1 Timoti 3:2 - IBAYIBOLO 2024

² Umulongozi uwa chipanga abanje ni nkalo inyiza, abanje nu muchi weka, atakakolwanje, abanje wakwilema nu mololo nu wamuchizi nu wakupokela abayeni, uwakumanya pakumanyisya.

Ulufingo Ulupya

² Umulongozi uwa chipanga abanje ni nkalo inyiza, abanje nu muchi weka, atakakolwanje, abanje wakwilema, nu mololo, nu wamuchizi, nu wakupokela abayeni, uwakumanya pakumanyizya.

1 Timoti 3:2 Iomraidhean Croise

Yesaya 56:10

Abalindilili aba Izilayeli bafwamaso, bosi bate namahala, bosi bali ngati mbwa izya chinunu, zizyo zitakubwata, zikulambalala nukulota, zyighanite pakughona utulo.

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Luka 2:36

Kukabako umukolo yumo umulaghuzi umughosi nkani yuyo akaba we Ana, umwana uwa Fanuwelo uwaluko ulwa Asheli. Akaba pasendwa amaka seveni ghene bulo

Aba Loma 12:13

Vivyo muli navyo mugabanaye na bakilisitu abamwinyu babo bakusobelwa. Mubapokelaye abayeni munyumba zyinyu.

Aba Filipi 2:15

umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya,

1 Timoti 3:12

Umwavwilizi uwa chipanga abanje nu muchi weka. Abalelaye akiza abana bache nukusungilila akiza inyumba yache.

1 Timoti 3:8

Umwakuyana bulo, bope abavwilizi muchipanga babanje ni nkalo inyiza, sona abasubiliwa. Batakang'welaye nkani uvinyo, pamo pakuba baghana ndalama.

1 Timoti 4:3

Abantu banaba bakubakanizya abantu pakusendana, sona nukubalamula ukuti batakalyanje ivyakulya vimo. Loli u Chala akavipela ivyakulya vilavila ukuti vilyewanje na bantu babo bakusubila, sona bantu babo babumenye ubwanaloli, bo bapalizya kwa Chala.

1 Timoti 5:10

Abanje wakuti imbombo zyache nyiza. Abanje mukolo wakuti asungitepo akiza abana bache, apokelelagha akiza abayeni, yuyo akasukuzya inyayo izya bantu abazelu aba Chala, akubavwa abantu babo bali muntamyo, sona nukwiyipa mwene pakubomba zyosi imbombo inyiza.

1 Timoti 5:22

Utakachimbililaye pakubika inyobe pa muntu, sona utakasendayepo ichigaba chimo pambibi izya bantu abanji. Wisungilile akiza wemwene.

1 Timoti 5:9

Utakonjelezyepo nayumo umukolo umufwilwe pakabukatila aka bakolo abafwilwe, pene papo nanti achilite amaka 60. Abanje mukolo uwakuti akasendwa nu mwanavuli weka,

2 Timoti 2:24

Umubombi uwa Mwene, atakabanje wavyongo, awe. Loli abanje mololo nu muntu wesi. Abanje mumanyisi umwiza, sona nu mufisalyoyo.

Titi 2:2

Ubamanyisye abanavuli abachasongo ukuti batakakolwanje, babanje bantu abamahala na bakwilema; babanje bantu abamaka mulwitiko, na balughano, sona na bololo.

Aba Hebeli 13:2

Mupokelaye akiza abayeni munyumba zyinyu. Pakuti pakubomba bunubu abantu bamo bakapokela abantumi aba Chala umwakusita ukuzimanya.

Aba Hebeli 3:14

Pakuti twebosi tuli ni chigaba muvintu vivyo u Kilisitu akupa nanti twimite nkani mupaka pabumalilo palusubilo lulo tukaba nalo pakwanda.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

1 Pitala 4:9

Mubapokelaye akiza abayeni munyumba zyinyu umwakusita ukwilumbusya.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.