1 Timoti 4:10 - IBAYIBOLO 2024

¹⁰ Ichi cho chifukwa tukwiyula nukubomba nkani imbombo, pakuti twabika ulusubilo lwitu mwa Chala umumi, yuyo Mupoki uwa bantu bosi, sona nkaninkani uwa bantu babo bakusubila.

Ulufingo Ulupya

¹⁰ Ichi cho chifukwa tukwiyula nu kubomba nkani imbombo, pakuti twabika ulusubilo lwitu mwa Chala umumi, yuyo Mupoki uwa bantu bosi, sona nkani-nkani uwa bantu babo bakusubila.

1 Timoti 4:10 Iomraidhean Croise

Masalimo 107:2

Abapokiwa bosi bazifumusyanje zinizi, kokuti abantu babo akabapoka munyobe izya balwani,

Masalimo 118:8

Chiza nkani pakuchimbilila kwa Mwene, ukuchila pakumusubila umuntu.

Masalimo 36:6

Ubugholosu bwako buli ngati maghamba aghamaka, sona ubwanaloli bwako bope buli ngati nyanja inyibizu. Wee Mwene, ukubasungililagha abantu ni vinyamana.

Masalimo 37:40

U Mwene akubavwa nukubapoka. Akubapoka munyobe izya bantu ababibi, pachifukwa ichakuti bakuchimbilila kukwache.

Masalimo 52:8

Loli ane indi ngati likwi ilya musyunguti ibisi mu Nyumba iya Chala, po indusubiye ulughano ulwa Chala lulo lutakupotwapo nalumolumo bwila na bwila.

Masalimo 84:12

Wee Mwene Uwamaka Ghosi, basayiwa abantu babo bakukusubila.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 50:10

Nkimba wewenu pakasi papinyu akumunyila u Mwene nukughivwila amazyu agha mubombi wache? Muleka yuyo akwenda muchisi, yuyo ate nulukozyo, akusubila itabwa ilya Mwene, sona amusubiye u Chala wache.

Yelemiya 17:7

“Musayiwa umuntu yuyo ali nu lusubilo mwa Mwene, yuyo abikite umoyo wache ghosi mu mwache.

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Nahumu 1:7

U Mwene mwiza, wakuponelamo mukabalilo akantamyo. Akubasungilila babo bamusubiye,

Matayi 16:16

U Simoni Pitala akamula akati, “Awe we Kilisitu, u Mwana uwa Chala umumi.”

Matayi 27:43

Akumusubila u Chala nukwiyitizya mwene ukuti Mwana uwa Chala. Po leka twennye nanti u Chala akulonda pakumupoka ilelo.”

Yohani 1:29

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

Yohani 4:42

po bakamubuzya umukolo yula bakati, “Tutakusubila pachifukwa icha vivyo utubuzizye, loli pachifukwa ichakuti twiyivwila twebene kukwache, sona tumumenye ukuti uyu Mupoki uwa chisu ichapasi.”

Yohani 5:24

“Naloli nkubabuzya ukuti bosi babo bakwivwa amazyu ghane nukumusubila yuyo akantuma, bali nubumi ubwa bwila na bwila. Batakwiza pakulongiwa, loli balobokako kubufwe nukwinjila mubumi.

1 Aba Kolinti 15:10

Loli muchisa icha Chala indi mumo imbeleye, sona ichisa chache papane chitakaba chabulo, awe. Loli nkiyula nkani ukuchila abatumiwa abanji bosi, napapo intakaba nene, loli chisa icha Chala chicho chili nane.

2 Aba Kolinti 1:10

Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona,

1 Timoti 2:3

Ichi chiza, sona chikumuhobosya nkani u Chala Umupoki witu,

1 Timoti 2:4

yuyo akulonda ukuti abantu bosi bapokiwe, sona nukuti babumanye ubwanaloli.

1 Timoti 2:6

Akiyipa mwene ukuti abasatule abantu bosi. Ichi chikaba chisimikizyo pakabalilo kache akiza.

1 Timoti 3:15

Loli nanti nakaba, ukalata uyu akwiza pakukumanyisya mumo abantu babaghiye pakwikalilagha mu Nyumba iya Chala, yiyo chipanga icha Chala umumi, sona we mpanda nu lwalo ulwa bwanaloli.

1 Timoti 6:17

Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.

Aba Hebeli 11:26

Akinong'onagha ukuti ukuyimba pachifukwa icha Kilisitu bukaba bukabi ubukulu nkani ukuchila ubukabi bosi ubwa mu Ijiputi, pakuti amaso ghache ghakennyanga umuvwalo uwa muntazi.

Aba Hebeli 13:13

Po twende, tubukaye kukwache kuzi ukwa visakasa ukuti tusamuliwe poka nawe.

1 Pitala 1:21

Amwe mukumusubila u Chala ukwendela mumwache, yuyo akamuzyusya kubufwe nukumupa ubuchindamu. Po ulwitiko nu lusubilo lwinyu vikwennya kwa Chala.

1 Yohani 2:2

Umwene we chakwiyipa ichakuhobokeleliwamo imbibi zyitu. Atakutuhobokela imbibi zyitu zyene, awe, loli ni mbibi zyope izya bantu bosi aba muchisu ichapasi.

1 Yohani 4:14

Aswe twennya nukuzisimikizya ukuti u Tata akatuma u Mwana wache pakuba Mupoki uwa bantu aba muchisu ichapasi.