1 Timoti 3:15 - IBAYIBOLO 2024

¹⁵ Loli nanti nakaba, ukalata uyu akwiza pakukumanyisya mumo abantu babaghiye pakwikalilagha mu Nyumba iya Chala, yiyo chipanga icha Chala umumi, sona we mpanda nu lwalo ulwa bwanaloli.

Ulufingo Ulupya

¹⁵ Loli nanti nakaba, ukalata uyu akwiza pakukumanyizya mumo abantu babaghiye pakwikalilagha mu Nyumba iya Chala, yiyo chipanga icha Chala umumi, sona we mpanda, nu lwalo ulwa bwanaloli.

1 Timoti 3:15 Iomraidhean Croise

1 Abamwene 2:2

“Akabalilo kane akakwepelamo muchisu ichapasi kapalamila. Ujimbaye, ubanje we mwanavuli.

1 Abamwene 2:4

Bombagha bunubu ukuti u Mwene abombaye zizyo akandayizya ukuti, ‘Nanti abaluko lwako baba ni nkalo inyiza, sona nanti baba basubiliwa pamaso papane nu moyo wabo ghosi nu muzimu wabo ghosi, utakwiza pakusobelwapo nalumolumo umuntu uwakuti alaghilaye ichisu icha Izilayeli.’

2 Abamwene 19:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache uwamu Asiliya abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

1 Imbili 22:13

Nanti ukuzikonka indaghilo zizyo u Mwene akamupa u Mozesi ukuti abape aba Izilayeli, po ivintu vikwiza pakukwendela akiza nkani. Ujimbaye, sona ubanje nu lweke. Utakanyilaye pamo ukuwa amaka.

Masalimo 42:2

Umoyo wane ghuli ni nyota nu Chala, u Chala umumi. Po nkimba nkwiza pakubuka liyi pakumwiputa u Chala?

Masalimo 84:2

Umuzimu wane ghukulusamba sona ghukululonda nkani ulubinjilo ulwa Mwene. Umoyo nu mubili wane vikumwimbila nu lusekelo u Chala uwa bumi.

Yelemiya 1:18

Ilelo nakupela pakuba we kaya akakulu nkani akakuzyunguliliwa ni linga, ni mpanda iya chela, sona nulubumba ulwa mukuba, umwakuti utakachinyilaye ichisu chosi, abamwene bosi aba mu Yuda pamo amakambala ghache pamo abaputi bache sona na bantu aba muchisu chilachila.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Yelemiya 23:36

Loli mutakayitambulaye intamyo iya Mwene, pachifukwa ichakuti izyu ilya muntu wesi likuba ntamyo, po mukughannyongannya amazyu agha Chala umumi, u Mwene Uwamaka Ghosi, u Chala witu.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Matayi 16:16

U Simoni Pitala akamula akati, “Awe we Kilisitu, u Mwana uwa Chala umumi.”

Matayi 18:18

“Polelo naloli nkubabuzya ukuti chosi chicho mwachipinya pasi pano chapinyiwa na kumwanya bulo, sona chosi chicho mwachisatula pasi pano chasatuliwa na kumwanya bulo.

Yohani 1:17

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.

Yohani 14:6

U Yesu akamula akati, “Ane ne Zila, ne Bwanaloli, sona ne Bumi. Nayumo umuntu yuyo akubuka kwa Tata ukusita ukwendela mumwane.”

Yohani 18:37

Po u Pilati akamulalusya akati, “Nkimba we Mwene?” U Yesu akamula akati, “Momumo mo wanenela ukuti ane ne Mwene. Nkapapiwa nukwiza muchisu ichapasi ukuti imbusimikizye ubwanaloli. Umuntu wesi yuyo ali pa bwanaloli, akwivwila amazyu ghane.”

Yohani 6:69

Losi ulu tukusubila nukumanya ukuti awe we Muzelu yuyo afuma kwa Chala.”

Imbombo 1:2

mupaka pisiku lilyo akasendiwanga pakubuka kumwanya. Loli bo atasendiwe, akababuzya na maka agha Muzimu Umuzelu abatumiwa babo akabasala izyakubomba.

Imbombo 14:15

“Mwebaya mwee, choni chicho mukubomba zinizi? Aswe twe bantu bulo ngati mwemwe! Tuli pano pakulumbilila kukwinyu Amazyu Amiza, ukuti muvileke ivintu ivibibi nukumukonka u Chala umumi, yuyo akapela kumwanya, ni chisu ichapasi, ni nyanja, sona na vyosi vivyo vili mulamula.

Aba Loma 3:2

Ubwiza bulipo nkani pakuba mu Yuda. Ichintu ichakwanda, u Chala akabapa aba Yuda amazyu ghache ukuti baghasungaye.

Aba Loma 9:26

Sona pabuzilo bulabula po papo bakabuziwa ukuti, ‘Amwe te mwe bantu bane,’ bakwiza pakwitiziwa ukuti, ‘Bana aba Chala umumi.’ ”

1 Aba Kolinti 10:32

Mutakabapunuzye abantu abanji, manyi ba Yuda, manyi ba Giliki, manyi chipanga icha Chala.

1 Aba Kolinti 3:16

Nkimba mutazimenye ukuti amwe mwe Nyumba iya Chala, sona nukuti u Muzimu uwa Chala akwikala mumwinyu?

2 Aba Kolinti 3:3

Amwe mukulanjizya pabuzelu ukuti mwe kalata uwakufuma kwa Kilisitu, yuyo akasimbiwa ukwendela mumwitu. Ukalata uyu atakasimbiwa ni inki, awe, loli akasimbiwa nu Muzimu uwa Chala umumi, sona atakasimbiwa pamabwe amapapate, awe, loli akasimbiwa mumoyo ghitu.

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

2 Aba Kolinti 6:7

na mazyu ghitu aghanaloli, sona na maka agha Chala. Twalanjizya ni vilwilo ivigholosu kunyobe indilo, sona na kumongo.

Aba Galatiya 2:9

U Yakobo nu Pitala, sona nu Yohani bakaba ngati zyo mpanda. Abene bakazyaghannya ukuti akaba we Chala yuyo akampa ane imbombo yiniyi. Po bakasyopolana nane nu Balanabasi ukulanjizya ukuti tuli poka. Tukivwana ukuti aswe tubuke pakasi pabantu babo bate ba Yuda, sona nukuti abene babuke kuba Yuda.

Aba Galatiya 3:1

Mwee ba Galatiya, mwe bapunganu! Nkimba wewenu akabalogha? Amwe mukabuziwa akiza nkani nizya bufwe ubwa Yesu Kilisitu pachipinjika ngati po mukachennya na maso ghinyu.

Aba Efeso 4:21

Naloli mukivwa nizya yuyo, sona mukamanyisiwa nizya yuyo ukuyana nu bwanaloli bubo buli mwa Yesu.

Ukukumbusya Amalamulo 31:23

Po u Mwene akamubuzya u Yoshwa umwana uwa Nuni akati, “Ubanje nu lweke, sona ujimbaye nkani, pakuti wewe ukwiza pakubalongolela aba Izilayeli pakubinjizya muchisu chicho nkabalayizya, sona ane ne mwenecho nkwiza pakuba nawe.”

Ukukumbusya Amalamulo 5:26

Nkimba alipo umuntu yuyo akendelela pakuba nubumi, bo amwivwa u Chala umumi akunena mumoto?

Aba Kolosi 1:5

Bo Amazyu Amiza, ghagho mazyu ghanaloli, ghalumbililiwa tasi kukwinyu, mukivwa nizya lusubilo lulo lukupa. Po ulwitiko lwinyu, sona nu lughano lwinyu vyimite pavivyo mukulindilila, vivyo visungiwe akiza nkani kumwanya.

1 Aba Tesalonika 1:9

Pakuti abene bakunena nizya mumo mukatupokelela akiza, sona namumo mukavileghukila ivifwani nukumubombela u Chala umumi, sona nu wanaloli.

1 Timoti 3:14

Bo nkukusimbila ukalata uyu, nkusubila ukuti nkwiza kunuko, lunulu.

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

1 Timoti 3:2

Umulongozi uwa chipanga abanje ni nkalo inyiza, abanje nu muchi weka, atakakolwanje, abanje wakwilema nu mololo nu wamuchizi nu wakupokela abayeni, uwakumanya pakumanyisya.

1 Timoti 3:5

Nanti umuntu atamenye pakulongozya akiza inyumba iyache ni yache, nkimba angasungilila bulibuli ichipanga icha Chala?

1 Timoti 4:10

Ichi cho chifukwa tukwiyula nukubomba nkani imbombo, pakuti twabika ulusubilo lwitu mwa Chala umumi, yuyo Mupoki uwa bantu bosi, sona nkaninkani uwa bantu babo bakusubila.

1 Timoti 6:16

U Chala mwene bulo atakufwapo nalumo, sona akwikala mu lukozyo lulo nayumo umuntu angapalamilako. Nayumo umuntu yuyo amwenizyepo pamo angamwennya. Kukwache kubanje umuchizi na maka bwila na bwila. Ameni.

2 Timoti 2:19

Loli pope bulo ulwalo ulukafu, lulo u Chala azenga lutanganeng'ena napo panandi, sona papo pasimbiwe amazyu agha, “U Mwene abamenye abantu babo bache,” sona, “Umuntu wesi yuyo akwitika nu mulomo wache ukuti wa Mwene, apindukaye nukuzileka imbibi zyache.”

2 Timoti 2:20

Munyumba inkulu nkani muli ivibombelo ivyakupiyila ivyakulekanalekana: Vimo vya golide nu siliva; ivinji vya makwi, ni tope; vimo vyakubombezya mumasikumumasiku, ivinji vyakubombezya isiku ni siku.

Aba Hebeli 10:21

Sona pakuti tuli nu muputi usongo uwakwenelezya Inyumba iya Chala,

Aba Hebeli 12:22

Loli mwiza kwighamba ilya Ziyoni nakaya akakulu nkani aka Chala Umumi, u Yelusalemu uwakumwanya, poka ni chilundilo icha bantumi amasabuzani na masabuzani.

Aba Hebeli 3:12

Mwee bakamu bane, muchebaye ukuti atakabepo nayumo umuntu mumwinyu uwa moyo umubibi, sona nu musita ukusubila, ghugho ghungamulesannya nu Chala umumi.

Aba Hebeli 9:14

Po ibanda ilya Kilisitu, yuyo ukwendela mu Muzimu uwa bwila na bwila, akiyipa mwene ukuti chibanje chakwiyipa ichakufikapo kwa Chala likwiza pakuswefya umabyebye witu pambombo izyabulo, umwakuti tungamubombela u Chala umumi.

Yoshwa 3:10

Bunubu mukwiza pakuzyaghannya ukuti u Chala umumi ali pakasi papinyu sona nukuti naloli akwiza pakubachimbizya pamaso papinyu abalwani binyu aba Kenani naba Hiti naba Hivi naba Pelezi naba Giligashi naba Amoli sona naba Yebusi.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 4:17

Pakuti akabalilo kakwana akakuti u Chala ande pakulonga abantu bache. Nanti ubulongi bukwiza pakwandila naswe, nkimba kukwiza pakuba bulibuli na bantu babo batakusubila Amazyu Amiza agha Chala?

Ubuvumbuli 7:2

Po nkennya sona uwantumi uwakumwanya uyunji akukwela kubufumilo bwizuba ali ni chidindo icha Chala umumi. Akabitizya abantumi folo bala nizyu ilya pamwanya nkani, babo u Chala akabapa amaka aghakunanganizizya ichisu ichapasi ni nyanja.

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.