo babumenye ubwanaloli, bo bapalizya kwa Chala.

Ulufingo Ulupya

³ Abantu banaba bakubakanizya abantu pakusendana, sona nukubalamula ukuti batakalyanje ivyakulya vimo. Loli u Chala akavipela ivyakulya vilavila ukuti vilyewanje na bantu babo bakusubila, sona bantu babo babumenye ubwanaloli, bo bapalizya kwa Chala.

1 Timoti 4:3 Iomraidhean Croise

Ubwandilo 9:3

Ilelo mungalya ivinyamana vyosi ukuyana na muno nkabitikizizya pakulya ivyamani. Nabapa vyosi pakuba chakulya chinyu.

Umulumbilili 5:18

Po nkazyaghannya ukuti chintu ichiza ukuti umuntu alyanje, ang'welaye, sona ilaghaye imbombo zizyo akubomba umwakwiyula pachisu ichapasi mumasiku amanandi ghagho u Chala amupiye, pakuti ughu gho muvwalo wache.

Daniyeli 11:37

U mwene yula akwiza pakubasula abachala aba banyenya babo bakababombelagha, sona nu chala yuyo abakolo bakamughana. Naloliloli akwiza pakumusula u chala wesi, pachifukwa ichakuti akwiza pakwinong'ona ukuti wapamwanya nkani ukubachila abachala abanji bosi.

Matayi 14:19

Po akalamula abantu bala ukuti bikale pasi pisote. Akasenda ivibama fayivi ni swi zibili zila, akennya kumwanya nukupalizya kwa Chala. Akamenyannya ivibama vila nukubapa abamanyili bache, sona abamanyili bakagabila abantu.

Matayi 15:11

Chite cho chicho chikwinjila mumulomo uwa muntu chikumunyazya, loli chicho chikufuma mumulomo wache cho chicho chikumunyazya.”

Matayi 15:36

Po akasenda ivibama seveni nu tuswi tula nukumupalizya u Chala. Akamenyannya nukubapa abamanyili bache ukuti bachigabile ichilundilo chila.

Luka 24:30

Akikala pasi nukulya nabo, sona akasenda ichibama nukupalizya kwa Chala. Po akachimenyannya nukubapa.

Yohani 6:23

Amabwato aghanji ghagho ghakafumila mu Tibeliya, ghakafika pabuzilo bubo abantu bakalyelapo ivibama bo u Mwene avisaya.

Imbombo 27:35

Bo u Pabuli anena zinizi, akasenda ivibama nukumupalizya u Chala pamaso pa bosi, po akavimenyannya nukwanda pakulya.

Aba Loma 14:17

Pakuti Ubumwene ubwa Chala bute ni mbombo ni vyakulya ni vyakung'wela, loli ubugholosu nu mutende, sona nu buhobosu, vivyo u Muzimu Umuzelu akupa.

Aba Loma 14:3

Umuntu yuyo akulya ivintu ivya luko losi, atakamusamulaye umuntu yuyo atakulya ivintu ivya luko losi. Sona umuntu yuyo atakulya ivintu ivya luko losi, atakamulongaye umuntu yuyo akulya ivintu ivya luko losi, pakuti we Chala yuyo amupokelite.

Aba Loma 14:6

Umuntu wesi yuyo akwinong'ona ukuti isiku limo lyapamwanya nkani ukuchila amasiku ghosi aghanji, akubomba bunubu ukuti amuchindikaye u Mwene. Po umuntu yuyo akulya ivintu ivya luko losi, akubomba bunubu ukuti amuchindikaye u Mwene pakuti pakubomba bunubu ukumupalizya u Chala.

1 Aba Kolinti 6:13

Umuntu uyunji akwiza pakunena ukuti, “Ichakulya chikapeliwa ukuti chinjilaye mulwanda, lope ulwanda lukapeliwa ukuti lupokelaye ichakulya.” Eee, momumo, loli u Chala akwiza pakuvinangannya vyosi vibili. Umubili ghute wakubombela ubwamalaya awe, loli wakumubombela u Mwene. Po u Mwene wemwenecho uwa mubili.

1 Aba Kolinti 7:28

Loli nanti ukusenda, utakunanga, awe. Sona nanti umulindu akusendiwa, atakunanga, awe. Loli abantu babo basendanite bakwiza pakukomana nintamyo muchisu ichapasi, po nkulonda pakubapoka bulo muntamyo izya isiku ni siku zila.

1 Aba Kolinti 8:8

Loli ivyakulya vitakwiza pakutupalamizya kupipi nu Chala. Tutakutaghapo nachimochimo nanti tutakuvilya, sona tutakukabapo nachimochimo nanti tukuvilya.

Aba Kolosi 2:16

Polelo patakabepo nayumo umuntu uwakubalonga pachifukwa icha vivyo mukulya, pamo ukung'wela, pamo nizya lusekelo ulwa chiputo, pamo Ulusekelo ulwa Kupanta ukwa Mwezi, pamo nizya Isiku Ilyakutuzya.

Aba Kolosi 3:17

Chosi chicho mukubomba, manyi mukanenele, manyi mumbombo, mubombelaye mwitabwa ilya Mwene u Yesu, bo mukumupalizya u Chala u Tata ukwendela mumwache.

1 Timoti 2:4

yuyo akulonda ukuti abantu bosi bapokiwe, sona nukuti babumanye ubwanaloli.

1 Timoti 4:4

Pakuti ichintu chosi chicho u Chala akachipela chiza, sona nachimochimo chibaghiye pakukaniwa, nanti chapokeleliwa nukupalizya kwa Chala,

1 Timoti 5:14

Polelo nalondagha ukuti ngali abafwilwe abachilindu basendiwe nukupapa abana nukusungilila akiza inyumba zyabo. Po abalwani bitu batakwiza pakulwaghilapo ulusako ulwakutunena ububibi.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

Aba Hebeli 13:9

Mutakitikizyanje ivimanyisyo iviyeni ivyakulekanalekana ukuti vibapuvye. Chizapo ukuti umoyo witu ghukaziwanje ni chisa icha Chala, pate pakukonka indaghilo izya vyakulya zizyo zitabavwizye abantu babo bakazikonkagha.

1 Samuweli 9:13

Bo mwinjila bulo mukaya kala mukwiza pakumwagha, bo atabukite kubuzilo ubwakwiputilapo pakulya. Abantu batanganda pakulya nanti atafikite, pakuti weyuyo abaghiye pakuchisaya tasi ichakwiyipa chila. Pisinda pache abantu abakwitiziwa bala bakwanda pakulya. Losi ulu bukagha mukomane nawe.”