1 Timoti 2:8 - IBAYIBOLO 2024

⁸ Nkulonda ukuti posi na posi abanavuli babo bapaghuliliwe kwa Chala, biputaye umwakukwezya inyobe zyabo izelu mumwanya umwakusita ukukalala, pamo ukususannya.

Ulufingo Ulupya

⁸ Nkulonda ukuti posi na posi abanavuli babo bapaghuliliwe kwa Chala, biputaye umwakukwezya inyobe zyabo izelu mumwanya umwakusita ukukalala, pamo ukususannya.

1 Timoti 2:8 Iomraidhean Croise

1 Abamwene 3:11

Po u Mwene akamubuzya u Solomoni akati, “Pachifukwa ichakuti walaba amahala sona utakalaba ubumi ubutali pamo ubukabi pamo ubufwe ubwa abalwani bako loli walaba amahala aghakubalaghilila abantu bako.

Yobu 16:17

Loli inte ne walombwa, sona ulwiputo lwane lwanaloli.

Masalimo 134:2

Kwezya inyobe zyinyu mumwanya, pakumwiputa mubuzilo bwache ubuzelu, sona mumupalaye u Mwene.

Masalimo 141:2

Inyiputo zyane zibanje ngati twakufukizya utwakununkila pamaso papako. Ukukwezya inyobe zyane mumwanya, kubanje ngati cho chakwiyipa icha pachamabwila.

Masalimo 24:4

Kokuti muntu yuyo inyobe zyache swepu, sona umoyo wache ghope mugholosu. Yunuyu we muntu yuyo atakubikilako umoyo wache pavintu ivyabulo, pamo ukulapa ivyabumyasi.

Masalimo 26:6

Nkusukusula munyobe zyane ukulanjizya ukuti intanangitepo, loli nkukuchindika pakwenda umwakuzyungulila pachighemo chako.

Masalimo 28:2

Unteghelezyanje bo nkulila ukuti umpelele ichisa sona bo nkulila, nkulaba ubwavwilizi. Unteghelezyanje bo nagholosezya inyobe zyane ku Buzilo bwako Ubuzelu Nkani.

Masalimo 35:13

Loli bo babinite, nkavwalagha amasaka, sona nkatuzya pakulya. Bo inyiputo zyane zitamuliwe.

Masalimo 63:4

Nkwiza pakukupala bo inchili indi nubumi, sona nkwiza pakukwezya inyobe zyane pakukuchindika.

Masalimo 66:18

Nanti intakazilatagha imbibi zyane nukuzifisa mumoyo wane, ngali u Mwene atanteghelezizye.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Ivyili 21:27

Ichakwiyipa icha muntu umubibi gho mwiko, nkaninkani nanti achibika ni nyinong'ono imbibi!

Yesaya 1:15

Bo mukukwezya inyobe zyinyu mumwanya pakwiputa, nkwiza pakwighalila amaso ghane. Napapo inyiputo zyinyu zingaba ntali, loli ane ntakwiza pakuziteghelezya, pachifukwa ichakuti inyobe zyinyu zyizuye ni banda.

Matayi 21:21

U Yesu akamula akati, “Naloli nkubabuzya ukuti nanti mukusubila nukusita ukwilamwa mukwiza pakubomba vivyo nachibombela ichikuyu chinichi. Sona chite cho chinichi chene loli mungalibuzya ighamba ili ukuti, ‘Nyamuka bukagha nukwisumba munyanja.’ Po ichi chikwiza pakubombiwa.

Matayi 5:44

Loli ilelo nkubabuzya ukuti mubaghane abalwani binyu nukubiputila babo bakubavwima,

Matayi 6:12

Utuhobokele imbibi zyitu ukuyana namumo naswe bulo tukubahobokela abantu babo bakutunangila.

Luka 23:34

U Yesu akati, “Wee Tata ubahobokele pakuti batakuzimanya zizyo bakubomba.” Bakagabana amenda ghache pakupanga amayele.

Luka 24:50

Po akabalongolela pakufuma nabo mukaya akakulu nkani kala mupaka mukaya aka Betaniya. Kulakula akimika inyobe zyache nukubasaya.

Yohani 4:21

U Yesu akamubuzya umukolo yula akati, “Wee mukolo unsubile, akabalilo kakwiza kako mutakwiza pakumwiputa Utata pighamba linili, pamo mu Yelusalemu.

Imbombo 10:2

Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala.

Imbombo 10:31

nukumubuzya ukuti, ‘Wee Kolineliya! U Chala ivwa inyiputo zyako, sona akumbuka imbombo zyako inyiza pakasi pabantu abapina.

Imbombo 10:4

Akamwenelezya uwantumi yula nubogha nukumulalusya ukuti, “Wee Mwene, nkimba cho choni ichi?” Uwantumi akamula akati, “U Chala ahobokite ni nyiputo zyako, sona akumbuka imbombo zyako inyiza pakasi pabantu abapina.

Imbombo 21:5

Loli bo akabalilo akakwikalila nabo kamala, tukanyamuka nukwendelela nu bulendo bwitu. Abamanyili bosi poka na bachi na bana babo bakatusindikila mupaka kuzi ukwa kaya kalakala. Kulakula pa bwima tukafughama nukwiputa.

Imbombo 7:60

Akafughama nukulila na mazyu agha pamwanya ukuti, “Wee Mwene! Utakakumbuke imbibi yabo iyi.” Bo anena zinizi akafwa.

1 Aba Kolinti 1:2

Tukuchisimbila ichipanga icha Chala icha mu Kolinti, abantu babo bakapaghuliwa mwa Kilisitu Yesu, sona babo bitiziwe pakuba bantu bazelu, poka na bantu bosi kosi na kosi, babo bakulichindika itabwa ilya Mwene witu u Yesu Kilisitu, u Mwene wabo nu Mwene witu.

1 Aba Kolinti 7:7

Nalondagha ukuti abantu bosi babanje ngati mumo imbeleye. Loli umuntu wesi ali ni chabupi chache chicho u Chala akamupa, weka ichi, sona uyunji ichinji.

2 Aba Kolinti 2:14

Loli u Chala apaliwanje, yuyo mwa Kilisitu akabalilo kosi akutulongolela palusekelo ulwa bupoti, sona ukwendela mumwitu pakufumusya nizya Kilisitu posi na posi ngati gho munusi umwiza.

Aba Filipi 1:12

Mwee bakamu bane, nkulonda mumanye ukuti zizyo zikangwila zikavwa nkani pakufumusya Amazyu Amiza.

1 Aba Tesalonika 1:8

Naloli ukwandila mumwinyu amazyu agha Mwene ghakasata mu Makedoniya, na mu Akaya bulo, sona ipangwi nizya lwitiko lwinyu mwa Chala likasata posi na posi. Polelo chitalipo nachimochimo chicho tunganenapo.

1 Timoti 5:14

Polelo nalondagha ukuti ngali abafwilwe abachilindu basendiwe nukupapa abana nukusungilila akiza inyumba zyabo. Po abalwani bitu batakwiza pakulwaghilapo ulusako ulwakutunena ububibi.

Titi 3:8

Amazyu agha masubiliwa. Nkulonda ukuti udidimizyepo pavintu vinivi, umwakuti abantu babo bakumusubila u Chala babanje bakwikolezannya pakubomba imbombo inyiza, zizyo nyiza, sona zikubavwa abantu bosi.

Aba Hebeli 10:22

po zagha tupalamile kwa Chala nu moyo uwanaloli nu moyo uwa lwitiko, sona na moyo ghagho ghaswefiwe umabyebye umubibi, sona na mabili ghagho ghasukiwe na mizi amiza.

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!

1 Pitala 3:7

Umwakuyana bulo, namwe bulo mwe balume mubaghiye mwikalaye akiza na bachi binyu. Mubachindikaye pakuti bantu abadedebazu, sona nukuti bakwiza pakupyana ichilingo poka namwe, chicho chabupi icha bumi ubwa Chala. Bombagha chinichi, umwakuti chitakabepo nachimochimo ichakuvulungannya inyiputo zyinyu.