1 Timoti 4:16 - IBAYIBOLO 2024

¹⁶ Wiyenelezye akiza wemwenecho nubumi bwako, sona ni chimanyisyo chako. Endelela pakubomba ivintu vinivi, pakuti pakubomba bunubu, u Chala akwiza pakukupoka, sona na bantu babo bakuteghelezya amazyu ghako.

Ulufingo Ulupya

¹⁶ Wiyenelezye akiza we mwenecho nubumi bwako, sona ni chimanyisyo chako. Endelela pakubomba ivintu vinivi, pakuti pakubomba bunubu, u Chala akwiza pakukupoka, sona na bantu babo bakuteghelezya amazyu ghako.

1 Timoti 4:16 Iomraidhean Croise

1 Imbili 28:10

Uzimanye ukuti u Mwene akusala ukuti umuzengele Inyumba iya Chala ukuti yibanje buzilo ubuzelu. Ujimbaye nkani, po uyibombaye imbombo iyi.”

2 Imbili 19:6

Akababuzya akati, “Mubanje maso pazizyo mukubomba, pakuti mutakulonga pachifukwa icha muntu, loli pachifukwa icha Mwene, yuyo ali namwe, bo mukudumula inongwa.

Ukufuma 23:13

“Teghelezya zyosi zizyo Ane ne Mwene nanena. Utakabiputaye abachala abanji, sona utakaghatambulaye amatabwa ghabo napo panandi.

Yesaya 55:11

Momumo amazyu ghane ghagho nkunena ghakwiza pakubela. Ghatakwiza pakunyokela kukwane pabulo, loli ghakwiza pakukwanilisya zizyo nkulonda, nukukwanilisya zizyo nkaghatumila.

Yelemiya 23:22

Nanti bakimilila lumo mulukomano lwane, po ngali bakalumbilila amazyu ghane ku bantu bane, sona ngali bakabanyosyako ku zila zyabo imbibi, nakumbombo zyabo imbibi.”

Maliko 13:9

“Mubanje maso. Abantu bakwiza pakubalema nukubabika pamaso pa balaghili, po bakwiza pakubasyempa munyumba izyakwiputilamo. Pachifukwa icha nene bakwiza pakubasitaka pamaso pa balaghili napa bamwene ukuti mubikile ubwakaboni nizya ane.

Luka 21:34

“Muchebaye ukuti amoyo ghinyu ghatakikolezannyanje nukulya nukukolwa, sona nukupasya nizya bumi ubu, pamo isiku lila lingiza kukwinyu umwakubachenusya bulo

Imbombo 26:22

Loli mupaka ni siku ili u Chala anyavwanga. Po nimiliye pano pakubikila ubwakaboni pamaso pa mwebosi, na bana na pamaso pa basongo. Zizyo nkunena ziyanite bulo na zizyo abalaghuzi nu Mozesi bakanena ukuti zikwiza pakubombiwa,

Imbombo 6:4

Po akabalilo kosi aswe tukwiza pakwiyula munyiputo na mumbombo iyakulumbilila amazyu agha Chala.”

Aba Loma 11:14

Pamo ningabapela abantu abaluko lwane pakuba bantu abakabini, umwakuti ningabapoka bamo mumwabo.

Aba Loma 16:17

Mwee bakamu bane, nkubalaba ukuti muchebaye na bantu babo bakubagabannya abantu, sona na babo bakubika ivipunulo muzila zyinyu pakumanyisya ivimanyisyo vivyo vilekanite na vivyo mukamanyisiwa. Epako kukwabo!

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

1 Aba Kolinti 1:21

Pakuti u Chala mumahala ghache, akabatikila zila ukuti abantu batakamumanye na mahala ghabo. Loli chikamuhobosya u Chala ukuti abapoke abantu babo bakughasubila amazyu ghagho tukulumbilila, napapo abene bakuti ghabupunganu.

1 Aba Kolinti 9:22

Bo nkubomba na bantu abadedebazu nkaba ngati ne muntu umudedebazu, umwakuti nkabepo abantu balabala. Bo indi poka na bantu bosi nkaba ngati bo babo, umwakuti nanti zingabombiwa impokepo abantu bamo mumwabo.

1 Aba Kolinti 9:27

Loli nkughufunda nukughukazya umubili wane ni nkonya nukughupela pakuba muzya, umwakuti bo nalumbilila Amazyu Amiza pakasi pabantu banji, ane nemwene, intakapotwe pakupokela umuvwalo.

Aba Efeso 4:14

Po tutakwiza pakuba sona ngati bo babonda, babo bakuyinganayingana na mayigha, sona nukupupuka ni mpepo iya chimanyisyo icha bantu abamyasi, babo bakubapuvya abantu nu buchevu bwabo.

Aba Kolosi 4:17

Mumubuzye u Alikipo muti, “Wenelezye ukuti wamalizya imbombo yiyo u Mwene akakupa.”

1 Aba Tesalonika 2:16

Bakayezya pakutuzigha ukuti tuleke pakulumbilila amazyu pakasi pabantu babo bate ba Yuda umwakuti bangapokiwa. Bunubu akabalilo kosi biyonjelezyanga bulo imbibi zyabo, umwakuti ubukali ubwa Chala bwabawila.

1 Timoti 1:3

Bo nkubuka ku Makedoniya, nkakulaba ukuti wikale mu Efeso. Mulamula muli abantu bamo babo bakumanyisya ivimanyisyo ivyabumyasi, po nkulonda ukuti awe ubakanizye.

1 Timoti 4:15

Wiyizubizyanje pakubomba ivintu vinivi nukwiyipa wemwene, umwakuti abantu bosi bennye ukuti ubumi bwako ubwabuzimu bukwendelela pakukula.

1 Timoti 4:6

Nanti ukubalingannya abakamu bako ivintu ivi, ukwiza pakuba we mubombi umwiza uwa Kilisitu u Yesu, uwakukulila mulwitiko na mubumanyisi ubwanaloli bubo wakonkagha.

2 Timoti 2:10

Polelo nkujimba nkani muvintu vyosi pachifukwa icha bantu babo u Chala akabasala, umwakuti bope bapokiwe ukwendela mwa Kilisitu u Yesu, nukupokela ubuchindamu ubwa bwila na bwila.

2 Timoti 3:14

Loli awe, endelela pakulemezya ubwanaloli bubo ukamanyisiwa, sona ubusubile nkani, pakuti ubamenye babo bakakumanyisya zinizi.

2 Timoti 4:2

ulumbililaye amazyu agha Chala. Wiyannye pakughalumbilila pakabalilo kako abantu bakughalonda, sona na pakabalilo kako abantu batakughalonda. Ubasoke nukubachemela, sona nukubakazya, bo ukubamanyisya nu bololo.

Titi 1:9

Alemezye amazyu amasubiliwa ukuyana ni chimanyisyo chane, umwakuti angabakazya abantu abanji ni chimanyisyo ichanaloli, sona nukubapota abantu babo bakususannya ni chimanyisyo chinichi.

Titi 2:15

Ivi vyo vintu vivyo ubaghiye umanyisyanje. Lanjizya ubulaghili bwako bosi, bo ukubakazya nukubachemela abantu babo bakukuteghelezya. Atakabepo nayumo umuntu uwakukusula.

Titi 2:7

Muvintu vyosi, awe ubanje we chifwanikizyo icha nkalo inyiza. Bo ukumanyisya, umanyisyanje nu moyo uwanaloli, sona nu muchizi.

Filimoni 1:19

Ane ne Pabuli nkusimba izi ni nyobe iyane ni yane. Nkwiza pakulipila inkongole yilayila. Chitakulondiwa pakukukumbusya ukuti awe uli ni nkongole nane, bubo bumi bwako.

Aba Hebeli 12:15

Mubanje maso ukuti atakabepo nayumo umuntu yuyo akwiza pakupotwa pakupokela ichisa icha Chala. Patakabepo nachimo ichimelwa ichakubaba, chicho chingamela pakasi papitu nukubapelela abantu abinji intamyo nukubaba kwache.

Aba Hebeli 13:9

Mutakitikizyanje ivimanyisyo iviyeni ivyakulekanalekana ukuti vibapuvye. Chizapo ukuti umoyo witu ghukaziwanje ni chisa icha Chala, pate pakukonka indaghilo izya vyakulya zizyo zitabavwizye abantu babo bakazikonkagha.

Yakobo 5:20

mukumbuke ichi: Umuntu wesi yuyo akumunyosya umuntu kumbibi zyache, akwiza pakubupoka ubumi ubwa mubibi yula kubufwe, sona akumwavwa ukuti imbibi zyache inyinji zihobokeliwe.