1 Timoti 2:7 - IBAYIBOLO 2024

⁷ Ichi cho chifukwa nkasaliwa pakuba ne mulumbilili nu mutumiwa, sona nu mumanyisi uwa lwitiko ulwanaloli uwa bantu babo bate ba Yuda. Nkunena ubwanaloli, intakutamanta, awe.

Ulufingo Ulupya

⁷ Ichi cho chifukwa inkasaliwa pakuba ne mulumbilili, nu mutumiwa, sona nu mumanyisi uwa lwitiko ulwanaloli uwa bantu babo bate ba Yuda. Nkunena ubwanaloli, ntakutamanta, awe.

1 Timoti 2:7 Iomraidhean Croise

Masalimo 111:7

Imbombo izya nyobe zyache nsubiliwa sona ngolosu, amalamulo ghache ghope masubiliwa.

Umulumbilili 1:12

Ane ne mulumbilili nkabalaghilagha aba Izilayeli bo indi mu Yelusalemu.

Umulumbilili 7:27

Umulumbilili akuti, “Ennya izi zyo zizyo nkazyagha umwakuti imanye mumo ivintu vibeleye.

Yohani 7:35

Abalaghili aba Chiyuda bakalalusannya benebene bakati, “Nkimba umuntu yunuyu akulonda pakubuka kwiyi kuko tutangamwagha? Nkimba akulonda pakubuka muvyisu ivya ba Giliki kuko abantu bitu bakwikala nukubamanyisya aba Giliki?

Imbombo 14:27

Bo bafika mu Antiyokiya, bakachibungannya poka ichipanga nukuchibuzya zyosi zizyo u Chala ababombela, sona namumo ighuliye izila pakasi pabantu babo bate ba Yuda ukuti basubile.

Imbombo 22:21

Po u Mwene akati, ‘Bukagha pakuti nkwiza pakukutuma kubutali nkani na bantu babo bate ba Yuda.’ ”

Imbombo 26:20

Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.

Imbombo 9:15

U Mwene akamubuzya akati, “Bukagha pakuti namusala ukuti ambombele, ukufumusya itabwa lyane pakasi pabantu babo bate ba Yuda, na bamwene, sona na pakasi paba Izilayeli.

Aba Loma 1:9

U Chala, yuyo nkumubombela nu moyo wane ghosi pakulumbilila Amazyu Amiza aghakunena nizya Mwana wache, we kaboni wane ukuti akabalilo kosi nkubakumbuka munyiputo zyane.

Aba Loma 10:14

Po nkimba abantu bangamwitizya bulibuli yuyo batamusubiye? Sona bangasubila bulibuli, nanti bativuyepo amazyu? Sona bangivwa bulibuli amazyu, nanti amazyu ghatakulumbililiwa kukwabo?

Aba Loma 11:13

Losi ulu nkunena namwe bantu mwe mute mwe ba Yuda. Ane pakuba ne mutumiwa pakasi pabantu babo bate ba Yuda, nkwituvikizya pachifukwa icha butumiwa bwane bunubu.

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

Aba Loma 9:1

Nkunena ubwanaloli: Ane ne wa Kilisitu, sona intakutamanta. Umabyebye wane yuyo akulamuliwa nu Muzimu Umuzelu sona wepe akunsimikizya ukuti intakutamanta

1 Aba Kolinti 9:1

Nkimba ane inte ne musatuke? Fwandi, ane inte ne mutumiwa? Nkimba intamwenizyepo u Yesu, u Mwene witu? Nkimba amwe mute mwe seke izya mbombo yiyo nkamubombela u Mwene?

2 Aba Kolinti 11:31

U Chala, sona Uwise uwa Mwene witu u Yesu, yuyo abaghiye pakuchindikiwa bwila na bwila, azimenye ukuti ane intakutamanta.

Aba Galatiya 1:16

akanvumbulila ane u Mwana wache, umwakuti imulumbilile pakasi pabantu babo bate ba Yuda. Intakabukako na ku muntu nayumoyumo pakulaba amahala, awe.

Aba Galatiya 1:20

Nkusimikizya pamaso pa Chala ukuti zizyo nabasimbila, zite zyabumyasi, awe.

Aba Galatiya 2:16

Loli tuzimenye ukuti umuntu atakuneniwa pakuba mugholosu pamaso pa Chala pakuzikonka Indaghilo, loli kwene ukwendela mu lwitiko mwa Yesu Kilisitu. Po naswe bulo tuli nu lwitiko mwa Kilisitu u Yesu, umwakuti tunganeniwa pakuba bagholosu pamaso pa Chala ukwendela mu lwitiko mwa Kilisitu, pate pakuzikonka Indaghilo pene. Pakuti nayumo umuntu yuyo anganeniwa pakuba mugholosu pamaso pa Chala pakuzikonka Indaghilo pene.

Aba Galatiya 2:9

U Yakobo nu Pitala, sona nu Yohani bakaba ngati zyo mpanda. Abene bakazyaghannya ukuti akaba we Chala yuyo akampa ane imbombo yiniyi. Po bakasyopolana nane nu Balanabasi ukulanjizya ukuti tuli poka. Tukivwana ukuti aswe tubuke pakasi pabantu babo bate ba Yuda, sona nukuti abene babuke kuba Yuda.

Aba Galatiya 3:9

Po abantu babo basubila, basayiliwa poka nu Abulahamu, yuyo muntu uwa lwitiko.

2 Timoti 1:11

Nkasaliwa ukuti imbanje ne mutumiwa nu mumanyisi ukuti indumbilile Amazyu Amiza ghanagha,

2 Pitala 2:5

U Chala atakachileka bulo ichisu chila, loli akachizimizya ichisu ichapasi na mizi aghakwizula sona na bantu babo batakamunyilagha u Chala. Loli akamupoka mwene u Nowa, yuyo akalumbililagha nizya bugholosu poka na bantu abanji seveni.