1 Timoti 3:16 - IBAYIBOLO 2024

¹⁶ Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

Ulufingo Ulupya

¹⁶ Umwakusita ukwilamwa nakumo-kumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pa bantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

1 Timoti 3:16 Iomraidhean Croise

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Matayi 13:11

U Yesu akamula akati, “U Chala abavumbulila vivyo vifisiwe ivya Bumwene ubwa Kumwanya, loli abantu bosi abanji, awe.

Matayi 28:2

Umwalubilolubilo kukaba akasenyenta akakali nkani pakuti uwantumi uwa Mwene akika kumwanya. Akabunguluzya ibwe lila nukwikalapo.

Matayi 3:16

Bo u Yesu oziwa bulo, akazubuka mumizi. Palapala kumwanya kukighuka, akennya u Muzimu uwa Chala akumwikila ngati yo nkunda.

Matayi 4:11

U Satana akamuleka u Yesu, po abantumi aba kumwanya bakiza pakumwavwa.

Maliko 1:13

mumo akikala amasiku 40, ukuyeliwa nu Satana. Ivinyamana ivya munkolongo vyope vikaba mulamula, loli abantumi aba kumwanya bakiza pakumwavwa.

Maliko 16:19

Bo u Mwene u Yesu amala pakunena nabo, akasendiwa pakubuka kumwanya nukwikala kunyobe indilo iya Chala.

Maliko 16:5

Bo binjila mwipumpa, bakennya umulumendo, yuyo akavwala inkazo iswepu ikaye kunyobe indilo, po bakachenuka nkani.

Luka 2:32

Wavumbula ulukozyo ukuti lubalamile abantu babo bate ba Yuda nukwiza pakuba buchindamu kuba Izilayeli.”

Luka 20:44

“U Devedi umwenecho akamwitizya ukuti, Mwene, po u Kilisitu angaba bulibuli uwaluko ulwa Devedi?”

Luka 22:43

Uwantumi uwakumwanya akamubonekela nukumukazya.

Luka 24:4

Bo bakuswigha na zinizi, umwakuchenusya bulo bakennya abantu babili bavwalite amenda aghakunyezimila bimiliye papipi nabo.

Luka 24:51

Bo akubasaya, akatantama panandi nukusendiwa ukubuka kumwanya.

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 13:3

U Yesu akazimanya ukuti Uwise abikite vyosi munyobe zyache. Akazimanya sona ukuti afumite kwa Chala, po akunyokela kwa Chala.

Yohani 15:26

“Umwavwilizi akwiza, u Muzimu Umuzelu, yuyo akuvumbula ubwanaloli ubwa Chala, sona yuyo akufuma kwa Tata. Nkwiza pakubatumila ukufuma kwa Tata, po akwiza pakusimikizya nizya ane.

Yohani 16:28

Ane nkafuma kwa Tata nukwiza muchisu ichapasi, po ilelo nkwepamo muchisu ichapasi nukunyokela kwa Tata.”

Yohani 17:5

Wee Tata, losi ulu umpe ubuchindamu pamaso papako, ubuchindamu bubo nkaba nabo poka nawe, bo ichisu ichapasi chichili pakupeliwa.

Yohani 20:12

akabennya abantumi babili aba kumwanya bavwalite amenda amazelu, bikaye papo umuvimba uwa Yesu ghukaba, weka kumutu uwamwabo ku vinama.

Yohani 6:62

Po zikwiza pakuba bulibuli bo mukwennya u Mwana uwa Muntu akukwela pakubuka kuko akabanga pakwanda?

Imbombo 1:19

Abantu bosi babo bakikalagha mu Yelusalemu bakivwa zinizi, po muneno yabo bakawita umughunda ghulaghula ukuti ‘Akelidama,’ chicho chikung'anamula ukuti, ‘Umughunda uwa ibanda.’

Imbombo 10:34

U Pitala akanda pakunena akati, “Ilelo nazyaghannya ukuti naloli u Chala atakwennya icheni icha muntu,

Imbombo 14:27

Bo bafika mu Antiyokiya, bakachibungannya poka ichipanga nukuchibuzya zyosi zizyo u Chala ababombela, sona namumo ighuliye izila pakasi pabantu babo bate ba Yuda ukuti basubile.

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

Aba Loma 10:12

Pakuti butalipo ukulekana pakasi paba Yuda na bantu babo bate ba Yuda. U Chala we Mwene uwa bosi, sona akubasaya nkani abantu bosi babo bakwitizya kukwache.

Aba Loma 10:18

Loli imbalalusye: Nkimba kokuti aba Izilayeli batakivwa Amazyu Amiza? Naloli bakaghivwa pakuti Amasimbo ghakuti, “Izyu lyabo likivwika pachisu chosi ichapasi, amazyu ghabo ghakafika mupaka kubumalilo ubwa chisu ichapasi.”

Aba Loma 16:25

U Chala achindikiwanje. Ali na maka pakubakazya mulwitiko lwinyu, ukuyana na Mazyu Amiza agha Yesu Kilisitu ghagho nalumbilila, sona ukuyana nu buvumbuli ubwa vintu izyakubusyefu vivyo vikafisiwa ukwanda kale.

Aba Loma 16:26

Loli, ilelo vyavumbuliwa pabuzelu ukwendela mu masimbo agha balaghuzi; sona ukwendela mu malamulo agha Chala uwa bwila na bwila vyavumbuliwa ku bantu abaluko losi, umwakuti basubile nukwivwila.

Aba Loma 3:4

Awe, napo panandi! U Chala we wanaloli, napapo umuntu wesi mumyasi. Pakuti Amasimbo ghakuti, “Umwakuti ukuba mugholosu nanti ukudumula inongwa, sona nukuti ukulongela mubwanaloli.”

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

1 Aba Kolinti 15:47

Umuntu wakwanda yula, akamatiwa ni tope ilya muchisu ichapasi. Loli umuntu uwabubili yula akafuma kumwanya.

1 Aba Kolinti 2:7

Loli amahala ghagho tukughanena gho mahala agha Chala, ghagho abantu batangaghennya. U Chala akaghasala kale, bo achili nukupela ichisu ichapasi ukuti ghatupe ubuchindamu.

2 Aba Kolinti 1:19

Pakuti u Yesu Kilisitu, u Mwana uwa Chala, yuyo ane nu Silivana, sona nu Timoti tukamulumbililagha pakasi papinyu, ate we, “Eee” nu “Awe”, loli akabalilo kosi akabanga “Eee” uwa Chala.

Aba Galatiya 2:8

Pakuti u Chala yuyo akabomba ukwendela mwa Pitala mumbombo yache iya butumiwa pakasi paba Yuda, weyuyo sona akabomba bunubu ukwendela mumwane mumbombo yane iya butumiwa pakasi pabantu babo bate ba Yuda.

Aba Galatiya 4:4

Loli bo akabalilo kakwana, u Chala akatuma u Mwana wache uwakupapiwa mu mukolo, sona yuyo akapapiwa pasi pa Ndaghilo izya Mozesi,

Aba Efeso 1:9

Na mahala ghache ghosi, sona na kivwisizye kache atuvumbuliye izya kubusyefu izya bwighane bwache ukuyana ni chisa chache, chicho akayanizya zila mwa Kilisitu.

Aba Efeso 6:19

Sona nane munyiputilaye ukuti u Chala abike amazyu mumulomo wane bo nkufumusya, umwakuti imbamanyisye abantu nu bujivu nkani nizya kubusyefu izya Mazyu Amiza.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

Aba Kolosi 1:27

Chicho u Chala akulonda chakuti abavumbulile abantu bache izya kubusyefu, chicho bukabi nu buchindamu pakasi pabantu aba inko zyosi. Izyakubusyefu zinizi zyakuti u Kilisitu akwikala mumwinyu, chicho chikusimikizya ukuti mukwiza pakugabana ubuchindamu ubwa Chala.

Aba Kolosi 1:6

Amazyu Amiza ghakwendelela pakwela ivikomwa nukusata muchisu chosi ichapasi ukuyana namumo zikabela mumwinyu, ukwandila pisiku lilyo mukaghivwa, sona nukwivwisya nizya chisa icha Chala.

Aba Kolosi 2:2

Chicho nkulonda chakuti amoyo ghabo ghangakaziwa, sona nukuti bamamatilane poka mulughano, umwakuti bizule na mahala aghakivwisizye aka vintu. Bunubu bakwiza pakumanya umwakufikapo nizya kubusyefu izya Chala, yuyo we Kilisitu,

2 Aba Tesalonika 1:10

Pisiku lilalila akwiza pakupeghiwa umuchizi na bantu bache bosi abazelu, sona akwiza pakuchindikiwa na bantu bache bosi babo bakusubila. Namwe bulo mukwiza pakuba nabo, pakuti mukaghasubila amazyu ghagho tukababuzya.

2 Aba Tesalonika 2:7

Pakuti ilelo amaka aghakubusyefu agha mbibi ghandite kale pakubomba imbombo. Loli chikwiza pakuba kubusyefu mupaka papo efiwapo yuyo akuchikanizya.

1 Timoti 3:9

Babulemelezyanje nkani ubwanaloli ubwibizu ubwa lwitiko nu mabyebye umwiza.

Aba Hebeli 1:3

U Mwana ko kulama ukwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Aba Hebeli 7:7

Chakumanyikwa nkani ukuti umuntu uwa pamwanya akumusaya umuntu uwapasi.

Aba Hebeli 8:1

Ifundo iyenecho yiyo tukunena yo iyi: Tuli nawe umuputi usongo yuyo ikaye kunyobe indilo iya chitengo icha buchindamu icha Chala kumwanya.

1 Pitala 1:12

U Chala akabavumbulila abalaghuzi bala ukuti batakibombelagha bo babo bene, loli bakababombelagha amwe. Abene bakanena nizya vintu vivyo vikalumbililiwa kukwinyu na balumbilili babo bakafumusyanga Amazyu Amiza ukwendela mwa Muzimu Umuzelu yuyo akafuma kumwanya. Na bantumi bulo aba kumwanya bakunyonywa nkani pakuvyennya ivintu vinivi.

1 Pitala 1:20

Umwene akasaliwa nu Chala, bo ni chisu ichapasi chitapeliwe, loli avumbuliwa mumasiku aghabumalilo agha pachifukwa icha mwemwe.

1 Pitala 1:21

Amwe mukumusubila u Chala ukwendela mumwache, yuyo akamuzyusya kubufwe nukumupa ubuchindamu. Po ulwitiko nu lusubilo lwinyu vikwennya kwa Chala.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.

1 Pitala 3:22

Ilelo u Yesu abuka kumwanya, kuko ali pachitengo icha buchindamu kunyobe indilo iya Chala. Kulakula abantumi bosi poka na balaghili na bamaka bosi bakumulambila.

1 Yohani 1:2

Bo aboneka umupela ubumi uyu, tukamwennya. Po tukasimikizya nizya yuyo nukulumbilila kukwinyu nizya bumi ubwa bwila na bwila bubo bukaba nu Tata, sona bukavumbuliwa kukwitu.

1 Yohani 3:5

Loli muzimenye ukuti u Kilisitu akiza, umwakuti efye imbibi, pakuti mumwache mutalimo nayimoyimo imbibi.

1 Yohani 3:8

Umuntu wesi yuyo akwendelela pakubomba imbibi, mwana uwa Satana, pachifukwa ichakuti u Satana mubibi ukwandila ko kubwandilo. Pakuti u Mwana uwa Chala akiza umwakuti anangannye imbombo izya Satana yula.

Ubuvumbuli 17:5

Pa cheni chache pakasimbiwapo itabwa lilyo lili ni ching'anamulo ichakubusyefu ukuti, “U Babiloni umukulu nkani, unyina uwa bamalaya bosi nuwa bantu abanyazu bosi muchisu ichapasi.”

Ubuvumbuli 17:7

Po uwantumi akandalusya akati, “Nkimba choni chicho ukuswigha? Ane nkwiza pakukulingannya iching'anamulo ichakubusyefu nizya mukolo yunuyu, sona nizya chinyamana chicho chili ni mitu seveni, poka ni mpembe teni.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.